05-06-2002, 14:00
|
#1 |
|
رحمة الله عليه
|
العواجيه (الجزء الثاني)
بااااااااااك حياكم الله ونتواصل مع العواجيه طبعا تضايقو شمر من العواجيه وبالذات من عقاب العواجي تدرون ليش ؟ لان عقاب ذبح واحد كل شمر تعزه وهو هذلول الشويهري وانقهروا شمر بس وش يسون ؟ جو واجتمعو شيوخ شمر من الطواله والتمياط وغيرهم وصبو فنجال عقاب  وقالو يالله من يشربه ؟ طبعا توضيح يمكن فيه احد مايعرف وش معنى فنجال عقاب اذا قلنا هذا فنجال عقاب يعني الي يشربه لازم باقرب معركه تجمع بين القبيلتين يذبح عقاب او يذبحه عقاب  المهم العاده ان الشباب والفرسان يتسابقون على الفنجال لكن محد قام الا واحد من من عائله مهيب معروفه ولالها اي ذكر يعني مااشتهر جده او ابوه بالشجاعه اسمه (ابا الوقي) وشرب الفنجال وكثير من الناس قالو له انت خبل ؟ كان خليته لاحد الشجعان او الفرسان الي يمكن يذبحون عقاب  لكن ابا الوقي مااهتم لهم وفي اول معركه تجمع بين عنزه وشمر انتهى الجزء الثاني <======== تقل زودها  المهم بدت المعركه وعقاب شغال قصب بالرجال وكان على اطيب فرس اسمها (فلحا) المهم ابا الوقى طلع ذيب وهو يكز الفرس وينصا عقاب ويتماسكون ويطيحون من فوق الخيل ويفزعون شمر يفكون ابا الوقي ويفزعون عنزه يفكون عقاب لكن الي صار انه مع الغبار والعجاج ابا الوقي اخذ سيف عقاب ...... وعقاب اخذ سيف ابا الوقي ابا الوقي اخذ فرس عقاب ..... وعقاب اخذ فرس ابا الوقي طبعا محد منهم اكتشف الشي ذا الا عقب ماابعدوا عن بعض ويوم انتهت المعركه ويجي واحد لسعدون العواجي يبي يسولف معه لكن سعدون ضايق صدره قال له افااااا وش فيك يبو عقاب ؟ قال سعدون الفرس والسيف  قال لاتخاف ذولي عندك باتسر لاتشيل هم قال سعدون يامهبول انت هذولي لولدي عقاب يعني يمكن يجي الحين وهن معه قال وش مضيق صدرك اجل  ؟قال خوفي ان شاعر شمر يقول البيت ذا [poet font="Simplified Arabic,4,red,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""] السيف من يمنا عقاب خذيناه=والخيل بدل كدشها بالاصايل [/poet] من يوم مااصبح الصبح والا مرسول شمر جاي معه قصيده من التبيناوي وهي [poet font="Simplified Arabic,4,red,normal,normal" bkcolor="transparent" bkimage="backgrounds/21.gif" border="none,4,gray" type=0 line=200% align=center use=ex length=0 char="" num="0,black" filter=""] ابا الوقي يالبيض خذهن بيمناه=انا اشهد انه من عيال الحمايل السيف من يمنا عقاب خذيناه=والخيل بدل كدشها بالاصايل هذي سلوم بيننا يالقراباه=يازين بيع المنسمح يابن وايل [/poet] ضاق صدره سعدون لكن مادروا الا عقاب راد على شاعر شمر بكم بيت بس قووووويه يقول [poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""] عشبة طويه يالتبيني رعيناه=غصب على دولة قفار وحايل وبيضاء نثايل بالمعارك خذيناه=بالسيف نهديه للجدود الاوايل يحرم عليكم يالسناعيس مفلاه=وان جيتها يالشمري فانت عايل ومفتاح الغيثي حدرناكم وراه = روحو وراكم ياعيال الحمايل [/poet] المهم عقاب العواجي صار له ذكر وصيت غير طبيعي عند العرب كلها وكالعاده مهوب هو فارس وكل الناس تهرج عنه ؟ صح والا لا طيب مهوب كل الشجعان لابد يطيحون بالحب  عقاب طاح بالحب وحب وحده اسمها (نوت ) نوت ذي تصير من جماعته بس مهيب بنت عمه مرره  وهي حبته بعد المهم ابي اورد احدى قصايده الغزليه بس تصدقون على انه فارس واقشر بس قصايده تسنه قصايد المريخي(وانتم كراما) لااااااااااا عقاب العواجي جعله مايحب احد يقرب لكم هذي قصيده له يوم جو اهل نوت وشدو عن عقاب [poet font="Simplified Arabic,4,white,normal,normal" bkcolor="transparent" bkimage="backgrounds/22.gif" border="none,4,gray" type=0 line=200% align=center use=ex length=0 char="" num="0,black" filter=""] يانوت عنا ظعونكم ليه شالت=ياحيف تم فراقنا ياحبيبي زملك مع الحزم المشرف تكالت=وقفت اراعيهن وقلبي غضيبي عقبك عيوني بالدموع استخالت=من فوق خدي نثرهن فوق جيبي وعقبك علي يازين الايام مالت=ارجع وعالج ضامري ياطبيبي وديارنا من عقب فرقاك سالت=من دمع عيني قام يدرج شعيبي وان كان فرقاكم على القلب طالت=نجيك فوق منثرات السبيبي ناصلك لو من دونك القوم حالت=من فوق قب يرهجن الحريبي اوان دونك قرح الخيل جالت=لازم يجيبك حظنا يانصيبي [/poet] وعقاب مايحق له الزواج من نوت الا بعد ماياخذ الاذن من ولد عمها (الي حاجرها) بس حاجرها .......... على مين يبي يحجرها هو وخشته ذا متهور؟ جاء ولد عمها وقال والله مايخذها عقاب وعيني تشوف قال ابوه ياوليدي عقاب هو ذخرنا وهو فارسنا ان صالت وجالت الخيل ويستاهل اغديك ياوليدي تعطيها عقاب وكنها منك قال الولد لا والله لو يذبحني ماعني وعنها سمع عقاب بالسالفه وهو ياخذ سيفه ويقول وينه؟لكن يوم اقبل عقاب عليه وهو تطقه النفاظه من الخوف وينطلق ويحب رجل عقاب ويقول هي لك هي لك المهم تزوج عقاب وتزوج حجاب بعد وكل واحد منهم جاه ولد المهم كان فيه واحد من فرسان شمر اسمه (هايس القعيط) فارس شجاع ذكي (ويستخدم الحيله)<====== لاياشيخ اثره ذكي ويستخدم الحيله المهم هذا هايس القعيط سوى خطه انه يباغت عنزه بالليل واذا قامو عقاب وحجاب وركبو خيلهم ينسحب هو والي معه الين يبعدون شوي همن يديورون عليهم ويذبحونهم وفعلا غزو وطلعو عقاب وحجاب مثل النمور وركبو خيلهم يوم ابعدوا عن النزل (الي هو المحل الي هم نازلين فيه) ويلتفتون شمر لكن خافو وترددوا ويصيح بهم هايس القعيط خوذوا ثار شمر خوذوا ثار (هذلول الشويهر) <====== عرفتوه ذا الي ذبحه عقاب وكل شمر يحبونه المهم الوعد الجزء الثالث نشوفكم على خير <====== برنامج الباديه |
|
|
|
05-06-2002, 19:28
|
#2 |
|
عضو شعبيات
|
مشكور وما قصرت
الحمد لله اني ما رحت بعيد واول ما خلصت قرأة الجزء الأول لقيت الجزء الثاني يستناني وماصدقت على الله لني مشتاقه لكمالة القصه .. تسلم والله يقويك وتراني متشوقه للجزء الثالث الي وعدت به ... أختك رهف... |
|
|
|
|
05-06-2002, 23:46
|
#3 |
|
جاسر الحربي
|
السلام عليكم 00000
ولكمووووووووووووو أقول عزيز 0000000 انت ليه ؟ هاه <<<<<<<<<< وش يخربط ذا عزيز وربي هذي سوالف مو سالفه الله مير يسلمك ويعطيك الف عافيه يعني ابي اقترح عليك مشروع برنامج والا فلم وثائقي على القناة السعودية الثالثه واذا عيا الفارسي نسوي azeez tv show اقول اسرع بالثالث 000000 تراني يمكن بنشغل هاليومين الجاية لا تبطي عليّ كن سعيدا عزيز 00000000 تحياتي العااااااااااااااطرة حبيبي أخوك/جاسر الحربي ابو المهند <<<<<<<<< كان بالمهند الين ناديته بردك بـ جاسر |
|
|
|
|
06-06-2002, 02:01
|
#4 |
|
شـــــاعــــــر
|
استمر الله لا يهينك
اخوي الغالي عزيز صباح الخير اشكرك والله على الجهد العظيم والا سلوب المميز استمر الله لا يهينك متابعين متابعين متابعين شكرا مرة ومرة ومرة 0 اخوك صالح |
|
|
|
|
08-06-2002, 13:33
|
#5 |
|
رحمة الله عليه
|
ياهلا والله برهف
ياهلا ومرحبا حي الله الغاليع رهف والله مازين الموضوع الا ردك ....... واشكرك على الاطرآ وماقصرتي واسف ان كان طولت عليكم بالقصه لكن العذر من الله ثم منك ياختي وتقبلي تحيات اخوك عزيز |
|
|
|
|
08-06-2002, 13:37
|
#6 |
|
رحمة الله عليه
|
ياهلا والله بجاسر حياك الله ياخال والله نورت الموضوع وبالنسبه ياخال لحكاية التلفزيون ترى عرضو علي بس رفضت <======== شين ماوده احد يشوفه والف الف الف شكر لك ياخال على تشجيعك ومتابعتك لنا وانا والله مقصر معك يالغالي وتقبل تحيات اخوك عزيز |
|
|
|
|
08-06-2002, 13:41
|
#7 |
|
رحمة الله عليه
|
هلا والله ومرحبا
هلا وغلا خالي ابونوت خال ترى المدح الي يجي من مثلك والله اصدقه واخف بعمري واصدق اني راويه مثل الشرهان <======= يوم قرى رد ابونوت مارد سلام على ابوه ومشكور ياخال على متابعتك وكلك ذوق تقبل تحيات اخوك الصغير <======== ماوالله ينسى ذي عزيز |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
