يابن رخيص كب عنا الزواريب

عزيـز · 28-01-2002, 02:19

السلام عليكم ورحمة الله وبركاته

واسعد الله اوقاتكم ليل ونهار والصراحه ذي اول مشاركه لي وارجو انها تحوز على رضاكم ولو انها معروفه لكن تسليه.
<
<
<
القصه والله يالاخوان معروفه وهي صارت على اكبر العوائل في اكثر الديار شهره وهي مهيب غريبه على اهل الديره الي هي الرس

السالفه صارت على الريس وهي احد اكبر العوائل في الرس التي يرجع الاصل فيها لبني تميم وهي على النحو التالي.

محمد الريس ذا هو بطل القصه وهو كان رايح لاداء فريضه الحج وبعد العوده وكان في قافله تضم عدد كبير من اهل الرس وبعد ماتمو الحج وهم راجعين في منطقه قبل القصيم وتدعى هضبة بلغه وهي من طريق الي جاي من المدينه يبي القصيم ويوم هم وصلو وكان رئيس الحمله يقاله ابن رخيص وكان معهم شخص مريض كان فيه الجدري الله يحفظنا وياكم منه والرجل الي مريض ماقدر يستحمل لانهم اضطرو يصلبونه على الذلول وكان الصلب مزعج ومتعب خاصة اذا صار الشخص نفسه مريض ؟
المهم اعتذر المريض وقال انا خلوني هنا وتوكلو على الله مااقدر اواصل المهم ابن رخيص الي هو رئيس الحمله كان مضطر انه يتركه ويمشي لان مافيه حولهم موارد ماء والابل ضميانه وقال ابن رخيص يروح واحد ولا يروحون اهل الرس كلهم .

المهم جاء محمد الريس وقال ربي ربكم واحد مااروح الا وخويي معي مره

قالو له تبي تموت انت وياه قال انا ابي اقعد معه وانتم امكنو اعماركم وحريمكم .

راح وقعد عند المريض ذيك الليله الي اذا اصبح الصبح يبون يشدون وجاء وقال اسمع يابن رخيص اول ماتبي تقبل على الرس تبي تلقا امي تدور علي ابي تعطيها البيتين ذي ؟

يقول محمد المنصور الريس

قل هيه ياهل شايبات المحاقيب
اقفن من عندي جداد الاثاري
اقفن بالرخصه كما يقفي الذيب
ليا طالع الشاوي بليل الغداري
ماكن لسب اذيالهن للعراقيب
رقاصة تبغى بزينه تماري
ويابن رخيص كب عنا الزواريب
عمارنا يابن رخيص عواري
خوينا مانصلبه بالمصاليب
ولا يشتكي منا دروب العزاري
لزما تجيك امي بكبده لواهيب
تبكي ومن كثر البكا ماتداري
اسالك بالي يعلم السر والغيب
وين ابني الي لك خوي مباري؟
قله ولدك في عاليات المراقيب
في قنه ماعنده الا الحباري
يتنا خويه لين يبدا به الطيب
والا يجيه من العواثير جاري
وان مامشينا بحق المواجيب
تحرم علينا لابسات الخزاري
وسلامتكم

المهم ابن رخيص راح وفعلا بعد ماوصل لقا ام محمد الريس في مدخل الرس تنتظر ولدها وقالها البيتين وقالها السالفه .

المهم الشاعر بعد ماقعد عند خويه صار يصيد له من الحباري والطيور الي حولهم الين ماقام بالسلامه ورجعو للديره (الرس) وجت ام محمد ومن زود الشوق للولد نست لاتغطى وصارت تخم الولد وتقوله (كيف تقعد بالضلعان علشان ولد الناس يابا الظلعان) ومن ذي الكلمه صار اسم احفاد محمد وعياله الى الان الضلعان بدال الريس.

وفي الختام ارجو انها تكون جازت لكم واعذرونا على الاسلوب وعلى التطويل .

وشكر

عزيز

راعي العنود · 28-01-2002, 04:00

<font size="4"><font color="Blue">

ياهلا والله ومسهلا بك أخوي : عزيز .....والساعة

المباركه بتشريفك منتدانا وياهلا بك بين أخوانك

وأخواتك ,,,,وسالفة وقصيده طيبه من وجه ٍطيب ,,,

وياخوك تراني أبيك الليله إن كنت مانت مشغول

على الماسنجر والا بالتشات الليله ضروري ,,,,

وياهلابك والله ومسهلا أخوي ,,,,,

anody2000@hotmail.com</font></font>

عزيـز · 28-01-2002, 04:21

هلا بك اخوي راعي العنود والمهلي مايولي
ولنا الشرف الي نكتب وانتم تقرون وماقصرت.

والمشغول يفضا اذا صار راعي العنود يبيه

اخوك عزيز

المهند · 28-01-2002, 08:51

السلام عليكم ورحمة الله وبركاته

أخوي عزيز أولا حياك الله من ملفاك الين ملقاك00000والله يعطيك الف عافيه على هالسالفه اللي تعكس صورة الوفاء النادر للخوي وبذل الروح من دونه سالفه وقصيده تنومس 0000

خوينا مانصلبه بالمصاليب ** ولا يشتكي منا دروب العزاري

والله والنعم 00000سلمت يمناك وان شاالله ما تخاوي الا شروا الريس 0000

تحياتي لك000000

المهند

عزيـز · 28-01-2002, 09:46

هلا بك اخوي مهند والمهلي مايولي .

والله ماقصرتو انت والاخ راعي العنود ومشكور على هالتحفي والترحيب واتمنا اننا نتواصل عن طريق المنتدى ونستفيد من علوم السابقين وانشاء الله انك منهم بالمرجله والاخوه .
وتقبل تحيات اخوك........

عزيز

[ يناير 27, 2002: تم تعديل الموضوع بواسطة : عزيـز ]

مطرح القعدان · 30-01-2002, 02:32

حياكالله اخوي عزيز وياهلابك

وسلمت وعشت والله لعى هامشاركة الناجح وانشالله مشاركة ثانيه

عزيـز · 30-01-2002, 03:49

ياهلا وغلا بابو قعيد ولو اني زعل عليك

<
<
<
وين الناس يابو قعيد والله ماهيب عادتك ؟؟؟؟؟

لكن تسلم على المتابعه وماقصرت ابوي

28-01-2002, 02:19	#1
عزيـز رحمة الله عليه	يابن رخيص كب عنا الزواريب السلام عليكم ورحمة الله وبركاته واسعد الله اوقاتكم ليل ونهار والصراحه ذي اول مشاركه لي وارجو انها تحوز على رضاكم ولو انها معروفه لكن تسليه. < < < القصه والله يالاخوان معروفه وهي صارت على اكبر العوائل في اكثر الديار شهره وهي مهيب غريبه على اهل الديره الي هي الرس السالفه صارت على الريس وهي احد اكبر العوائل في الرس التي يرجع الاصل فيها لبني تميم وهي على النحو التالي. محمد الريس ذا هو بطل القصه وهو كان رايح لاداء فريضه الحج وبعد العوده وكان في قافله تضم عدد كبير من اهل الرس وبعد ماتمو الحج وهم راجعين في منطقه قبل القصيم وتدعى هضبة بلغه وهي من طريق الي جاي من المدينه يبي القصيم ويوم هم وصلو وكان رئيس الحمله يقاله ابن رخيص وكان معهم شخص مريض كان فيه الجدري الله يحفظنا وياكم منه والرجل الي مريض ماقدر يستحمل لانهم اضطرو يصلبونه على الذلول وكان الصلب مزعج ومتعب خاصة اذا صار الشخص نفسه مريض ؟ المهم اعتذر المريض وقال انا خلوني هنا وتوكلو على الله مااقدر اواصل المهم ابن رخيص الي هو رئيس الحمله كان مضطر انه يتركه ويمشي لان مافيه حولهم موارد ماء والابل ضميانه وقال ابن رخيص يروح واحد ولا يروحون اهل الرس كلهم . المهم جاء محمد الريس وقال ربي ربكم واحد مااروح الا وخويي معي مره قالو له تبي تموت انت وياه قال انا ابي اقعد معه وانتم امكنو اعماركم وحريمكم . راح وقعد عند المريض ذيك الليله الي اذا اصبح الصبح يبون يشدون وجاء وقال اسمع يابن رخيص اول ماتبي تقبل على الرس تبي تلقا امي تدور علي ابي تعطيها البيتين ذي ؟ يقول محمد المنصور الريس قل هيه ياهل شايبات المحاقيب اقفن من عندي جداد الاثاري اقفن بالرخصه كما يقفي الذيب ليا طالع الشاوي بليل الغداري ماكن لسب اذيالهن للعراقيب رقاصة تبغى بزينه تماري ويابن رخيص كب عنا الزواريب عمارنا يابن رخيص عواري خوينا مانصلبه بالمصاليب ولا يشتكي منا دروب العزاري لزما تجيك امي بكبده لواهيب تبكي ومن كثر البكا ماتداري اسالك بالي يعلم السر والغيب وين ابني الي لك خوي مباري؟ قله ولدك في عاليات المراقيب في قنه ماعنده الا الحباري يتنا خويه لين يبدا به الطيب والا يجيه من العواثير جاري وان مامشينا بحق المواجيب تحرم علينا لابسات الخزاري وسلامتكم المهم ابن رخيص راح وفعلا بعد ماوصل لقا ام محمد الريس في مدخل الرس تنتظر ولدها وقالها البيتين وقالها السالفه . المهم الشاعر بعد ماقعد عند خويه صار يصيد له من الحباري والطيور الي حولهم الين ماقام بالسلامه ورجعو للديره (الرس) وجت ام محمد ومن زود الشوق للولد نست لاتغطى وصارت تخم الولد وتقوله (كيف تقعد بالضلعان علشان ولد الناس يابا الظلعان) ومن ذي الكلمه صار اسم احفاد محمد وعياله الى الان الضلعان بدال الريس. وفي الختام ارجو انها تكون جازت لكم واعذرونا على الاسلوب وعلى التطويل . وشكر عزيز التوقيع: [poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=16)"] اثر الشهر لهلال والناس لهلال=وحنا طراقي واليالي نجايب ابو نوت صالح السبيل [/poet]

28-01-2002, 04:21	#3
عزيـز رحمة الله عليه	هلا بك اخوي راعي العنود والمهلي مايولي ولنا الشرف الي نكتب وانتم تقرون وماقصرت. والمشغول يفضا اذا صار راعي العنود يبيه اخوك عزيز التوقيع: [poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=16)"] اثر الشهر لهلال والناس لهلال=وحنا طراقي واليالي نجايب ابو نوت صالح السبيل [/poet]

28-01-2002, 08:51	#4
المهند جاسر الحربي	السلام عليكم ورحمة الله وبركاته أخوي عزيز أولا حياك الله من ملفاك الين ملقاك00000والله يعطيك الف عافيه على هالسالفه اللي تعكس صورة الوفاء النادر للخوي وبذل الروح من دونه سالفه وقصيده تنومس 0000 خوينا مانصلبه بالمصاليب ** ولا يشتكي منا دروب العزاري والله والنعم 00000سلمت يمناك وان شاالله ما تخاوي الا شروا الريس 0000 تحياتي لك000000 المهند التوقيع: [.. كُن في الدنيا كأنّـك غريب أو عابر سبيل ..]

28-01-2002, 09:46	#5
عزيـز رحمة الله عليه	هلا بك اخوي مهند والمهلي مايولي . والله ماقصرتو انت والاخ راعي العنود ومشكور على هالتحفي والترحيب واتمنا اننا نتواصل عن طريق المنتدى ونستفيد من علوم السابقين وانشاء الله انك منهم بالمرجله والاخوه . وتقبل تحيات اخوك........ عزيز [ يناير 27, 2002: تم تعديل الموضوع بواسطة : عزيـز ] التوقيع: [poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=16)"] اثر الشهر لهلال والناس لهلال=وحنا طراقي واليالي نجايب ابو نوت صالح السبيل [/poet]

30-01-2002, 02:32	#6
مطرح القعدان عضو شعبيات	حياكالله اخوي عزيز وياهلابك وسلمت وعشت والله لعى هامشاركة الناجح وانشالله مشاركة ثانيه التوقيع: انتظرو التوقيع

28-01-2002, 04:00	#2
راعي العنود رحمة الله عليه	<font size="4"><font color="Blue"> ياهلا والله ومسهلا بك أخوي : عزيز .....والساعة المباركه بتشريفك منتدانا وياهلا بك بين أخوانك وأخواتك ,,,,وسالفة وقصيده طيبه من وجه ٍطيب ,,, وياخوك تراني أبيك الليله إن كنت مانت مشغول على الماسنجر والا بالتشات الليله ضروري ,,,, وياهلابك والله ومسهلا أخوي ,,,,, anody2000@hotmail.com</font></font>

30-01-2002, 03:49	#7
عزيـز رحمة الله عليه	ياهلا وغلا بابو قعيد ولو اني زعل عليك < < < وين الناس يابو قعيد والله ماهيب عادتك ؟؟؟؟؟ لكن تسلم على المتابعه وماقصرت ابوي التوقيع: [poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=" glow(color=red,strength=16)"] اثر الشهر لهلال والناس لهلال=وحنا طراقي واليالي نجايب ابو نوت صالح السبيل [/poet]

عدد المتواجدون في هذا الموضوع » 1 , عدد الأعضاء » 0 , عدد الزوار » 1