05-02-2004, 12:16 | #1 |
عضو
|
ترقبو حفلة العبله
المملكه العربيه السعوديه العبله وضواحيها مكتب طميران الخاص الى من يهمه الامر سوف يكون هناك حفله غنائيه على العود للفنان اخوكم طميران ابو طمره وعلى الايقاع ضاري بالعطا وعلى الدف فيصل بن خالد وعلى الكمان ابو نوت وعلى البنجكه خربوش ابو خطمه وعبيص يبا يحورف علينا بالاورق والمرواس ومحمد العمري على البوص ونواف الشمري على البزق والضغط العالي يبا يفرش الزوالي ومن العنصر النسائي كل من غزيل بنت هويدي تبا ترقص وتسوي حركات ريووووس وطمره تبا تحورف علانا بالما والشاهي وحليب البل وتهز وسطها لامرت من عند غزيل بعد الدعوه مفتوحه الاخوان الي دوبهم مسجلين هنيا يجون يشوفون الربيع فالعبله ودعوه خاصه للوجعانه شنطه قديمه ورهف وعلى النساء لبس حذيانهن ترى العبله فيها شوووك اوحيتي يا شنطه <======== فاك مع شنطه الى الدفرنس ويمكن تكون جمعتكم جمعة خير وارجع شنطه على ذمتي ما نساها المبلي ودعوه خاصه لناصر الفراعنه وجماعته بدون عدد white: مساعد رئيس مركز العبله وضواحيها طميران بن شعيفان >---------------- ابو طمره : :white: |
05-02-2004, 12:45 | #2 |
شــــاعـــر
|
مرحبتين كبار كبار كبار كبار كبار كبار كبار للكبار ولي عوده اليك بالتأكيد |
05-02-2004, 16:25 | #3 |
شـــــاعــــــر
|
مهرجان العبله السياحي يعود بالشتاء كما تعودناه بالصيف يلاحظ المتصفح لأجندة المهرجان والقائمين عليه تغييب بعض العناصر المهمة طبعا امثال الحراب وعبد الرحمن الربيع وسلملم واليحيى وهديان المطور ،، وبعض الاسماء اللامعة والتي لاتحضرني اسماؤهم ،، والسؤال الذي يفرض نفسه هل هؤلاء العمالقة بدأو بالانقسام على انفسهم ؟ ام هي حركة وفبركة توجبها مفاجأآت المهرجان ؟ عموما سننتظر الفعاليات على احر من الجمر هناك اسئلة كثيرة جدا ،، الحس الصحفي يحثني على ذلك هل لطميران علاقة بالارهاب ؟ اختفاؤه هذه المدة ماذا يعني ؟ لن اطيل ولكن يجب ان افهم نعم نحن نخلي انفسنا والموقع ادارة واعضاء عن كل تصرفات المدبر لمهرجانات العبلة التي لا نجزم بأنها مشبوهة ،، ولكن فالمقابل سنتعامل معها بحذر تفرضه الضروف الحالية للعالم بقي لن نقول هل سينجح هذا المهرجان في ظل المهرجانات العالمية بدأ من مهرجان كان مرورا بقرطاج الى القاهرة غير متجاهلين تلك المناشط التي تقوم هنا وهناك وآخرها ما فجر فضيحة اخت مايكل جاكسن والازمة التي قامت هناك انا شخصيا ادعم الفكرة وارحب فيها ويسعد موقع شعبيات ان تتحمل كافة نفقات الدعاية والاعلان والنشر الصحفي والتصوير السنمائي بشروط معروفة ومتفق عليها الايرادات لا نرغب سوى بنصف مايجنيه المهرجان كذلك حقوق الطبع والامتياز طيلة العشر سنوات المقبلة حصريا لشعبيات >>> انقهر يامعيض لا انكر انني اطلعت من خلف الكواليس على بعض فقرات وفعاليات المهرجان بل قد اكون حضرت بعض البروفات الرهيبة ،،، هناك تسجيل رقمي وتصوير رقمي وليزر واشياء كثيرة يقال ان خربوش حضر متنكرا وهناك شائعات تؤكد ان خربوش يمثل احد الشخصيات هنا اختلط على الامر فلم افرق بين طمره وبنت هودي المسماه غزيل لم افرق بين زرفيل بن خربوش وشعيفان بن طميران بل لم افرق بين خربوش وطميران شخصيا كلهم يلبسون الملابس التقليدية ويعتمرون العمائم ويحملون المسدسات بقي كما قلت ان ننتظر والى ان تنزل التغطية اسأل هل ستستمر على حلقات موسميه صيفية وشتوية ام ان هناك تنظيم وتنظير خاص بذلك اسئلة اتمنى ان تجد اذنا صاغية من السيد طميران الغائب الحاضر او سيد خربوش الذي تجدد الامل برجوعه بعد رجوع رفيق دربه تحياتي وآسف للإطالة |
06-02-2004, 00:17 | #4 |
Guest
|
طبعا امثال الحراب وعبد الرحمن الربيع وسلملم واليحيى وهديان المطور ،، وبعض الاسماء اللامعة والتي لاتحضرني اسماؤهم ،، والسؤال الذي يفرض نفسه هل هؤلاء العمالقة بدأو بالانقسام على انفسهم ؟ ام هي حركة وفبركة توجبها مفاجأآت المهرجان ابو نوت انت منتب مضبوط تبي تلزقنا بالقوه في حفلة طميران يا خي انا منيب جاااي لو تموتون عندي امتحانات زي ضاري ابو خشم اذا بغيت تروح تفحط عليهم مرني :": |
06-02-2004, 00:59 | #5 |
الدانه بنت عبدالله
|
بصراااااااااحه جتني دعوه هني بس مادري وش السالفه ياليت توضحون اكثر معليش صايره غبيه بعد الأجازه متى يجي الصيف بس |
06-02-2004, 12:27 | #6 |
عضو
|
ابو نوت بالخااااااااااااااار يا شايب الرحمن والله الاخوان اللي ذكرتهم انته على الملازيم اني ناسيهم والله يحييهم فالعبلة الربيع رفيقي من عام الاول والمبلي سلملم صحيبي بغينا نجوزه طمره وضاق خربوش علانا يباها لولده زرفيل والفبركه والحركات اللي تقول مهيب الي يا شايب الرحمن انته علامك قمت تلمز على اخوك طماران بهروج ما اعرفها والارهاب وش انهو اهيييييييب يا عود النسورمنته بصاحي ابك انا مختفيت عاني بسوق البل ابيع واشري وانشد مدعث وحبيتر ونوار المحرول يابو نوت على الملازيم انك وجعان ومهذري ابك العبله مشبوهه تبا تخلي نفسك والموقع من العبله واهلها العبله سلمك الله ما فيها غار طماران وخربوش وذوي مدعث اترك الخراط عنك يا شايب الرحمن واباك تجيب العود الثاني راعي العنود <--------- عانه بلش بقرطاج والقاهره ما يعرفهن يا ولد البلدان هذي معرفها ولا حضرت مهرجاناتهم غار اسمع فيها من خربوش يقول انهم يجلسون على كراسي ويشربون عصيرات وهذه يعاين في هذه حنا فالعبله ما عندنا غار الزوليه والمسجل كاترج والكبس نبا نشبكه على الوايت والعشا رصيص وفلة حجاج يابو نوت . لكن انا ابنشدك يا بو نوت مايكل جاكسون هو الولد الدقاق اللي ملامحه زانه ويلبس السراويل الضيقه ويتجعف قدام الرياجيل في وجهي مهوب صاحي الورع هذه يقلون انه قاشط حرمه وهو يرقص وفزر نحرها بمخلابه يا طيب عينه طيباه اثر خربوش مبلي يوم يقلدجاكسون عند الوايت قام ايتحقرص يبا يسوي سواته وطاح بالمعلف حق البل وانفكت رقبته واخذ له شهر بالصبايخ والحلب لان الله عافاه وطاب اسمع يابونوت انته اولا تقول نخلي انفسنا وهالحين تقول نتحمل مصاريف المهرجان وانا اقول مالك لوى الخساير على اخوك طماران كلها ولا نبا منك غار الحضور انا ما اخبي علاك البكره اللي انت خابر بعتها بمليون والخار كثير نحمد الله ونشكره مانبا لك لون لا انته ولا ضاري يا شايب الرحمن وبعدين هرجك هذه في نوع من الغرابه الكواليس وش انهي على الملازيم ان يركبك الحق الكواليس في سلمنا عيب وشق جيب حنا رياجيل وما نعرف الدسدسه والكواليس مره وبعدين انته وش كلفك تبا تعرف طمره وغزيل وشعيفان وزرفيل وطماران وخربوش حنا طالعين من ظهر رجال واحد اللي هو جدنا مطحس الله يرحمه كان من اطيب الرياجيل وشواربه تحتك فيها المطيه لكن الله يرحمه مات وهو ضايق على خربوش شافه وهو يشرب التتن في حيد الوايت وطالب خربوش يبا خربوش يكب المخزي وخربوش مصروع يقول ما يشربه غار المتمدنين الظاهر ان حبيتر ابو علبا لاعب على خربوش انت تسمع يابو نوت انا ما عاد عندي هرج الكلام اللي في بطني خلص يا شايب الرحمن مار الله يحييكم كلكم الغايب يعلم الحاضر :": |
06-02-2004, 12:37 | #7 |
عضو
|
يا هلا يا نواف الشمري ومرحبا يعلم الله انك اخو عزيز على قلب اخوك طماران وانت من الناس اللي يحبهم طميران ويعتز بخوتهم |
06-02-2004, 12:49 | #8 |
عضو
|
هديان يا حري من شوفك تبا تزعل على اخوك طماران ابك في وجهي اني ناسيكم يا خوك وتبا تجي للعبله وانت ملعون الصلايب قدام يضيق علاك خربوش عانه مرسل برقيه ينشد عنك الرجال عازمه حامد كرزاي في افغانستان |
06-02-2004, 12:52 | #9 |
عضو
|
وحش يا هلا ومسهلا بوحش تعالي للعبله الله يحيتس يبا يكون في استقبالك غزيل بنت هويدي وبنتي طمره ولا تحطين روج حق البراطم هذه تراهم ما يعرفونه ما يعرفون غار الديرمان الداعي مقدماً والد السيده طمره |
06-02-2004, 19:28 | #10 |
رفيــق الحــزن
|
يلاحظ المتصفح لأجندة المهرجان والقائمين عليه تغييب بعض العناصر المهمة طبعا امثال الحراب وعبد الرحمن الربيع وسلملم واليحيى وهديان المطور ،، وبعض الاسماء اللامعة والتي لاتحضرني اسماؤهم ،، والله الاخوان اللي ذكرتهم انته على الملازيم اني ناسيهم والله يحييهم فالعبلة الربيع رفيقي من عام الاول ايه هيّن ياطماران ابو طمرة <<< صدقناك اقول تراني الحين انا والحراب وهديان حول جبل ام رقيبة نجمع حصا علشان نرجمكم ونحوس عليكم الحفلة وبنجيب معنا فيصل ابن خالد وندفه على عمدان الخيام ونطرحها عليكم عشان ما تنسونا مرة ثانية وابو نوت الله يجزاه خير وهو مشهور بالنسيان ما نسانا وانت يابو طمرة عدينتا مطب الله يسامحك عموما مع رغم كل اللي صار نرحب بك يابو طمرة وبعودتك وعودة الاحتفالات والهيصة وارسلو لنا تذاكر واحجزوا لنا في فندق الشرتون بالعبلة وحنا حاضرين المنسي ابو عيووووون |
06-02-2004, 22:12 | #11 |
شــاعر
|
حقيقه انا هاليومين مشغول احمي الطيران عشان نبيض الوجه بحفل العبله بس قلت باجي ارحب بالغايب الغالي ابو طمره واقول له من زمااااااااااااان ماحد قال لي يا فاااااااااااااااااااصل ومششششششششششتاقين يا خال طكيران طلب خاص الله لا يهينك تكفى في الحقل لا تخلي ابو نوت جنبي ترا رحيته تكتم الله يبعد عنك وعن السامعين ولا تنسى تقول لضاري يلبس شماغ لا يفشلنا |
08-02-2004, 13:58 | #12 |
عاشقة شعبيات
|
...... ........... وايضا وايضاً .. ... يعود طميراااان ابو طمره .. . وتعود سرووووبه بعد الحج .. ..... وياهلابك ياطميرااااااااااااان ,,,, . وتشاااو كالعاده ... :": :": |
08-02-2004, 15:18 | #13 |
الـحـــرّاب
|
حج مبرور و سعي مشكور يا سربرب.. حمدلله سلمتي.. انا قلت يمكن راحت مع ذاللي راحوا الله يرحمهم.. اللع يتقبل يا سربرب.. و عساك دعيتي لي..؟؟ |
08-02-2004, 15:24 | #14 |
Guest
|
ابك ذي ما تموت يا محمد تلقاها كنها مكسيما بين الصفا والمره تزورق بين الناس |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|