11-04-2007, 10:43 | #1 |
شــاعر
|
رحلة البساط
هلا بكم في الميدان
ياهل الشعر والمعنا وبدع الجزيل = اسمحوا لي بساط الشعر جيت امتطيه من قليلٍ كثير ومن كثيرٍ قليل = ينتشيني مثل رش المطر وانتشيه اخر تعديل كان بواسطة » محمد السالم في يوم » 11-04-2007 عند الساعة » 13:17. |
11-04-2007, 12:57 | #2 | |
شاعر
|
رد : رحلة البساط
يامحمد عسى مدك وعمرك طويل = مد يمناك يمي وطرق اللي تبيه أنت من روس قومٍ ماتحب البخيل = بهر الدله اللي ريحها نشتهيه |
|
11-04-2007, 13:46 | #3 |
شــاعر
|
رد : رحلة البساط
محربأ بك يانايف عد خوص النخيل = وبشر بدلة فنجالها تحتسيه ماعليكم مزاود ياحماة الدخيل = فعلكم ما يغبى يابياض الوجيه اخر تعديل كان بواسطة » محمد السالم في يوم » 11-04-2007 عند الساعة » 19:19. |
11-04-2007, 14:38 | #4 |
شـاعر
|
رد : رحلة البساط
محمد السالم مرحبا بك بين ربعك و خوانك و الله يحييك انا متابعكم و في صف محمد ولا يهون نايف بس تعبت و انا امسك في صفوفه ربعه واجد :d تموا قواكم الله من قليلٍ كثيـر ومـن كثيـرٍ قليـل ينتشيني مثل رش المطر وانتشيـه من قليلٍ كثيـر ومـن كثيـرٍ قليـل ينتشيني مثل رش المطر وانتشيـه الله الله صح لسانك . |
11-04-2007, 20:27 | #5 |
شــاعر
|
رد : رحلة البساط
مرحبا يا يزيد الله لا يهثم صفك يا يزيد اشدراك اني احتاج من يقف في صفي امام هذا العملاق اسرنا تواجدك ومساندتك |
11-04-2007, 20:28 | #6 |
شــاعر
|
رد : رحلة البساط
صيفت ياخوي نايف عسى المانع خير ؟ |
11-04-2007, 23:12 | #7 | |
شاعر
|
رد : رحلة البساط
البقى بك تقدم لاتحط وتشيل = والله أني قنعت من الخطا والسفيه يابيض الوجه لاغثك وليد الذليل = وش تسوي ولك معروف فامه وبيه اخر تعديل كان بواسطة » نايف سعود في يوم » 11-04-2007 عند الساعة » 23:20. |
|
11-04-2007, 23:22 | #8 |
شاعر
|
رد : رحلة البساط
يزيد بن غشيان الله لايحرمنا وجودك من الناس اللي يحرص عليهم حقيقه وترى صفي وصف محمد واحد لاهنت |
12-04-2007, 07:32 | #9 |
شــاعر
|
رد : رحلة البساط
مبروك عليكم الحيا والله يمتعك بالــــ The weekend وتفضل طال عمرك
ياصبح الوجه قصة ناكرين الجميل = مرمس عهدها من قبل حملة بريه لكن اللي يناسب له نسيب هبيل = ويش يسوي بصهره لا تطاول عليه ؟ |
12-04-2007, 20:26 | #10 | |
شاعر
|
رد : رحلة البساط
للصور والفضايح وأبتداع المديل = ون توقد سناها ماتسرّه يديه لو أبمرح طوى ماكلت تمرالحويل = يامحمد تراها من نبيه لنبيه |
|
12-04-2007, 23:05 | #11 |
شــاعر
|
رد : رحلة البساط
محمد الله يستر منك مدري ويش انت ناوي عليه ,,,,,,,,,,,,,,, بما اني اشوف اني من هل المكان ارحب في الميدان يا حميدان ابو سعود لا عدمتك يا الاغالي ما عندك قصور بارز ودلالك جاهزه ومقنده ولكن اسمح لي انا في صف محمد قدني خابر من اللي معك واصلووووووووووووووووووووووا ومتابعين معكم |
13-04-2007, 00:18 | #12 |
شــاعر
|
رد : رحلة البساط
مرحبا الف يا عبد الله وبيض الله وجهك على هالتشجيع الذي نحتاجه شوفتك في الصف تكفي من الف صف طال عمرك |
13-04-2007, 00:19 | #13 |
شــاعر
|
رد : رحلة البساط
هونها ياعميلي نقضنا للفتيل = بس حنا صقرنا ودنا نشتويه فيه ناس هدفها بس خض الصميل = لا تضوي ريال ولا تضوي جنيه |
13-04-2007, 08:29 | #14 |
شــاعر
|
رد : رحلة البساط
الله الله متابع لكم جميع ومن ناحية الصف معك يا محمد ولا يهون نايف واصلوا لا عدمتكم |
13-04-2007, 08:33 | #15 |
شــاعر
|
رد : رحلة البساط
مرحبا يابو فهد والله تشرفنا متابعتك وتشجيعك لنا وتقبل هذه الثلاث مع هالصبح الجميل |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|