11-11-2001, 12:24 | #1 |
رفيــق الحــزن
|
ثـــــــــــــوب الـــزفـــــــــــاف
........................... وأنا زود الحــزن لبـسـني كفـن نهـر حبي صـابته شـمس الجفاف ........................... في فرحهـا مات حـبي وأنـدفـن جـيت أودعـهـا ولا كني أخــاف ........................... تـفـضـح عيوني غـرامي لا بكـن ان حييت أو مـت مابه إخـتـلاف ........................... بس انا اللي بدفع جـروحي ثمن أعـذريني إنتي يازين الوصـاف ........................... إنتي غـربه وأنا في جوفك وطن المشاعـر ياحـياتي لو تـشـاف ........................... كان شـفتي لهـفتي صـارت حـزن |
11-11-2001, 13:23 | #2 |
سيـــف الســـيــف
|
الاخ / عبدارحمن الربيع صح لسانك وسلمت ياك جيت اودعها ولكن اخاف @@@ تفضح عيوني غرامي لابكن الرائع دائما رائع 000 اخوي عبدالرحمن قصيده صادقه من صادق من وافي نعم انسان وافي مع مشاعره تسلم والله يعطيك العافيه ولافيه حد احسن من احد((وش رايك باللون)) لك تحياتي |
11-11-2001, 14:18 | #3 |
عضو
|
إخوي عبد الرحمن الربيع الله يسعد إوقاتك وصح لسانك يا لطيب إخوي شكراً إشوفك قدمة معروض في ردك على إبو العكاكيش وش رد عليك عشان طلبك الي عساه وافق بس انا ماني موافق إقول والله إنك رائع سلم لي على خاصة نفسك لا عدمتك يا لحبيب |
11-11-2001, 18:20 | #4 |
رفيــق الحــزن
|
هلا اخوي عكاشه صح بدنك يابوعبيد وتسلم . يالله يطول عمرك ياعكاكيشو وانت عارف سالفة القصيدة وماتخفا عليك . يحتك زبط الالوان وخرب الاملاء ----->> على فكرة تراي جبت لك من الشرقيه حوت صدته وانا اغوص في اعماق البحر وتراه عندي فالفريزر تعال خذه ضيّق على الدجاج وعجين السنبوسه |
11-11-2001, 18:31 | #5 |
رفيــق الحــزن
|
هلا وغلا ببو مهنا الله يسعد لي هالصباح واللي شفت اسمك فيه . صح بدنك يالغالي والطيب منك وفيك . والله يابو مهنا او العواكيش هالايام ابتلش بهالالوان والزبرقه وقام يحتك مع الناس الفاهمه <<------< والمشكله انه ضيّع الاملاء . وانت اروع يابومهنا وبعدين اترك عنك الاسواق والمطارد فيها وانتبه من الهيئة . |
11-11-2001, 18:43 | #6 |
رحمة الله عليه
|
اخوي : عبدالرحمن..صح لسانك يابعدي .والله يعافيك أعـذريني إنتي يازين الوصـاف ................. إنتي غـربه وأنا في جوفك وطن المشاعـر ياحـياتي لو تـشـاف ................. كان شـفتي لهـفتي صـارت حـزن تسلم والله ياسمي .... ياخوي طالبك يابوصالح تعلمني وشلون تغير اللون وترانا انفضحنا |
11-11-2001, 19:13 | #7 |
رفيــق الحــزن
|
اخوي العزيز راعي العنود هلا يابوصالح وكل عام وانت بخير والشهر مبارك اعاده الله علينا وعليكم باليمن والبركات واعانا الله ةاياكم على صيامه وقيامه والله يعافيك وتسلم . آمر يابو صالح والالوان بسيطه تغييرها شف ابدى خطوه خطوة :- 1- اكتب النص او الموضوع . 2- ظلل الموضوع واعمل له قص ثم اختر اللون المناسب يظهر لك اعلى الصفحة مربع فيه كلمة تاكس اضغط على علامة اوكيه او موافق وبعدها تلاحظ ان المكان الفارغ لكتابة المواضيع ظهر به كلمة تاكس بين قوسين أمسح كلمة تاكس فقط واذهب بالماوس بين القوسين والصق الموضوع الذي عملت له قص واذا اردت ايضاح اكثر اذهب لمنتدى الهلاليين هناك شرح وافي وكافي وآسف لسوء الشرح لأني عليمي واظاهر اني قلبت راسك |
11-11-2001, 19:29 | #8 |
عضو شعبيات
|
اخوي عبد الرحمن قصيده محزنه....صورت لناا الموقف بكلماات رائعه..جعلتناا نتأثر فيهاااا لبسـوا محـبـوبتي ثـوب الزفـاف ........................... وأنا زود الحــزن لبـسـني كفـن رائعه......تستاهل ان نوقف ونصفقلك اخوي عبد الرحمن ....ننتظر ابداعاتك تقبل تحيات اختك |
11-11-2001, 23:55 | #9 |
ينتظر التفعيل
|
نهـر حبي صـابته شـمس الجفاف .......... في فرحهـا مات حـبي وأنـدفـن عبدالرحمن الربيع وحضور مغلف بالحزن وقصيدة غارقة بالآه .. عبدالرحمن الربيع شاعر يأتي بثقه لينثر الابداع في ارجاء المجلس ويصافحنا بتميزه المعتاد صح لسانك وبيض الله وجهك وهلابك يالغالي |
12-11-2001, 12:18 | #10 |
رفيــق الحــزن
|
اختي أريش العين تحيه طيبه مغلفة بباقة ورد . اسعدني حضورك وآسف اذا كان سببت لك حزن او الم ولكن هذا الشعر يايفرح يايحزن وماتشوفين وحش . القصه واقعيه ولكن مر عليها زمان وزمان وتقريبا نسيت ولكن الذكريات تطاردني وين ما اروح . اختي اشكرك لتفاعلك مع الابيات وهذا يدل على احاسيسك المرهفة ونبل اخلاقك وابشري بالجديد اللي يرضيك وتحياتي لك اختي . |
12-11-2001, 23:13 | #11 |
رفيــق الحــزن
|
آآآآآآآآآآآآآآآآآآآآآآه ياولهان لمست الجرح ولامسته ياخوي ياولهان . حروفك الجميلة صافحت قلبي وأعماقي ايها الرائع . تسلم ياخوي وانا ممنونك [ نوفمبر 12, 2001: تم تعديل الموضوع بواسطة : عبدالرحمن الربيّع ] |
12-11-2001, 23:29 | #12 |
عضو
|
عبدالرحمن الربيّع صح لسانك يا غالي تعبير بوجدان الحزن ومرارة الفراق كم انت جميل تقبل حبي |
13-11-2001, 10:16 | #13 |
عضو شعبيات
|
ان حييت أو مـت مابه إخـتـلاف *** بس انا اللي بدفع جـروحي ثمن اخوي عبد الرحمن مبدع ورائع كعادتك ف صح الله لساانك ملااااايين ولاهنت |
13-11-2001, 11:56 | #14 |
رفيــق الحــزن
|
اخوي شاهر الشاهر تسلم اخوي لا عدمتك اسعدني مرورك وتواصلك ياحبي لك ياشاهر يابعدي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|