شعبيات - مشاهدة مشاركة بصفحة مستقلة

ابو مهنا · 06-08-2002, 15:07

اخوي خالد

ترى مدري انتم وش تبون

يعني تبون يوم واحد وين نروح وين نجي فيه

ترى الناس ماهي سوى

فيه ناس ايامها كلها سوى وناس كل يوم وبادي لهم جديد

خصوصاً اللي يتورطون مثلي على حسن نية

المهم ابا اعلمكم

اقوم صباحه لصلاة الفجر هاذا إذا كان مأذن وأنا على النت الله لا يخسر لنا تعب على دورة العلوم الزينه مع اهلها

وقوم الورعان بالمطرق لصلاة الفجر << شديد محماس

هاثم

اجي معود وتلفت وليا خلق الله شخري

وانثبر اضن النوم يجيني

وليا جاء مغطتها ليا 9

وقمت

وكثحت على طختي ماء وجت محتي للعمل

واول سؤال لمن يقابلني وبشكل يومي ( نشد عني المدير )

والمدير ماهو جايب خبري

وناسه

وعاد سويت فيها فانعه ما جا في يدي من شغل خلصته على غير سنع

ولا زم يدري المدير اني خلصته << بس مايدري انه على غير سنع لانه مايدري السنع وشهو وواثق في كفأتي العضال
بس
لزوم التزبرق وصقل السمعة لديه

وليا صليت الظهر

عندي واحدٍ غافصه اقل مني مرتبه مريته بعينن حمراء

ولا حتى اقوله لو سمحت

بنفخه خلك حول المدير وليا سأل عني اتصلبي

اصحى يفقدني

وتوكلت معود من حيث اتيت

واكثر الامرار ما يجيني اتصال

وليا جاني بعد اسوي العذر واقول قله قبل شوي يومك طلعة طال عمرك

جأ يدورك وقال قوله عنده شغل من الهاتف ليا كتابة عدل الخ

يعني ليا طلعت هي الطلعه

ما تشوفنا لم نرتقي لمصاف الدول المتقدمه

التخلف اتى لنا من حيث ما نعمل نحنو

صح يا عبوره

انا عارف انه صح

حتى في مواثيق التسامح هناك خلل يا الربع تبونه مكتسب من المدارس والا المجتمع << قضيه لنقاش

اتركوها تولي ما علينا

طبعاً كل اللي تقدم ماتقدر تقول ياخالد كله ماهو صحيح

لانك كشيف ومهددنا انك تكشف اللي يلفيف

ادري ان فيه ناس غير كذا

بس هاذولي الخوافين واللي لو سوو لك معامله اعرف انها تبي ترجع ميت مره بها نقص بها اخطاء بها بها بها بها بها بها بها بله

ادري ان ماهم كلهم

بس ها ذولاك يسعون لامر ماء سرعان ما يصلون اليه

ادري ماهم كلهم

بس هاذولي الناس محبطين ومدقوقين بالعمل دق الطحين

ادري إن اجرهم على الله الواحد الاحد

تدرون ان اللي ذكرت كلهم ما يصلون الفجر

ادري ان الفئة الاخيره ليست منهم

وكذلك خروجي من الموضوع

ادروا لرضاكم جيناكم

لايختلف جدولي اليومي عن ماذكرتم بعد معرفت السيد نت الله لا يلخبطنا رحنا حوسه

اخوي خالد

بك الخير وردك رائع يا الدعوجي

تراكم كلكم مسامحين سا محونا

خالد هاك عني

البارحه نوم العيون القشر يا خالد قزا *** عيا يجي وانا اشحذه تكفى تعال وقال نو
بين الضلوع الهاجس المقلوع يا خالد وزا *** جديد توه تو توه ساع حضر ساع تو
عزاي في وجه الرفيق اللي ليا جيته نزا *** من مقعده فرحان بي لاشافنا قال أقلطوا
ساس الكرم لهل الكرم ماهم قليلين المزا *** اللي ليا شافوا طريق الحق صدوا وهمزوا
حنا إعزاز ومن إعزاز نعز من ربع عززا *** نار الكرامة ما تطفيها الطفاه آليا طفوا
ومن لا حسب لحسابنا عانه على شينه لزا *** خله يروح بشينته يهف من حيث اهتفوا
أحد ربى بالطيب والمعروف وأ حدٍ بالخزا *** واللي على درب الردى بالحيل ثبرين وخسوا
يا خالد الوقت أختلف وهل الرزا وي لرزا *** وأنا عزيز النفس ربعي فوق قمة واعتلوا
ما تبرم أحبال الضعافة فوق رأسي وتهزا *** قريتها قدام أفك إ كتابها للي قروا

ومني لك يابن حميد فائق المحبة

ونلتقي حيث يجب أن نكون

والعذر والسموحة من الجميع هنا في متصف حكم يا لغالي

ولد الهاص
عبد الله مران
عبير بنت احمد
الريم الصغيرة الرائعة

اخوكم ابو مهنا

06-08-2002, 15:07	#23
ابو مهنا عضو	اخوي خالد ترى مدري انتم وش تبون يعني تبون يوم واحد وين نروح وين نجي فيه ترى الناس ماهي سوى فيه ناس ايامها كلها سوى وناس كل يوم وبادي لهم جديد خصوصاً اللي يتورطون مثلي على حسن نية المهم ابا اعلمكم اقوم صباحه لصلاة الفجر هاذا إذا كان مأذن وأنا على النت الله لا يخسر لنا تعب على دورة العلوم الزينه مع اهلها وقوم الورعان بالمطرق لصلاة الفجر << شديد محماس هاثم اجي معود وتلفت وليا خلق الله شخري وانثبر اضن النوم يجيني وليا جاء مغطتها ليا 9 وقمت وكثحت على طختي ماء وجت محتي للعمل واول سؤال لمن يقابلني وبشكل يومي ( نشد عني المدير ) والمدير ماهو جايب خبري وناسه وعاد سويت فيها فانعه ما جا في يدي من شغل خلصته على غير سنع ولا زم يدري المدير اني خلصته << بس مايدري انه على غير سنع لانه مايدري السنع وشهو وواثق في كفأتي العضال بس لزوم التزبرق وصقل السمعة لديه وليا صليت الظهر عندي واحدٍ غافصه اقل مني مرتبه مريته بعينن حمراء ولا حتى اقوله لو سمحت بنفخه خلك حول المدير وليا سأل عني اتصلبي اصحى يفقدني وتوكلت معود من حيث اتيت واكثر الامرار ما يجيني اتصال وليا جاني بعد اسوي العذر واقول قله قبل شوي يومك طلعة طال عمرك جأ يدورك وقال قوله عنده شغل من الهاتف ليا كتابة عدل الخ يعني ليا طلعت هي الطلعه ما تشوفنا لم نرتقي لمصاف الدول المتقدمه التخلف اتى لنا من حيث ما نعمل نحنو صح يا عبوره انا عارف انه صح حتى في مواثيق التسامح هناك خلل يا الربع تبونه مكتسب من المدارس والا المجتمع << قضيه لنقاش اتركوها تولي ما علينا طبعاً كل اللي تقدم ماتقدر تقول ياخالد كله ماهو صحيح لانك كشيف ومهددنا انك تكشف اللي يلفيف ادري ان فيه ناس غير كذا بس هاذولي الخوافين واللي لو سوو لك معامله اعرف انها تبي ترجع ميت مره بها نقص بها اخطاء بها بها بها بها بها بها بها بله ادري ان ماهم كلهم بس ها ذولاك يسعون لامر ماء سرعان ما يصلون اليه ادري ماهم كلهم بس هاذولي الناس محبطين ومدقوقين بالعمل دق الطحين ادري إن اجرهم على الله الواحد الاحد تدرون ان اللي ذكرت كلهم ما يصلون الفجر ادري ان الفئة الاخيره ليست منهم وكذلك خروجي من الموضوع ادروا لرضاكم جيناكم لايختلف جدولي اليومي عن ماذكرتم بعد معرفت السيد نت الله لا يلخبطنا رحنا حوسه اخوي خالد بك الخير وردك رائع يا الدعوجي تراكم كلكم مسامحين سا محونا خالد هاك عني البارحه نوم العيون القشر يا خالد قزا * عيا يجي وانا اشحذه تكفى تعال وقال نو بين الضلوع الهاجس المقلوع يا خالد وزا * جديد توه تو توه ساع حضر ساع تو عزاي في وجه الرفيق اللي ليا جيته نزا * من مقعده فرحان بي لاشافنا قال أقلطوا ساس الكرم لهل الكرم ماهم قليلين المزا * اللي ليا شافوا طريق الحق صدوا وهمزوا حنا إعزاز ومن إعزاز نعز من ربع عززا * نار الكرامة ما تطفيها الطفاه آليا طفوا ومن لا حسب لحسابنا عانه على شينه لزا * خله يروح بشينته يهف من حيث اهتفوا أحد ربى بالطيب والمعروف وأ حدٍ بالخزا * واللي على درب الردى بالحيل ثبرين وخسوا يا خالد الوقت أختلف وهل الرزا وي لرزا * وأنا عزيز النفس ربعي فوق قمة واعتلوا ما تبرم أحبال الضعافة فوق رأسي وتهزا *** قريتها قدام أفك إ كتابها للي قروا ومني لك يابن حميد فائق المحبة ونلتقي حيث يجب أن نكون والعذر والسموحة من الجميع هنا في متصف حكم يا لغالي ولد الهاص عبد الله مران عبير بنت احمد الريم الصغيرة الرائعة اخوكم ابو مهنا التوقيع: ياريجيل اثر الصبر على اللي ما يستحي يفقع الكبد