02-12-2002, 10:16
|
#1 |
|
عضو شعبيات
|
رجل كبير في السن يشكو ظلم اولاده
السلام عليكم ورحمة الله وبركاته:- اما بعد:- حبيت اهديلكم ذا القصه وهي كلها عبر وفوايد وهي عن العاقيين والظالمين لأبويهم والعياذ بالله:- وهذي قصة رجل وله ثلاث عيال ماتت امهم وهم صغار وعيا الاب يتزوج ثانيه خائف على عياله من المره الثانيه تعذبهم وتشقيهم و المهم الرجال رباهم وتعب عليهم وكان يطلع من الصبح ولا يرجع الى بالليل ونوبات يتاخر كله هذا على شأن يوفر لهم الاكل وكان كل ماطلع خلاهم عند جاره يلعبون مع عياله وواذا جاء من المقناص سوالهم العشى وعشاهم وكان ما يتعشى الا اذا شبعوا عياله وياكل من بقايا اكلهم. ودار الزمن وكبروا العيال وزوجهم ابوهم وشاب الاب الطيب ولا عاد يقدر على القومه والطلعه الا بالمساعده المهم قامن حريم عياله يتشكن منه لا زواجهن الين اجتمعوا العيال وكل يقول للثاني خله عندك حتى اجتمعوا على راي واحد انهم يطردونه الاب مالقا غير جاره وعياله الاولين الطيبين ورعوه وكرموه وطيبوا مكانه كأنهم عياله وقال الاب القصيده المذكوره ودعوته المشهوره فيها المهم عياله ماتوا كلهم ولا واحد منهم خلف له ولدوانقطع ذكرهم ونسلهم فحسبي الله عليهم ناكرين الجميل والمعروف والعشره وعاقين الوالدين . وهذه القصيده:- قال الذي يقرا بليا مكاتيب = ياللي تقرون العمى من عنـاكم يا عيالي اللي تشرفون المراقيب = تريضوا لي واقصروا من خطاكم خذو كلام الصدق مابه تكاذيب = مثل السند مضموم للي وراكم يا عيال لا صرتوا ضيوف ومعازيب = ترى الكلام الزين ملحة قراكم وتروا السبابه من كبار العذاريب = وهرج البلايس ما يطول لحاكم المذهب الطيب فهو مذهب الطيب = والمذهب الخايب يبور نساكم يا عيال ما سرحتكم باللواهيب = يا عيال ما عمر المعزب ولاكم ياما توليت القبايل تقل ذيب = من خوف لا ينقص عليكم عشاكم وياما شريت السمن من عرض ما جيب = يفزقلبي يوم يبكي حداكم وياما قطعت من الفيافي العباعيب = ندور من صيد البراري غذاكم يا عيال دوكم لحيتي كلها شيب = هذا زمان قعودنا في ذراكم قمت اتوكا عوج المصاليب = قصرت خطانا يوم طالت خطاكم عطوني القرضه عليكم مطاليب = عطوني القرضة جزى من جزاكم لابد يوم عاوي دوني الذيب = بالقبر ما افرق طيبكم من رداكم ماني بفاضحكم بوسط الاجانيب = با عمالكم يدرون كل اقرباكم لو كان تدرون الردي والمعاييب = صرتوا مع المخلوق مثل خوياكم خوالكم بالطيب تروي المغاليب = ولو تتبعون الجد محد شناكم وش علمكم يا تاركين المواجيب = حسبي عليكم هالردى وين جاكم يالله عسى اعماركم شمسها تغيب = يعتم قمركم ثم تظلم سماكم يا علكم في حاميات اللواهيب = ياللي على الوالد خبيث لغاكم شفت الجفا والحيف والغلب والريب = بضلوعكم لا بيض الله قراكم اطلب عسى نساكم ما تحمل ولا تجيب = ولا احد من الوغدان يمشي وراكم اخسوا خسيتوا يا كبار اللغابيب = اهبوا هبيتوا يقطع الله نماكم وســــــلأمتكم وشكرا لكم. فتى الوادي |
|
|
|
02-12-2002, 23:24
|
#2 |
|
عضو شعبيات
|
تسلم والله ...... هالقصة جدا مؤثررررررررررررة ... بس هي لمطيري والا انا غلطان ؟؟؟ او انها شبيهه بقصيدة لشاعر مطيري ........ والله ماني متاككدددددددددددد بس تسلم ويعطيك العافيه جاسر الحربي |
|
|
|
|
03-12-2002, 22:11
|
#3 |
|
عضو شعبيات
|
مساء الخير اخوي فتى الوادي
الله يعطيك العافية ويبيض وجهك قصه مؤثره ومليئة بالعبر والفوايد كما ذكرت الله لا يهينك اخوي ويجزاك خير أختك رهف |
|
|
|
|
04-12-2002, 23:17
|
#4 |
|
عضو شعبيات
|
حيـــــأك الله يالمهند. ويامرحبا بك وترا والله مدري هي لمطيري ولأ غيره . بس من الافضل ياخوك الستــر. وشكرا لك. وتقبل تحياتي. فتى الوادي. |
|
|
|
|
04-12-2002, 23:20
|
#5 |
|
عضو شعبيات
|
حيــــــاك الله يا رهــــف ومرحبا بك  .والقصص كلها انشالله عبر وفوايد. وشكرا لك . وتقبلي تحياتي. فتى الوادي. |
|
|
|
|
09-12-2002, 02:04
|
#6 |
|
عضو شعبيات
|
هلا يابعد حيي القصه مؤثره واللي مابهُ خير لأبوه ولاّ أمهُ مابُه خير لأحد انا اشهد معذور والدهم معذور معذور الله يعوضُه برحمة ربي انشالله هوبحاجتها ولاّ هم الله يغنيه عنهم بالأجر والمغفره مشكور يابعدي وياليت هالشباب يتعظون . |
|
|
|
|
10-12-2002, 17:20
|
#7 |
|
عضو شعبيات
|
أيعقل هذا .. ؟؟!! يا عيال ما سرحتكم باللواهيب = يا عيال ما عمر المعزب ولاكم ياما توليت القبايل تقل ذيب = من خوف لا ينقص عليكم عشاكم وياما شريت السمن من عرض ما جيب = يفز قلبي يوم يبكي حداكم وياما قطعت من الفيافي العباعيب = ندور من صيد البراري غذاكم أبهذا .. يكون الجزاء ... نكران للجميل .. وجحد للوالد العظيم ... ماني بفاضحكم بوسط الاجانيب = با عمالكم يدرون كل اقرباكم وبعد كل ذلك ... يبقى قلب الأب لايكره هنـــــا .. أصمت قليلا .. تخنقني العبره لا أقوى على أيقافها .. تخوني وأنتقل لما بعدها .... يالله عسى اعماركم شمسها تغيب = يعتم قمركم ثم تظلم سماكم ياسبحان الله .. وتحقق الدعـــاء فدعوة الوالد ليس بينها وبين الله حجاب وأخيرا أقول لكل من يسلك طريقهم ... اخسوا خسيتوا يا كبار اللغابيب = اهبوا هبيتوا يقطع الله نماكم اخسوا خسيتوا يا كبار اللغابيب = اهبوا هبيتوا يقطع الله نماكم اخسوا خسيتوا يا كبار اللغابيب = اهبوا هبيتوا يقطع الله نماكم فتى الوادي .. شكرا لك على هذه السالفه وتلك القصيده يعطيك الف عافيـه ... لك مني تحياتي ،، الريـــــــم  |
|
|
|
|
12-12-2002, 12:14
|
#8 |
|
عضو شعبيات
|
حيــــــــــــأك الله يااابخيــت ويامرحبا ومســــهلأ. والي مابه خير لأابيه ولأ امه مافيه خير حتى لنفسه. والله يحفظناااا من ذا الشر والمكروه. وقولوا الحمدالله على النعمه نعمة طاعة الوالدين. والشباب انشالله فيهم الخير والله يوفقك الجميع. وشكرا لك. فتـىالوادي |
|
|
|
|
12-12-2002, 12:17
|
#9 |
|
عضو شعبيات
|
حيــــــــــــأك الله ياالريم ويامرحبا ومســــهلأ. واشكرك جدا على هذا التفاعل الطيب الي يعبر عن طيبك وطيب اصلك. وانشالله ماتشوفين ذا الاشكال والله لايبـلأنـأ. وشكرا لك و تقبل تحيـأتي. فتى الوادي |
|
|
|
|
21-12-2002, 13:17
|
#10 |
|
عضو شعبيات
|
جالسلام عليكم .. اخوي فتى يا عساك بخير تفاجات بقولتك:" استر ...الخ" .. ياخوي ما فيها شيء ..والطيب ما ينعرف له "نسب" .. هذي القصة اللي انا اعرفها .. وباختصااار وتلاحظ ان هالرواية "اصح" كذلك " منطقية" ------------ هو رجال ووسيع معرفة .. ومن " القضاة" بعد .. عنده ثلاث عيال "وبااااارين" فيه .. المهم خرجوا الثلاثة يدورون لهم مكان احسن .. ووصوا حريمهم على "ابوووووووهم" <<<<< السالفه فيها حريم انتتبه وقالوا: حنا ليا منا لقينا المكان اللي ينفعنا نرسل لكم .. وقالن: ابشررروووا <<< هين,,, كيدهن منيل بستين نيله المهم الشايب كبر وصار حفيلة .. وتضايقن منه ..<< مثل ما سوى العبدين بسالم الزير .. الدب يوم جا المرسول ... تشاورن فهالشايب وش نسويبه قالت اظلمهن واقساهن: نخليه بمكان وهو طايح محد درى عنه .. ونشد وهو بمكانه .. ونقول لرياجيلنا: ابوكم .... // مااااات// <<< مقويات حسيبهم الله تركوا الشايب ورحلوا متيامنين مدري متفرعين مدري محديرن مدري تشامنوا << جغرافيا البدوان والرياجيل " اكلوا المطب" وتكسرت المساعدات << مزحه المهممممممم فيه اثنين من الناس .. تهاوشوا على اللي مدري وش خيبته قالوا: نعرف فلان يحكم بيننا قالوا: ونعم .. راحوا لاراضيه ما لقوا احد وهم يتبحثون .. لقوا هالشايب .. اللي يااااادوب يقوم ويقعد .. ويتمتم .. قربوه: وش سالفتك .. نساعدك .. انت منهو .. يوم هرج: وقال واحد: انت فلان القاضي .. قال: بلى وعطاهم السالفه // طبعا هو محسب ان عياله اللي تركوه// عرضوا عليه يمشي معهم بس عيا وقال: هالقصيدة .. ورجع له اكبر عياله.. ويقال: انهم رغم هذا ما افلحواا // سبحانك ربي // === / هذه كدعوة ام المؤمنين على اخيها ويداه تمتدان الى ركوبها//==== وحقيقة القصيدة ماني حافظ منها شيء .. مير اني اعرف معناها وسياقها .. هي اشد من هذي بكثير .. وفيها من التوجد ما الله بها عليم .. ثم ختمها بدعوات .. لو سمعها "العااااااااااصي" فرش خدة لابوة لامنه مشىىىىىىى هذه القصص وان اختلفت وان كانت اساطير .. فيها تذكرة وعظة .. المفرو لا تمر مرور الكرام ويحاسب الانسان نفسه لمدة خمس دقائق .. هذا العلم واعذرووووووني على القصوووور .. وسلامتكم جميع اخوكم جاسر الحربي |
|
|
|
|
21-12-2002, 15:48
|
#11 |
|
عضو شعبيات
|
يامرحبا ومسهلأ بـ قلوبنا شقااؤنا. ياخوي انا يوم قلت الستر لأنك ودت تذ كر الصفات الزينه والشينه نهملها. ومطير وحرب والعجمان وكل القبااايل طيبه ومثل ماقلت الطيب ماينعرفله نسب. ========== اما بسالفة قصتك ترا القصص تشابهه وانا اعرف قصه عن عقوق الوالدين والعياذ بالله ماتنقال مره . ======== ومامن قصور يا اخ جاسر الحربي ومرحبا ومسهــلأ بك وردك ورد غيرك يسرنا جدا ومثل ماقلت هل القصص لها فوايد وعبر ودروس كثيره ولأهنت مليـــون. وشكراااا لك. فتى الوادي |
|
|
|
|
27-12-2002, 22:10
|
#12 |
|
عضو شعبيات
|
ينطيك العافيه يافتى ياذهبي <---------- نواف التمياط الله يذكره بالخير :)
ياما توليت القبايل تقل ذيب = من خوف لا ينقص عليكم عشاكم وياما شريت السمن من عرض ما جيب = يفز قلبي يوم يبكي حداكم الله يغفر له ويرحمه .. وياليت يا فتى الوادي تذكر اسم الشاعر للضروره اذا كنت تعرفه .. وتسانك ماتعرفه فمعذور ومشكوووووووور والسموووووحه على التأخير وفمان الله مع السلامه |
|
|
|
|
28-12-2002, 09:32
|
#13 |
|
عضو شعبيات
|
حيــــــــــــــــأك الله يالحبيب ويامرحبا ومسهـــــــلأ بك. ومشاركتك وطلتك تسعدني وانت من الناس المتميزين والله يوفقك. انا بصراحه ما اعرفه. بس سمعت قبل مده بسيطه انه من بدو الاردن. وسامحني على القصور انت والموجودين. ومسموح وحيـــأك الله. تقبل تحياتي. فتى الوادي |
|
|
|
|
01-01-2003, 07:02
|
#14 |
|
رحمة الله عليه
|
اخوي فتى الوادي تسلم على هيك قصه منها تسليه وموعظه وصياح<========== عقب ماسمع القصه هون يزوج عياله وان كانو ينتمون لقبيلة مطير فهذا الشي مايعيب القبيله قبيلة مطير معروفه بشيوخها الي بلغوا من الشجاعه الشي العجيب ومن الكرم والنخوه ومكارم الاخلاق الاخرى ومطير يكفيها فخر انه 15 فارس منها استطاعوا الصمود امام الامير الشجاع الجبار صاحب القوه والجيش (عبدالعزيز المتعب) والقصه معروفه ولها قصيده تثبتها ولكن تعرفون حنا باخر الزمان والدنيا شقلبيه وبالنسبه لمكانة مطير بين القبايل في الوقت الماضي(الي عليه الكلام) فلقبهم المعروف او الكنيه التي اقرها ويؤمن بها حتى عدوهم فهي (حمران النواظر)<=========== والله اسم متعوب عليه ويستاهلونه واسف على الاطاله |
|
|
|
|
02-01-2003, 00:03
|
#15 |
|
عضو شعبيات
|
لأهنت يا اخ عزيز وحياك الله ويامرحبا مليـــوون. ويا اخ عزيز قبيلة مطير قبيله مشهودله بالطيـــب من قديم الازمـــان والفرد مايعيب الجماعه والفرد فعله لنفسه ومطير من القبايل الطيبه. ويكفي منها الفارس وفارس الاخوان فيصل الدويش { خواله العجمـان } وغيره من الفرساان.وونعم بكل القبااااايل ومابهم قصور انشالله. تقبل تحياتي. فتـى الـوادي اخر تعديل كان بواسطة » الخويطري في يوم » 02-01-2003 عند الساعة » 01:37. |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
