[متعب فهد]

السلام عليكم ..


اتمنى ان تحوز هذه المتواضعه على رضاكم واستحسانكم ..


/




البارحه وأوجست في صدري حراره
من لاهب ٍ واليا طفا جاوب خويّه

يا مز حالي مز من مز الزقاره
شخص ٍ على مز الزقاير به شهيّه

فرقى الجديّل بالهوى جرم وخساره
يالله عسى الأيام تجمعنا سويّه

أرسلت له حرفين ثم ابطى قراره
والوجد نار ٍ في حنايا الروح حيّه

كني على ما قيل ماسك لي خفاره
ما غير ادوّج حيهم صبح وعشيّه

واليا وحيت لصوتها جتني نعاره
أزعج واهيجن لين ادن الهاشميّه

يا جاره الله خافقي من الوقت جاره
يالله تعين القلب في يديها هديّه


متعب فهد

[ناصر المطيري]

وعليكم السلام


مزه مختلفه

بنكهة الشعر


دمت ودام عطائك



لك التقدير

.


.

[متعب فهد]

الشاعر

ناصر المطيري
لا انتظر ما تقوله فانت لا يلحقني فيك ادنا شك
يشرفني قراءتك //
وافتخر بحضورك
لك تقديري






اخوك / متعب