14-12-2001, 04:47
|
#1 |
|
شـــــاعــــــر
|
ياسلام الله سلام(ن) كنه العيدية
اخواني جميعا لست ممن يحب الدخول في ميدان المحاورات وان كنت متابع ويعجبني اللعب على المعنى ورفع الزعل ورفع النفس عن الأمور الي تجرح الشعور وتمس الناس والمحاورة ولو دافعنا عنها ياكثر ما تسبب المنافسة الي احيانا لاتكون شريفة ما ودي اطول حبيت اداعب والمجال مفتوح لأكثر من شاعر يعني يلعب عليها اكثر من جهه والله يحيي الجميع وتراها المشاركة الأولى في هالركن الي عسا رواده ومشرفه يسامحونا على القطاعة . ياسلام الله سلام(ن) كنه العيديه ********** في يدين اللي يدينه خاليات المالي عقب ماقام يتلفت ما معه خرجية ********** صار صبح العيد يضحك فالجيوب ريالي تحياتي للجميع دون استثناء اخوكم ابونوت |
|
|
|
14-12-2001, 08:14
|
#2 |
|
عضو شعبيات
|
اخوي الشاعر اللذي لايشق له غبار ابو نوت كل عام وانت بخير ومن موقعك اقول كل عام والجميع بخير ياهلا مليون بك ياصافي(ن) بالنّيه ليت من شكلك كثير(ن) يالصحيب الغالي والفرح واحد جمعنا والخطط مقريّه ياعسا نلحق عليه ابْنعمة(ن) بالحالي |
|
|
|
|
15-12-2001, 02:38
|
#3 |
|
شـــــاعــــــر
|
الدكتور فيصل تحية شكر وعرفان لتفضلك بالدخول آسف على التأخير في الرد ضننت ان احدا لن يرد بسبب ان الجميع مشغولين بمحاورات اخرى . تفضل استلم ياخوي يافيصل ياطبيب الناس داو العلة المخفية ********* عالج اللي ضغط دمه من زمانه عالي وخل نارك ياوسيع العرف دايم حية *********وانتبه ويش الكلام الي يجي بالتالي تحياتي لك اخي [ ديسمبر 14, 2001: تم تعديل الموضوع بواسطة : ابونوت ] |
|
|
|
|
15-12-2001, 06:50
|
#4 |
|
عضو شعبيات
|
خالي ابو نوت واللي شرفني بلعب المحاوره معه بيّض الله وجهه وترا ياخال بكرا مناوب ولن ابطيت تعذرني عساك تدخل بدري وتقراها طال عمرك والله ان كل بيت معك فخر لي استلم طال عمرك الزمان امْحق ترا في روحته والجيّه صار يعطي الحقّ للي غادي(ن) ياخالي لكن ابْشر والعهد موثوق بالرديه لين يهدا الضغط والله مايْهدا لي بالي |
|
|
|
|
16-12-2001, 13:37
|
#5 |
|
شـــــاعــــــر
|
استلم ياخوي فيصل ولي الشرف في لعبي معك واعذرني على التأخير اللي احيانا ماله ما يبرره الحساني لو تجازى كلها بالسية ************** كان يدخل حضرة النبال بالحبالي والمريض اللي يعالج علته بالكية ************ان سلم نسي المرض هووالكوي والصالي وعيد وعيد الجميع سعيد ان شاء الله . |
|
|
|
|
17-12-2001, 02:36
|
#6 |
|
عضو شعبيات
|
السلام عليكم وقد اطلّ العيد عساكم من عواده واستل يابو نوت طال عمرك المرض باللي من افْعوله ترا معميّه يوم قاد الجيش كلّ(ن) عن دياره جالي والرّجل يعرف ولا يقبل نوايا العيّه والله المعبود ماغيره وليّ(ن) والي |
|
|
|
|
22-12-2001, 02:26
|
#7 |
|
شـــــاعــــــر
|
الأخ العزيز فيصل سامحني على التأخير نظرا لغيابي اليومين السابقين وربما اغيب مرة اخرى ومن الصعوبة ان اجد مكانا اكتب منه لعدم وجود مقاهي نت في البر. اليك الرد المتواضع لوشرى وابتاع في حية قعد مع حيه ***********ماعليه من الجمل ومزايد الجمالي هيبان (ن) مايسنبل فالحياض معية *********** وارد(ن)تلقى دليه يصفقن الجالي وسلامتك تحياتي لك اخي اخوك ابونوت |
|
|
|
|
23-12-2001, 07:50
|
#8 |
|
عضو شعبيات
|
هلا وغلا يابو نوت واجازة برية سعيده واستلم لاهنت ماطرق درب الحيا فزعه ولا بحميّه يوم نوده هبّ منهو طارق الموّالي وكم من اغْصون(ن) كثيره مالهنّه فيّه جعلها تنجثّ تغدي كالهشيم البالي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
