14-05-2006, 22:26
|
#1 |
|
شـــاعــر
|
مجبور ياقلب العنا
مجبور يا قلب العنا لو تكدرت=صبرك وحلمك في الأمور العصيبه معذور لو همك بقيده تأسرت=والهم مأسور(ن) به اللي صويبه لو عاتبتني وازعلت ما تأثرت=كنا انتعاتب دوم ما هي غريبه وان طاف موعد بيننا أو تأخرت=كنا انتراضى في ثواني قريبه كل المصايب هينه ما تذمرت=بس الوداع اصعب من اكبر مصيبه غصب(ن) على نفسي نحلت وتغيرت=غصب(ن) على قلبي عناه ونحيبه ياللي تلوم الحال ليتك تفكرت=ليتك تشوف القلب وش مستوي به وان بحت لك حبي وشوقي وفسرت=تتمنى لو تلقى مثلها حبيبه لو شفتها هللت مثلي وكبرت=باوصافها ما شفت نقص(ن) وعيبه ذيك العيون ان ناظرتني تبعثرت= سلمت روحي و المشاعر تعيبه في صوتها نبره معاها تسمرت=لحن البلابل صوتها ما يجيبه ماجت على بالك ولا قط تصورت=إن الحسن فيها دلال(ن) وطيبه مدري متى ترجع تعبت وتحيرت=عايش على حلم(ن) بشك(ن) وريبه وان جابها الله بالدعا له تشكرت=وان عاندت بنسى ولو هي صعيبه |
|
|
|
15-05-2006, 00:32
|
#2 |
|
شـــاعــر
|
رد : مجبور ياقلب العنا
هشام العامري صح لسانك ياغالي ودمت بالف خير تحياااااتي |
|
|
|
|
15-05-2006, 14:14
|
#3 |
|
شـــاعر
|
رد : مجبور ياقلب العنا
الأخ الغالي / هشام العامري أهــلاً وسهــلاً بك في شعبيات المحبة يا صديقي .. سعيدٌ بتواجدك .. وإحساسك في الكتابة جميل كل المصايـب هينـه مـا تذمـرت ................... بس الوداع اصعب من اكبر مصيبـه بس الوداع أصعب من أكبر مصيبة !! يعينك الله |
|
|
|
|
17-05-2006, 11:13
|
#4 |
|
شـــاعــر
|
رد : مجبور ياقلب العنا
الأخ الشاعر على الأسمري صح بدنك وماعليك زود يالغالي تشرفت بمرورك واطراءك الجميل تقبل تحياتي واحترامي |
|
|
|
|
17-05-2006, 11:15
|
#5 |
|
شـــاعــر
|
رد : مجبور ياقلب العنا
المشرف الأخ ثامر الشعيفان شكرا جزيلا لترحيبك وانا متشرف بوجودي بينكم واسمحولي لقلة مشاركاتي تحياتي واحترامي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
