لاتاخذ احساس الغلا وانت كذاب
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
رد الغلا لاصرت مانته براعيه =ياماخذ احساس الغلا وانت كذاب
وانا غلاك ازريت لارد داعيه= اصك باب وينفتح للغلا باب
غلاك في دمي ويجري مجاريه=وش حيلتي لاصار في الدم ينساب
والبارحه وانا من الهيه للهيه=والشوق جمره داخل القلب شباب
الحقت من قفى بقلبي مشاريه=وناديت باسمه تالي الليل ياعقاب
وارخيت صوتي والقلم صب مافيه=لين امتلا بيض الورق همس وعتاب
وكريم يابرق برق في مناشيه =قام يتواشى ويتحطب تحطاب
امطرعلى اللي صالي القيض حاديه=ضميان والميراد في راس مرقاب
في النايف اللي كايدات مراقيه =مندون مرقابه مراقيب وهضاب
حادي القصايد نازح البعد طاويه=لوكان غنى مونس قرصة الداب
داب رقد بردين والسم حاسيه=يبا يغرغ سم نابه ولا صاب
شف كيف رحنا في القصيد وقوافيه=خذنا مع الهاجوس والهيض مهذاب
استطرد الحادي وكثر دعاويه=لكن صدر البيت والعجز ماشاب
وقصر الكلام انت الغلا وانت راعيه =ياماخذ احساس الغلا وانت كذاب
[/poet]
اخر تعديل كان بواسطة » الحادي في يوم » 10-05-2003 عند الساعة » 18:08.
|