12-02-2007, 12:27 | #1 |
شـــاعـر
|
قصيدة رثاء الوالد الغالي ..
السلام عليكم ورحمة الله وبركاته الله يرحم أمواتنا وجميع أموات المسلمين ويسكنهم فسيح جناته... الموت حق ولكن الفراق يصعب على النفس... إحساس نابع من القلب لروح والدي وولد عمي اللي وافته المنيه بعد موت الوالد بإسبوع عسى الله يرحمهم ويسكنهم فسيح جناته..
يا كيف أبا أسلى وحزن النفس يغشاني=ودموع عيني على خدي مجاريها إيام عدت و عشنا عالم (ن) ثاني=حلت علينا الفجايع في لياليها ساعة سمعت الخبر و العلم وافاني=والروح قالوا توفت صوب باريها كنه نهش وسط قلبي ناب ثعباني=والعين عميت ولا به من يقديها أعظم فقيده فقدنا عالي الشاني=الغالي اللي دروب العز ماشيها الوالد اللي غمرنا خير وإحساني=عطف (ن) ورقه وطيبة قلب حاويها ياعين هلي وخلي الدمع يعياني=وزيدي دموعي على خدي وصبيها و الله ما قد جفا حالي وخلاني=أبكي مثل ما بكيت اليوم وأشكيها يابه تمنيت راسي وسط الأكفاني=وتعيش عمري على الدنيا وتحييها يابه تمنيت شوفك بس ما أمداني=وطول السفر حال بين العين وغاليها عزيت نفسي ونفس الحزن عزاني=يظهر دموعه على عيني ويخفيها مرحوم ياوالدي يا طير حوراني=ياللي عليت المعالي في مراقيها يانور بيت (ن) فراقه هد الأركاني=وأصبح ظلام الليالي ساكن(ن) فيها ياطيب(ن) عاش عمره عبر الأزماني=وكفوف يدينه بياض الفعل كاسيها يا مسند الربع شان الوقت أو زاني=وإن جات صعب المواقف ما يخليها يا قرم لي من لفاه الضيف والعاني=عادة يمينه على الجزله يبديها عليك دمعي على الخدين ينعاني=والشمس حزنت و لا به من يواسيها حتى الجبل يوم زرته كان مرضاني=ودموع حزنه على فرقاك يبكيها والعامل اللي حويته بالكرم جاني=تبكي عيونه ودمعه في نواحيها يالله عسى يجعل الجنه لك أوطاني=و النفس يارب تفسحها وتبريها دنيا وساقت علينا جيش الأحزاني=يمسي العقل ما يصدق من مآسيها إسبوع عدى ومثل العلم بكاني=والنفس طابت من الدنيا وأمانيها محمد(ن) ولد عمي حسبة إخواني =فجأه خذته المنيه بأمر واليها أهتزت القاع و كنه ثار بركاني=دمر جسور المدينه مع مبانيها ذرفت دمعي وثوب الحزن غطاني =أبكي على أغلى حبايبنا وأعزيها يالله يا كاسي من الريش جنحاني=ترحم وتغفر لموتانا وترضيها أطلبك يالله لها رحمه وغفراني=ومن عين تسنيم يا المعبود تسقيها نصبر على أمرك يارب الإنس والجاني=الموت ساعه وكل الخلق تقضيها حكمك يارب البشر لي صاب الإنساني =يصبر على شر دنياه وبلاويها |
12-02-2007, 15:15 | #2 | |
شـاعر
|
رد : قصيدة رثاء الوالد الغالي ..
اخوي الغالي محمد , عظم الله اجرك فيهم و جمعنا و اياك بهم في جنة الخلد إقتباس:
اللهم امين , صح لسانك و بيض الله وجهك |
|
13-02-2007, 01:25 | #3 |
شـــاعــر
|
ماجور يا محمّد ، والسلامة ، والنقايص ، و المشاعر وحدة طال عمرك ! إخيك المقصّر . |
13-02-2007, 01:39 | #4 |
شـــاعرة
|
رد : قصيدة رثاء الوالد الغالي ..
مرحوم ياوالدي يا طير حوراني ياللي عليت المعالي في مراقيها صح فكرك وقلبك باذن الله مرحوم ويسكنه ربي جنات النعيم اللهم اغفر له وارحمه واعف عنه ، وأكرم نزله ، ووسع مدخله ، واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلا خيراً من أهله ، وزوجاً خيراً من زوجه ، وأدخله الجنة وأعذه من عذاب القبر .. عظم الله أجرك والهمك الله الصبر والسلوان |
13-02-2007, 01:42 | #5 |
حــبّــا ً
|
رد : قصيدة رثاء الوالد الغالي ..
أعظم فقيده فقدنا عالي الشاني الغالي اللي دروب العز ماشيها صحّ الله لسانك يامحمد ويرحم أبوك وولد عمّك ويتجاوز عنهم ويسكنهم الجنّه وجعلها آخر الأحزان .. |
13-02-2007, 09:15 | #6 |
الضغط العالي
|
رد : قصيدة رثاء الوالد الغالي ..
لا حول ولا قوه الا باالله انا الله وانا اليه راجعون محمد الله اللي يجبركم ويخفف عليكم والله يرحم امواتكم واموات المسلمين والله يدخلهم الجنه ويغفر لهم وصح لسانك على القصيده وتقبل خالص تحياتي |
13-02-2007, 17:10 | #7 |
شـــاعــر
|
رد : قصيدة رثاء الوالد الغالي ..
محمد ...الله يمسيك بالخير...والله اللي يعيضكم فى الوالد ...وعسى الله يرحمه ويرفع منزلته ...هذا الموت حق..وكلنا في الطريق ذا عسى الله يحسن الخواتم..ويرحمنا جميع برحمته.. يالله عسى يجعل الجنه لك أوطاني و النفس يارب تفسحها وتبريها أمين ,,, أمين... صح الله لسانك ..وعصم الله على قلوبكم بالصبر اخيك |
13-02-2007, 19:11 | #8 |
شــاعـر
|
رد : قصيدة رثاء الوالد الغالي ..
اخوي الغالي محمد , عظم الله اجرك فيهم و جمعنا و اياك بهم في جنة الخلد |
14-02-2007, 03:16 | #9 |
بقـايا حُلـم
|
رد : قصيدة رثاء الوالد الغالي ..
حكمك يارب البشر لي صاب الإنساني يصبر على شر دنياه وبلاويها الحمدلله على كل حال عظم الله اجرك ورحم الله الفقيد وغفرله واسكنه فسيح جناته وجعل قبره روضة من رياض الجنه |
15-02-2007, 13:25 | #10 |
شاعر
|
رد : قصيدة رثاء الوالد الغالي ..
محمد حليلان صح لسانك الجزاله ما تستغرب عليك أسأل الله أن يرحم والدك وبن عمك فسيح جناته ويحشرهم مع زمرة الأنبياء والصالحين ويغشاهم برحمته ويجعل ما أعد لهم بالأخره خير من دنياهم صح لسااانك |
16-02-2007, 01:13 | #11 |
عيار مفهي
|
رد : قصيدة رثاء الوالد الغالي ..
الله يغفر لهم ويرحمهم ويسكنهم الجنه قسم بالله خنقتني العبره ذكرت ابوي الله يجمعني معه في الفردوس اللهم امين |
28-02-2007, 03:02 | #12 |
شـــاعر
|
رد : قصيدة رثاء الوالد الغالي ..
أخي الغالي والقريب من القلب محمد بن حليلان عظم الله أجرك .. وأحسن الله عزاك .. وغفر الله لموتاكم وموتى المسلمين آمين آمين آمين سامحك الله يا محمد .. مرثية أبكت القلب كثيراً ذرفت دمعي وثوب الحزن غطاني ..................... أبكي على أغلى حبايبنا وأعزيها مصابك مصابنا يا محمد اصبر واحتسب الأجر عند الله |
28-02-2007, 03:38 | #13 |
شاعر
|
رد : قصيدة رثاء الوالد الغالي ..
لله ما أعطى ولله ما أخذ إنا لله وإنا إليه راجعون الله يرحم أمواتك وأموات المسلمين والقصيدة فعلا معبرة وصح إلأسانك أخي محمد بن حليلان أعظم الله أجرك وأحسن الله عزاك |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|