ابغـت ثعالبهـا وانـفـج iiعدنـهـا
[poet font="Simplified Arabic,4,black,normal,normal" bkcolor="transparent" bkimage="" border="none,4,purple" type=0 line=200% align=center use=ex length=0 char="" num="0,black" filter=""]
ماطال مال انا اكره الشي لاطال=والغاليه فيها لك الله ثمنها
وابغاك تفهمني على كل الاحوال=بعطيك زبدتها وخلي لبنها
اللفلفه والعجرفه والتحيال =لاهيب لامني ولانيب منها
ولانيب اقول ولاانشد فلان وش قال=والواجبه لاجات ماموج عنها
ولااعبد وجيه اهل المناصب والاموال=اضعوف خلق الله مالد لعفنها
ولا جادل الخبلان وعفون الانذال=من جادل الخبلان نفسه لعنها
واعرف مداريج السوالف والامثال=وبعض السوالف تنسمع من لحنها
وانا وسيع البال مع طيب الفال=نفسي عن الميلات لاون رسنها
واعطي ريال ولاتنازل عن ريال=واللي يبا الطمعات روحه ثمنها
وكان المراجل مال مانيب رجال=مانييب مثل اللي فلوسه دفنها
ماعندي الا هيل وبهار ودلال = ونار اصاليها وادسم صحنها
بالطيب لي بين المشاكيل مدخال =اخذ مطاليبي ووجهي رهنها
وان حاك في صدري من الشك مثقال=ابغت ثعالبها وانفج عدنها
هذا جاوبي كان تشفيك الاقوال=من راس رجال (ن)علومه وزنها
الله لعن كثر التسال والاقوال=مقولة المختار للي ذهنها
[/poet]
|