05-05-2007, 12:17
|
#1 |
|
عيار
|
موقع ( قوقل ) طلّع لي فضايح ( صور ) !
سلامون عليكمون .. سلخير جميع .. و اللي ساعته الآن ( 7 ) الصباح .. فراح أقولّه بالفمّ المليان سوس ( يسعد لي صباحك الوردي )  هالموضوع قرقع في صدري .. وكُنت مُتردد بطرحه لكن نغزتني نفسيَ البارح وقالت أطرحه وخلّي الناس تقراه واللي مايقدر يشتري .. فحسابه علينا مجاناً !  بدايةً .. ودّي أمصع لكم بسؤالك : وش رايكم في اللي يسرق ؟ طيب .. خلونا من اللي يسرق وراح نعطيكم من الآخر .. وش حُكم ( السَرِقه ) ؟ أكيد أنها ( ماتجوز ) طبعاً .. حتى لو كان الحرامي خويي ( دحيّم ) والمسروق ( أبو سالم الاعور ) اللي باقصى الديره !  باختصار ومن دون طويله عليكم ... بالأمس مديت رجلي .. لأصل إلى أقصى حرف في موقع ( قوقل ) الشهير قلت : ياولد .. خلني أبحث عن بعض المواضيع اللي كتبتها في الفتره الماضيه .. يمكن نلقى تعليق جانبي .. أو واحد يبي يسلفني .. أو يمكن نلاقي أحد يعرض علي وضيفه عنده ... أو نطيح بوحدتن تبيني أعرس عليها  ومن بديت البحث وانا اللي ألاقي طوّام .. كنت صراحه أتمنى وقتها أني ماتجرأت أو فكّرت بالبحث .. لكن ( النفس وماتهوى ) .. أكثر من ( 50 ) حرامي وسروق أبقع لاطش أكثر من موضوع لي .. مع أن مقالاتي دائماً أدوّن في نهايتها وبالخط العريض [ ممنوع لطش الموضوع ياللي مانيب قايل ] .. بس بعض الناس مايفهم ويدّه تحكّه انه يهرقل ويبدى يزوغ ويسرق أبو الملطوش وينسبه لفضيلته ! الغريب أن البعض لقيته ( مُشرف ) في منتدى .. والأصل أنه يكون قدو لغيره وأن يكون ( لَبِنه حسنه يُحتذا بِها ) .. لكن نفسه تأبى إلا تلطيخ حروفه بالمسروق ! ماكنت أنوي أكتب هالحروف .. لكن البعض يتركني أموج في بحر ( إعلان الفضائح ) .. كي أوقف ( مدّ وجزر ) تِلك السرقات المتواليه .. !  كُل أمانيي فقط ممن سأضع صورهم الآن أن يتوبو إلى الله وأن يتركوا تِلك الحركات الصبيانيه الغير لائقة .. وأتمنى أيضاً ممن لديه نيّة بالسرقة أن يتذكّر أنني لستُ مُبيحاً له بنقل أي حرف .. وستقف أمام الله عزّ وجلّ يديه للشهاده عليه بما تجرأت بنقل مالا يحلّ له ! .. وأيضاً لن تَفتُر يدي عن البحث عن غيرهم .. وهذا مكيالٌ لوقف زحف السرقات التي نجدها بين الفينه والأخرى لبعض من يجتهد في الكتابه ثم يجد غيره ينسِبُها إليه .. سواءً لي أو لغيري من الكُتّاب الذين يبذلون الجُهد في كتابة المواضيع . # ليس العيب بأن تَكتُب " منقول " .. ولكنَّ العيب أن تكون نفسُكَ مطواعةً لك بالشرّ ! (( بعض صور المسروقات .. يافضيحة من لقطنا صورته وهو من دون فنيله علاقي ! )) الحرامي الاول  الحرامي الثاني المتنيّل بنيله  الحرامي الثالث اللي مالبس فنيله داخليه  الحرامي الرابع .. اسحبه يامدمن مع رقبته .. بسم الله  الحرامي الخامس  الحرامي السادس .. أحسّ أن وجه هالسروق طويل .. كنّه يوم السبت !   الحرامي السابع .. مُشرف زياده كشنه    الحرامي الثامن الله يوخذه   سلامون ياجماعه  :: مدمن شاهي :: |
|
|
|
06-05-2007, 15:31
|
#2 |
|
مشرف
|
رد : موقع ( قوقل ) طلّع لي فضايح ( صور ) !
هلا يامدمن شاهي اما لو كل واحد يحجر للي سرقوه مثلك ماعاد شفنا احدن يسرق احد :d ومفروض اللي يسرق ماحقه الا انه يشهر به مثل ماسوا مدمن شاهي في هالسملق :d تشاوووووووووووووووووووو |
|
|
|
|
12-05-2007, 02:20
|
#3 |
|
عضو شعبيات
|
رد : موقع ( قوقل ) طلّع لي فضايح ( صور ) !
زين ماسويت فيهم يستاهلون التشهيرواكثر وهذا قليل في حقهم أقول يامدمن شاهي انت لقيت بعض الحرامية أنا متأكد لو انك طولت بعد شوية في البحث عن هالحرامية اللي ماعندهم ضمير كان لقيت علي بابا والاربعين حرامي قاعدين وياهم يفطرون بثوم ويتغدون بصل لا وسارقينه من عند الجيران بعد . اخر تعديل كان بواسطة » عبدالله الزيمور في يوم » 12-05-2007 عند الساعة » 10:43. |
|
|
|
|
25-06-2007, 02:55
|
#4 |
|
عضو شعبيات
|
رد : موقع ( قوقل ) طلّع لي فضايح ( صور ) !
عـزيـزي مـدمـن شـاهـي والله هـ الموضوع يؤرّق كل مُـبدع وهذا معناه بأننا كـ كتّاب سـ تبقى مدوناتنا حبيسة صدورنا أو الأدراج ؟ أيعقل هـذا ؟؟ وأنا والله حزين جـدًا على مجهوداتك ألتي إتنثّرت هنا وهناك ع العـموم .. أقـديت يوم شـهّرت فيهم .. وقسم بالله إرتفع ضغطي منهم هـ الجحلـّط تقبّل مروري من هنا ياعزيزي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
