15-04-2005, 04:47 | #1 |
شــاعــر
|
هشــام ستــارك
صباحكم سكر محاولة مني للعودة والمشاركه هنا من جديد والهدف التسليه والاستفاده اتمنى أن أجد القبول من اي شاعر ..بعيدا" عن الاسماء المستعارة وحدوه :white: قصدي خلوهاا عّد من تابع هشام وعّد من يعشق هشام .......................... يا سلام الـلـه سـلام " يعـم الـلـي قـراه شاعر " واعرف طريق الحلال من الحرام ........................... من يطيب اطيب له ومن تردّى العن ثواه .. |
15-04-2005, 05:40 | #2 |
Guest
|
رد : هشــام ستــارك
صباحك ورد وريحان يا كحيلان بس ما تجي الا اخر الليل وش طاعووووووووونك يا متعب استلم لاعدمتك وباكر الى قمت جيتك عد من زار المدينه ومن صلى وصام .............................................مرحبا بالصاحب اللي رفيع ٍ مستواه انت شاعر تبخص الدرب ما فيها كلام ........................................ وادري انك تبخص طويق وجبال السراه |
15-04-2005, 08:35 | #3 |
شـــاعــر
|
رد : هشــام ستــارك
. السلام عليكم ورحمة الله وبركاته ... الله يصبحكم بالخير يا شعار ... محاوره من بدايتها قويه .. عّد من تابع هشام وعّد من يعشق هشام .......................... يا سلام الـلـه سـلام " يعـم الـلـي قـراه شاعر " واعرف طريق الحلال من الحرام ........................... من يطيب اطيب له ومن تردّى العن ثواه يا سلام يا متعب كفو والله كفووو ... عد من زار المدينه ومن صلى وصام .............................................مرحبا بالصاحب اللي رفيع ٍ مستواه انت شاعر تبخص الدرب ما فيها كلام ........................................ وادري انك تبخص طويق وجبال السراه الله يا بو عبدالعزيز يا سلام عليك واصلوا وحنّا متابعين بشغف ... تحياتي لكم .. احمد بن ديهان . . |
16-04-2005, 05:22 | #4 |
شــاعــر
|
رد : هشــام ستــارك
الغالي ابو عبد العزيز يامرحبا مليار يسعدني العب معك شاعر جزل واخ كبير < تحس إني رسمي لاحظ إني ماجيت ارد إلا اخر اليل عناد :white: استلم لا عدمتك والبقاء ياشاعر " لـك معزة واحترام ............................ جيت والّي مثلك ايـزيدني لعبـي معـاه ماتجيه مخالفة من مشى حسب النظام ............................ البحر تعرف مداه والجبل نعرف حصاه .. |
16-04-2005, 05:27 | #5 |
شــاعــر
|
رد : هشــام ستــارك
الغالي احمد اررحب يابو ساري الله يسعد صباحاتك واوقاتك يالغالي متابعتك تشرفنا لاعدمتك وماعليك زود |
16-04-2005, 10:30 | #6 |
الضغط العالي
|
رد : هشــام ستــارك
والله انها محاوره تستحق المتابعه متعب العنقري واصلوووووووووووو وانا في صف متعب والحقيقه اني بغيب ارد بس يوم شفتك ماتبي الاسم المستعار ضربت بريك ودخلت في عمود لكن وين بتروح مني جايك يالمليووووووووووون |
16-04-2005, 19:34 | #7 |
Guest
|
رد : هشــام ستــارك
الغالي احمد الديهان هلابك متابعتك تشرفنا لاخلا ولاعدم يالقرم الضغط العالي .. بسم الله الرحمن الرحيم منك وش جابك يابو عبد الله امسك الصف يا فهد متعب ارحب وبعدين خذ معك للمخيم جهاز يا ذيبان استلم طال عمرك الوبا في بقشة مقيط ملعون الرسام ...........................كل ما قلنا هجد قام يطحـن في رحاه كان ابو عين ٍ كريمه مريض ومستهام ................................جاه دكتور ٍ يعالج ويصرف له دواه |
17-04-2005, 01:46 | #8 |
شــاعــر
|
رد : هشــام ستــارك
الغالي الضغط العالي ارررحب انت معروف ما انت اسم مستعار شاعر كبير واستاذ في المحاورة يسعدني العب معك الله يحييك في اي وقت والله يعيني عليك :white: والله لا يهينك ويامرحبا مليون ابو عبد العزيز استلم خلووووووها الحـرار تشوم والبـوم يعمـل فـ الظلام ........................... والضعيف ضعيف وش عاد ترجي من وراه المريض اشوف شخصيته فيها انفصام ........................... مـن تناقض حالته يـاكـل وينسى عشـاه .. |
18-04-2005, 02:39 | #9 |
Guest
|
رد : هشــام ستــارك
هلابك يا متعب ودي انك تغمـس القرص في وسط الودام ...........................كود بعض الناس يلصق لسانه في جماه المـــذ نب دورتــه مـــرة ٍ في كــل عام ........................والجدي يالخامسي ما تزحزح عن سماه |
18-04-2005, 03:59 | #10 |
شــاعــر
|
رد : هشــام ستــارك
هلا بك انت <-- تعب يطامر من محاورة في محاورة :white: استلم وش تبي في غافل ٍ اتعبه طرد الحمام ........................... والرجال اشكـل والليـل يتعب مـن سراه وانت دام إن كثرة الطق مافكت لحام ........................... استرح يا العنقري وخـل كل " في عمـاه .. |
19-04-2005, 08:46 | #11 |
Guest
|
رد : هشــام ستــارك
متعب لاهنت يابو رجا تشرفت بلعبي معك يالقرم لاخلا ولاعدم على طريق الخير نلتقي دمت بخير |
20-04-2005, 01:04 | #12 |
شــاعــر
|
رد : هشــام ستــارك
ابو عبد العزيز يعطيك العافيه وانا اللي سعدت بلعبي مع شاعر مميز مثلك صح لسانك تحياتي وتقديري |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|