20-03-2002, 09:15 | #1 |
شــاعر
|
اهداء لكل عاطل........عن العمل!!!!
البــارحــه يـوم كـلٍ راح لفـــــراشـه ****** عيّنت هـــم الوضـيفه مـاخـــذ فـراشي الناس في حـالهـا تمـشـي ومعـــتاشـه ****** وانا على ذمـة التحـقــيق منحـــــاشي اهـل الوضــايف صــلاة الصبـح غبّاشه ****** وانا على مرقـــدي كني بالانعـــــاشي كلٍ تجوّز واخـــذ له يا عــرب بـاشـه ****** واصـبح مع الناس مبســـوطٍ ومعـتاشي شــريت لي غـترة بيـضـا ودشـــداشـه ****** واقبلت صـوب المكـاتب كني الشـــاشي قـال المـوضـف ملفــك وســطه اقـراشه ****** كســــرة تمـيسٍ علـيها الذر يهـتاشي صديت مـابـي ســـواليـفه وفرفــاشــه ****** مـانيـب في حــــال مــزّاحٍ وفـرفـــاشي لو شـغّلو لي مسلسل خــــاله قمــاشـه ****** والا ثلاثين حلـقـة طــاش مـا طـــاشي القلـب كـنه يحـــرّك فيه خـــــرّاشــه ****** والكـــبد كـنه ينقـشّـهـا بمـنـقــــــــاشي قلت ابك عطني دقاق الهرج واجراشه ****** ابي كــــلامٍ يبـرّد لاهـب الجــــــاشي قال انت مافيه امل تصبح فتىالشـاشه ****** ولا شـــريطي تبيع وتشـــتري كــاشي وشـهادتك حطــها الديـوان بخــياشه ****** طـافت عليهــا السـنين ونسبتك مــــاشي والا عيـونك تقـول عـيـون خـــفـاشـه ****** وحده تكبّس والاخرى تضرب فــــــلاشي وان قمت تمشي يجـي رجليك رعّاشه ****** كنك تشوّت كـوور في وسـط الاحـــواشي احسن لك تروح سـوق البدو وعشـاشه ****** تبســط على فصــفصٍ وتبيع فشـــفـاشي عـودت مـا عـاد ابـي سـمه وطـــرّاشه ****** الله ولا حــــاجــةٍ تجـــبـرك بـاللاشي اليوم الانســــان تقـديره حسـب كـاشه ****** لو كـان مـــالـه منـســــيه الـتـــرواشي حـــوايجــه تنقـضى وتجــيه برمـاشه ****** لو ان مـخــــه معــبا تبن وخـــــيــاشي لكـن قـالـو لـهــا دنيـا وغـشـــــاشـــه ****** واقـول انا كـــل نفــسٍ رزقهــا مـــاشي [ مارس 26, 2002: تم تعديل الموضوع بواسطة : الاكلبي ] |
20-03-2002, 09:29 | #2 |
عضو شعبيات
|
00000000000 بسم الله الرحمن الرحيم 00000000000 أخوي \\ الأكلبي \\ رائع ومبدع وتقتنص الكلمات بدقه وتمعن ,,,, ماشاءالله عليك ,,, الله يعطيك العافيه وما قصّرت,,, البــارحــه يـوم كـلٍ راح لفـــــراشـه ****** عيّنت هـــم الوضـيفه مـاخـــذ فـراشي الناس في حـالهـا تمـشـي ومعـــتاشـه ****** وانا على ذمـة التحـقــيق منحـــــاشي اهـل الوضــايف صــلاة الصبـح غبّاشه ****** وانا على مرقـــدي كني بالانعـــــاشي كلٍ تجوّز واخـــذ له يا عــرب بـاشـه ****** واصـبح مع الناس مبســـوطٍ ومعـتاشي شــريت لي غـترة بيـضـا ودشـــداشـه ****** واقبلت صـوب المكـاتب كني الشـــاشي قـال المـوضـف ملفــك وســطه اقـراشه ****** كســــرة تمـيسٍ علـيها الذر يهـتاشي صديت مـابـي ســـواليـفه وفرفــاشــه ****** مـانيـب في حــــال مــزّاحٍ وفـرفـــاشي لو شـغّلو لي مسلسل خــــاله قمــاشـه ****** والا ثلاثين حلـقـة طــاش مـا طـــاشي القلـب كـنه يحـــرّك فيه خـــــرّاشــه ****** والكـــبد كـنه ينقـشّـهـا بمـنـقــــــــاشي قلت ابك عطني دقاق الهرج واجراشه ****** ابي كــــلامٍ يبـرّد لاهـب الجــــــاشي قال انت مافيه امل تصبح فتىالشـاشه ****** ولا شـــريطي تبيع وتشـــتري كــاشي وشـهادتك حطــها الديـوان بخــياشه ****** طـافت عليهــا السـنين ونسبتك مــــاشي والا عيـونك تقـول عـيـون خـــفـاشـه ****** وحده تكبّس والاخرى تضرب فــــــلاشي وان قمت تمشي يجـي رجليك رعّاشه ****** كنك تشوّت كـوور في وسـط الاحـــواشي احسن لك تروح سـوق البدو وعشـاشه ****** تبســط على فصــفصٍ وتبيع فشـــفـاشي عـودت مـا عـاد ابـي سـمه وطـــرّاشه ****** الله ولا حــــاجــةٍ تجـــبـرك بـاللاشي اليوم الانســــان تقـديره حسـب كـاشه ****** لو كـان مـــالـه منـســــيه الـتـــرواشي حـــوايجــه تنقـضى وتجــيه برمـاشه ****** لو ان مـخــــه معــبا تبن وخـــــيــاشي لكـن قـالـو لـهــا دنيـا وغـشـــــاشـــه ****** واقـول انا كـــل نفــسٍ رزقهــا مـــاشي رائع والله العظيم ,,, صح الله لسانك مليوووووووووووووووووووووون |
20-03-2002, 10:32 | #3 |
عضو شعبيات
|
اليوم الانســــان تقـديره حسـب كـاشه ****** لو كـان مـــالـه منـســــيه الـتـــرواشي حـــوايجــه تنقـضى وتجــيه برمـاشه ****** لو ان مـخــــه معــبا تبن وخـــــيــاشي لكـن قـالـو لـهــا دنيـا وغـشـــــاشـــه ****** واقـول انا كـــل نفــسٍ رزقهــا مـــاشي صح لسانك قلت واجدت تجسيدرائع لمعانات كثير من الشباب باسلوب ساخريجعلك تعيد القراءة مرات ومرات يالاكلبي زبدة الموضوع وفـــلاشه .................العلم يرفــع وضيع عزوته لاشي الرزق عقل الفتى ماهوب في كاشه .................والكنز اقنع مدامك طيب وماشي ولا تطول علينا في روائعك تحيات اخوك فلاج |
20-03-2002, 10:52 | #4 |
رفيــق الحــزن
|
أخوي الاكلبي عاداتك يابن جدلان ماتجيب الا ما يوسع الصدر ويزيح الهموم . موضوع قمة في كل شي الفكرة والاسلوب الفكاهي المعهود الله يبيض وجهك يابن جدلان . شــريت لي غـترة بيـضـا ودشـــداشـه ****** واقبلت صـوب المكـاتب كني الشـــاشي قـال المـوضـف ملفــك وســطه اقـراشه ****** كســــرة تمـيسٍ علـيها الذر يهـتاشي هههههههههههههههه تميس عاد اجل مفطر فول من القرومشي ههههههههههههه . تحياتي يابن جدلان والف شكر على الامتاع ولا تحرمنا من هالنمونه الله يعطيك العافيه وياهلا. |
20-03-2002, 21:58 | #5 |
شــاعـر
|
الاكلبى كفو والله دايم وأنت مبدع وينك يارجال غايب تقبل تحياتى |
21-03-2002, 16:39 | #6 |
شــاعر
|
|
21-03-2002, 17:13 | #7 |
شـــــاعــــــر
|
الشاعر الجميل الظريف اخي العزيز الاكلبي لو لم يكن لقبيلتكم الا انت وسعد بن جدلان لكفيتم ووفيتم من غير قصور ببقية شعراؤكم صح لسانك معانات وقاف حلو وابيات لها في القلب منازل ومنازل اكرر اعجابي بما تكتبه دائما انت ملح هذا المنتدى وحادي طرايفه اعجابي يستمر طيلة التصفيق وحين ينتهي التصفيق لا ينقطع الاعجاب ارجو ان تمد متابعتنا بما يحلو لك من روائعك تحياتي وتقديري اخي العزيز |
21-03-2002, 20:56 | #8 |
عضو شعبيات
|
ونعم والله والله لو عندي وضيفه لسعالك فيها يالربع افزعو الي يخبر وضيفه القصيدة مزيونه ما تبي مدح تبي الفزعه اخوكم صعصعة |
22-03-2002, 00:32 | #9 |
سيـــف الســـيــف
|
الاكلبي ياحبي لك ويشهد الله على هذا <===اصلا مايقدر يقول غير كذا 0 خايف من بيت يجي من الاكلبي عاد واسمي ماشالله ماهوب ينادي الاكلبي صح لسانك 00 عزالله اني اطرب لما تكتبه ولكن مانيب اطرب لردودك الله يهديك مدري من اللي علمك التلوين حسبنا الله ونعم الوكيل 00 <---فيه مره شاف لك رد على تعليق لاحد الاخوان كنك طال عمرك صاب شربيت على الصفحه<---اسلم ياشربيت ماهوب قديم ايد لك تحياتي وتقديري لاعدمناك |
22-03-2002, 00:48 | #10 |
عضو شعبيات
|
اخوي الاكلبي صح الله لسانك شاعر رائع وقصيده تبرهن ذلك كل ماتكتبه له رونق خاص واسلوب مميز لاهنت يالاكلبي وعز الله ان قصيدك قصيد شاعر متمكن لاهنت طال عمرك وعسى يمينك العافيه ,,,, تقبل خالص تحياتي واعجابي :[color=Green ]أحمـــــــــــــ آل حـــــــــــــــــارث ــــــــــــــــــــد. |
22-03-2002, 18:41 | #11 |
شــاعر
|
السلام عليكم ورحمة الله وبركاته الاخ العزيز فلاّج.........الله يحييك....ولاهنت على الرد الجميل والتعليق الاجمل.........واعجابك بالقصيده انت وشرواك....يعطيني دفعه قويه لمواصلة المشوار الى الامام....انشاء الله. |
23-03-2002, 10:26 | #12 |
رحمة الله عليه
|
أخوي : الأكلبي ...........صح لسانك وبيض الله وجهك قصيده تحكي واقع مؤسف بكل أمانه .. وهذه رسالة الشعراء في نقل هموم المجتمع إلى المسئولين وهذا فن لايجيده إلا المتمكنون منه.. وقد عودنا أخوناالأكلبي على هذا النوع من الشعر فهو يحكي مشكله إجتماعيه في قالب كوميدي لتجد القبول من الجميع.... كلٍ تجوّز واخـــذ له يا عــرب بـاشـه ****** واصـبح مع الناس مبســـوطٍ ومعـتاشي الشكوى لله يابعدي والله أهم شي الباشه والله لكن يفرجه اللي ماتنام عينه وانااخوك... تسلم والله يحفظك أخوي ............. |
23-03-2002, 13:06 | #13 |
عضو شعبيات
|
اخوي .. الاكلبي صح لسااااانك .. قصيده جميله جدا .. مبدع كالعاده .. لا عدمناك ياذيب تقبل تحياااااتي موعووود |
24-03-2002, 10:58 | #14 |
شــاعر
|
السلام عليكم ورحمة الله وبركاته الاخ العزيز........ ..عبدالرحمن الربيع ..شرفت المشاركه.....واستانست بتشريفك وقرائتك.....وتعليقك على الملف الي مفطرين عليه الشباب.....فول قرموشي على قولك......اما من ناحيةقولك...الله يسلمك.....في معظم كلامك ...يا بن جدلان...فأنا لست ابن جدلان ....ولا وصل قصيدي لربع قصيد ابن جدلان....ولكن هذي اشاده منك واعتز بها.....ثانيا ابن جدلان من الجماعه....ولا يعرف طريق الانترنت ولاهوب فاضيٍ لها الرجال بدوي وراعي بر....وحلال....وحتى القصايد الي قريتها او شفتها في المجلات....ما ارسلها هو وانما المعجبين بقصيده من كل مكان تبرعو بذالك....وانا اعرف ذالك تمام المعرفه.....اردت التوضيح لا اكثر ولك مني فائق الاحترام. [ مارس 24, 2002: تم تعديل الموضوع بواسطة : الاكلبي ] |
24-03-2002, 11:59 | #15 |
رفيــق الحــزن
|
اخوي الاكلبي الله يشرف مقدارك ويطول عمرك يالغالي . الف شكر على والتوضيح والنعم فيك وفي ابن جدلان راعي البر والحلال وانا ماقلت اللي قلته الا لأعجابي بك وبأبن جدلان وكلكم على العين والراس وهذا الشبل من ذاك الاسد . تحياتي لك يالاكلبي وياهلا . ملاحظه :- مدري ليش كلما جيت افتح موضوعك هذا اشم ريحة تميس . |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
أدوات الموضوع | |
|
|
|