11-11-2001, 09:38 | #1 |
عضو شعبيات
|
ياشاعرن شعره مثل حمسة الكيف
الله يسعد مساكم بكل خير قصيده ما سندتها على احد من اللي بالخاطر واردف عليها شاعر ارجوا ان تنال القبول وقد سبق نشرها بالاقلاع اما الرد اول مره ينشر البارحه تضوي همـــــومي مهاديف & ماكنّها الا مـــع خفــــــــــوقي ولايف من هاجسٍ ياخذ من العـــام بالصـيف & ياكم سطا وسط الضــــــلوعٍ النحايف امسى معي بهموم مهي ســـــــواليف & في لـيلةٍ مرت بكلّ الكـــــــــــلايف على ؟؟ٍ ماشــــفت قبله ولا شــــيف & لو دوّروا مثله بكل الطـــــوايف يومي عليه القـــــلب حبٍ بتخــــــريف & ماكنّه الا يوم يومـــي ســــــفايف على ذلولٍ بالســــــــــبق تاخذ الســيف & اليا عدت فالماد قدم العســــــايف حبّــــــــــه مكتفني عن الناس تكتيف & يصبح ويمســي بالضلوع الرهايف عليه وصـف اللي رعت بالاطـــــاريف & وازين وادقّ من المهــاة بوصايف بارضٍ خلا ما قطــــــــّعوها الشواحيف & بين النفود وبين ســـــــمرٍ نوايف هو ريف قلبي كان لارض الهـــوى ريف & هو منوتي بمــــــوردات الشـفايف لكن علــــيه من الخطـــــا والتخــــــاليف & وانا احســــبنّه بالمواصيل كايف يشـــــــــــــــــوفني غارق بليا مجــاديف & ماشـفت له رحمـه ولا هوب رايف والله لو اني متّ وايديــنه ( الســـــيف) & مامدّها ملعــــــون سـبع الجدايف ولولاي اداري من هــــــــروج الملاقيف& يوم اتقّي الزلات والقلب خـــــايف لانصاه ما حســــــــــّبت بعض التكاليف & ماينفع الرجـــــــال كثر الحسايف لكن عزاي اني ببعض المــــــــــواقيف & ادري وشفت الحــــــبّ كله خفايف وهذا الرد / واعتذر لصاحبها عن حذف بعض الابيات ياشاعرن شعره مثل حمســــــــــة االكيف & منزلك في العـلــــــــــــيا على راس نايف ياكاتبين الشـــعر قولن بلا زيف& لاجاء ؟؟؟؟؟؟؟؟؟؟ عـودوا نكايف شعره من الاعمــاق مافيه تحريف& ولاهو حكي فاضي ولا هرج زايف يشكي هموم العشق شاف السواريف& وقلبه غدا من حب خـــلّه نتايف وذي عادة العاشق دموعـه ذواريف& وتقول حافـه في دجى الليل حايف ويصبح نحيل العود عظم وغضاريف& ويسـير في دربه ولا هو بشايف شاف المها بفياض خضراء مواريف& وتذكر ايامن مضـت له عجايف واللي طلع واضحا بروس المشاريف& هبّت على راســه رياح المصايف راع الهوى دايم علومــه مهاييف & وتقفـــل عليه ايام كل الدرايف غرق بعد مامر برق وعواصــيف& مافادت احزابه وشــيخ وعرايف مات وبدا حزن الاهل والتحاسـيف & والتعزيه تنشــر بكل الصحايف هذا زمن غدار كله صـــواديف & فيه العجايب كلها والطـــرايف انصحك ياراعي الوفاء والمعاريف & دنياك ماقرت لقـــوم وخلايف نعيش في الذكـرى مع الحلم والطيف& واحلامنا راحت شتات وخطايف واخر كلام اخذ التحيـــه مراديف& ياشاعرن وظف قصـيده وظايف والله معه يحلى الحكي والســواليف& وبصحبته نبني قصـور وسقايف [ نوفمبر 10, 2001: تم تعديل الموضوع بواسطة : منطقي جدا ] |
11-11-2001, 09:48 | #2 |
سيـــف الســـيــف
|
<font color="Blue">ياسلاااااااااااااااااااااااام عليك يامنطقي اخوي والله ان القصيدتين كلهن درر وبيوتهن جزله ولايجي الجزل الا من جززززل صح لسانك ولسان صاحب الرد وسلمت اياديكم وبيض الله وجيهكم ومشكوووور اخوي على امتاعنا بها التحفتين اخوي لك تحياتي </font> |
12-11-2001, 01:21 | #3 |
عضو شعبيات
|
مساك الله با الخير اخوي منطقي صح لسانك وصح لسان راعي الرد اخوي منطقي والله اني كنت حريص اني اقرا كل قصايدك اللي في الاقلاع وصح لسانك وبيض الله وجهك كلها قصايد جزله ومايكتبها الا المبدع |
12-11-2001, 09:48 | #4 |
عضو شعبيات
|
الله يسعد مساكم بالخير سعادة المشرف ( ابو عبدالله ) زيارتك شرف وشكرا للاطراء والمتابعه والتشجيع الاخ غالي الاثمان الله يحيك كل وقت انا اسعد بوجودك وصح بدنك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|