07-05-2004, 23:40 | #1 |
شـــاعر العثمــانيـــات
|
الشاعر والخمره والنهايه
وقف .. وقل لي هل عرفت المضــره= أو جاهلٍ باللي به الخلق يحكون ياللي تظن الشِعر ابداع خمـــره=والا حشيشه تجعل الراس موزون لا .. لا .. توهّق واسمع اليوم فكره = لا تنخـدع بالكيف وان قيل مامون قبلك كثير ولا انكشف يوم ستره=إلا بعد ما صار كالعبد مرهــون لو هو عطاك الهرج في حلو سهره= تتصدر الجلسة ويسمعك مليـون ولو صفق الجمهـور للـــه دره=ولو قربك راس على الشِعر مفتون ولوّك ملكت العشق بيضه وسمره = وحتى ولو ابحرت بكنوز قارون يأتيـك يـوم تصير للناس عبره= وينحاش منك اللي بعقلك يغنون اهواك ، من لا ارقاك ، في قاع حفره = الجسم ظاهر لكن العقل مدفون تطفى بعد شهره مثل أي جمـــره= وتْعيش باقي العمر بالحيل مغبون تدفع ثمن غلطتك في كل حســره=ومن بعد منت الداين تصير مديون يسخر بك الحاسد ويلقى المســره= واللي صديقك عايش الهم محزون مثلك مثل من ضـاع في يـوم قدره = صكّوا عليه شهار بالحفظ والصون ما له عـلاجٍ وانتهى اليـوم امره = هو من حفر قبره مع اللي يحفرون بين الجنون وبين هالعقل شعـــره=الكيف يقطعها وتنصاب بجنــون |
08-05-2004, 00:38 | #2 | ||||||||||||||||||
شــاعـر
|
رد : الشاعر والخمره والنهايه
|
||||||||||||||||||
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|