10-11-2001, 09:39 | #1 |
عضو شعبيات
|
وقتٍ غريب
مساء الخير والخيرات جميعاََ هاذي قصيده من انتاجي المتواضع ارجو ان تنال اعجابكم [poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] يامل قلبٍ كن وسطه لواهيب = لهيب نارٍ تشتعل فيه دومي اقنب من الضيقه كمايقنب الذيب = ياكود جر الصوت يجلا الهمومي ماهمّني حب العذارى الرعابيب = ولاهوب همّي لبس زين الهدومي لاكن همٍ عذّب القلب تعذيب = باسباب وقتٍ عز ناسٍ رخومي وقتٍ تغيّر واختلف واصبح صعيب = صارت رياحه عج والاّ سمومي على شبابٍ فيه بيعجّل الشيب = ياسرع شوف الشيب فالراس يومي دامه تكدّر فيه صفو المشاريب = وشلون نبغاها تزين العلومي الوقت هاذا شفت فيه التعاجيب = عجايبٍ تزداد في كل يومي وقتٍ غريبٍ فيه من يخطي مصيب = وقليل تلقا من يعرف السلومي وقتٍ يعد ابه الغني مع هل الطيب = لو كان (بوم)وجد(ذالبوم)(بومي) تشوف راعي المال كلٍ له صحيب = شيخٍ وعند الناس دوم محشومي ومن قل ماله دعوته مالها مجيب = وعن خوّته كلٍ يصد ويشومي يعد قل المال عذروبٍ وعيب = يعيب رجلٍ لوه من روس قومي وقدر الرجل مقدار ماشال فالجيب = امّا طمن...والاّ تعدّى النجومي لااحول من وقتٍ غريب التراكيب = الطيب سلعه من بغاها يسومي والطيب صعب...الاّعلى اهل المواجيب = واليوم يقدر له رديّ العزومي والمال يلغي فالرخوم العذاريب = ويسمّي الانذال باسم القرومي ويالله يارحمان ياعالم الغيب = ارحم عبادك يالغفور الرحومي [/poet] اخر تعديل كان بواسطة » ساري الليل في يوم » 08-08-2003 عند الساعة » 21:05. |
10-11-2001, 11:15 | #2 |
عضو شعبيات
|
اخوي ساري الليل صح الله لساااانك مليووووووووووون قصيدة رائعة وتحمل الكثير والكثير من الحكم والتجارب لاهنت وماقصرت |
10-11-2001, 16:39 | #3 |
شـــــاعــــــر
|
ساري الليل صح لسانك لااحول من وقتٍ غريب التراكيب***الطيب سلعه من بغاها يسومي والطيب صعب...الاّعلى اهل المواجيب***واليوم يقدر له رديّ العزومي والمال يلغي فالرخوم العذاريب***ويسمّي الانذال باسم القرومي ويالله يارحمان ياعالم الغيب***ارحم عبادك يالغفور الرحومي حكمة من حكيم هذي الدنيا الله يكفي شرها تسلم وتقبل تحياتي |
10-11-2001, 17:03 | #4 |
عضو شعبيات
|
اخوي ساري الليل قصيده رائعه وامتعتنااا...صح لسانك ولاهنت.. الوقت هاذا شفت فيه التعاجيب***عجايبٍ تزداد في كل يومي وقتٍ غريبٍ فيه من يخطي مصيب***وقليل تلقا من يعرف السلومي ابيات فيهاا حكم....... تقبل تحياتي وتقديري |
10-11-2001, 21:52 | #5 |
سيـــف الســـيــف
|
الاخ ســــــــــــــــــــــــــاري الليــــــــــــــل وقدر الرجل مقدار ماشال فالجيب***امّا طمن...والاّ تعدّى النجومي هلا وغلا0000 الدعوى صح لســـــــــــــــانــــك وسلم بنانك قلت فاجدت اتمنى لك التوفيق والتقدم لك تحياتي |
11-11-2001, 09:35 | #6 |
عضو شعبيات
|
هلا بك والله ياخوي طلال الشمري وصح بدنك واذا القصيده رائعه فأنت اروع وتقبل تحيات اخوك ساري الليل ========================================= اخوي الغالي ابو نوت صح بدنك والله لايهينك وماعليك زود انت كلّك حكمه وتقبل اجمل تحيه من اخوك ساري |
11-11-2001, 10:04 | #7 |
العضوية الماسية للموقع
|
صح لسانك وقصيده اكثر من رائعه - - الوقت هاذا شفت فيه التعاجيب عجايبٍ تزداد في كل يومي وقتٍ غريبٍ فيه من يخطي مصيب وقليل تلقا من يعرف السلومي وقتٍ يعد ابه الغني مع هل الطيب لو كان (بوم)وجد(ذالبوم)(بومي) تشوف راعي المال كلٍ له صحيب شيخٍ وعند الناس دوم محشومي |
11-11-2001, 13:33 | #8 |
عضو شعبيات
|
اريش العين صح بدنك ولاهنت يالغالي وتقبل تحيات اخوك ساري ============================================= الاخ العزيز عكاشه صح بدنك والله لايهينك على الرد وتقبل ارق تحيّه من اخوك ساري |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|