07-11-2001, 08:11
|
#1 |
|
عضو شعبيات
|
موتري الي بدين شريته
السلام عليكم ورحمة الله وبركاته أخوي هاوي القصيد اشكر لك دماثة اخلاقك وربي يسلمك بصراحه تراني ما فهمت الا بعد رسالتك الأخيرة واقوم اقرى العنوان بس العجله شينه انا اشكر لك مدحي اطروحاتي واشكر الاخ الذي في المنتدى الذي حولت قصيدتي اليه وبصراحه الي تشوفه مناسب ومفيد تصرف على كيفك وانا تحت امرك وهذه قصة شايب من قبيلة قحطان عليه رحمة الله وبركاته اشترى سياره وهو لا يجيد السياقه ووذات يوم دخل في احد الشعب الي حول المزاحميه وتورط ما قدر يطلع سيارته لأن الموتر منبشر ولا يعرف كيف يصلحه والريوس ما يعرفله وقام يسب الموتر ويستغرب من الي صنعوه كيف خلوه يريوس ويقدم على كيف سواقه وهي فيها من الفكاهه والشي الممتع والمفيد وانا كتبتها بنفس لهجة الشاعر حتى اعطي الامانه حقها ويرجع الفضل لأصحابه مع العلم ان هذه قصيده رواها لي شخص سمعها من الشيخ نفسه وقد نسيت اسم الشاعر فالمعذره فقال عليه رحمة الله : انـا لـي موتر شاريه ومشـتراه بـديـن ــــــــــــــ ولاني بعرف زيته ولاني عارف ماه يا سـايقه كـيف بـنقـولـبه ذلـحـيـن ـــــــــــــ رجـم عنه قدام ورجـم بـعد وراه ألـفـه يـسار والاقـشر يـروح يمـيـن ـــــــــــــ اثر قوم الأقـشر يوم بنشرت يمناه جـعل صـانعه يعطى العـمى في العين ــــــــــــ يـا كيف شـغله وقالبه لين سـواه ـــــــــــــــــــــــــــــــــــــــــــــ الرجم هو الجبل او الشي المرتفع وانا ارجومن الجميع المعذرة والسموحه ـــــــــــــــــــــــــــــــــــــــــــــ  |
|
|
|
07-11-2001, 15:14
|
#2 |
|
موقوف
|
ههههههههههههههههههههههههههههههههههههههههه والله اني مت من الضحك عقب ما قريتها بالنسبه للكلام بالمقدمه قبل السالفه فهذا من حسن ذوقك وطيبك طال عمرك وبيض الله وجهك ولا هنت يا غالي |
|
|
|
|
09-11-2001, 03:15
|
#3 |
|
عضو شعبيات
|
معليك وسع صدرك ترى هالقصيد الي يقولونه شيابنا رحم الله من مات وامتع الحيين بلباس الصحة والعافيه وربي يوفقك يا الغالي |
|
|
|
|
09-11-2001, 03:15
|
#4 |
|
عضو شعبيات
|
معليك وسع صدرك ترى هالقصيد الي يقولونه شيابنا رحم الله من مات وامتع الحيين بلباس الصحة والعافيه وربي يوفقك يا الغالي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
