[ثواب زيدالحارثي]

	مصافحه بعد طول غيبه ارجو ان تشفع لنا وتنال اعجابكم\ ------------------------------------------------------ بال المعنى يسهر الليل منداش=مر(ن)بشوش ومر وجهه كضومي مايصبح الا كل معلوق مناش=نوش الخزاما من لهيب السمومي يابنت عفي عن هوا كل غشاش=اللي من احساس الغرام أمعدومي حبي شجيعن لانخيتيه ثم طاش=في موقفه دايم جزومن عزومي دمعك يغيضه يوم تبكين بجهاش=يبغا مقامك فالرفيع امحشومي وقلبي ليا شفت الغنادير شواش=ولا يلحق المغرم من الناس لومي ومحبتي ماهي محبة ولد (لاش)=دناع ماله فالمحبه لزومي يشري حياة الحب ويبيع ببلاش=خبلن عليه امن المذله اوسومي بالذل يبني له منازيل وعشاش=والحر حر وماكر البوم بومي وحسبي على اللي يوم سلهم بالارماش=من غير لا شعر قمت انفذ أكمومي غرو(ن)زرع( ياطراد) في داخل الجاش=جرحن عميقن نار حره لهومي أقول أبصبر واتحمل لاكن (ماش)=من يوم القي له تضيع العلومي سكبة جبينه لونها كنه الشاش=(ومن دق سرجوفه تقول أمحزومي) يبهرني أبزينه ويربشني أرباش=ومن شاف أبعينه يطيح ويقومي ابلش معاليقي وانا أبلشته أبلاش=أبغاه يرحمني ولاهو رحومي ماهو تطفل لاكن الحب نهاش=أضيع في بحره لو اسبح واعومي والبيد ابا أقطعها من الطاش للطاش=ولاصير من زين الوصوف امحرومي شفته وانا عابر سبيل(ن)وطراش=وريضت في ممشاي وازريت اشومي وشلون أشوم ونظرته تنعش أنعاش=كنه بقلبي داعج العين يومي من شاف ماشفته غدا قلبه اهشاش=ويرقا وينزل من طوال الرجومي ويهدي لبوها العينها شقح الابواش= (ويصاحبه لو كان الد الخصومي) والنوم اينوش موق عيني تنواش=وان نمت اصارع ياطراد الحلومي اللي تهاوشني وانا اهوشها اهواش=لاني سهرت ولا هنا العين نومي ------------------------------------------------------------------ شعر\ثواب زيد نجا الحارثي

[ثامر الشعيفان]

الشاعر القدير ..

الحارثي ثواب بن زيد

قافيه جميلة ومعاني عميقة ومفردات أصيلة
تخبرنا بقدوم شاعرٍ متمكن يُروض الكلمة ويُطوَّعُ الحرف .. ليسرق الدهشة !!
هي ثاني المشاركات هنا في شعبيات .. نطمع في المزيد من التفاعل يا " ثواب " فشاعرٌ كـ أنت مكسبٌ لأي متصفح


شعرٌ أصيل وعذب ... تسيطر على القارئ حتى آخر القطر !!



إعجابي

[تركي]

ثواب زيد الحارثي

ياهلا بثواب في شعبيات

متابعك وانت أحد شعراء القلطه المبدعين

صح لسانك مدد بلا عدد

وبأنتظار ماتجود به نفسك في قوافي البوح وميدان المحاوره

تحياتي

[ناصر المطيري]

الرسالة الأصلية كتبت بواسطة ثواب زيدالحارثي

الشاعر

القدير ثواب الحارثي



للشعر
وللجزالة موعد يلازمك

دمت ودام

نزف مدادك العذب


لكل التقدير والإحترام

[الجازي]

.

ابلش معاليقي وانـا أبلشتـه أبـلاش
أبغـاه يرحمنـي ولاهـو رحـومـي

الشاعر / ثواب الحارثي

تضرب برشاقه سطور الورق ونبضات القلب

شكراً لأنك بيننا في قوافي البوح في شعبيات ..

إعجابي الشديد

.

[متعب الخامسي]

اررحب ياثواب

يسعدنا تواجد شاعر مميز مثلك بيننا وياهلا ومرحبا يالحارثي
قريت القصيدة وتحسفت ان توني اشوفها

حبي شجيعـن لانخيتيـه ثـم طـاش
...............في موقفـه دايـم جزومـن عزومـي

دمعك يغيضه يـوم تبكيـن بجهـاش
................يبغـا مقامـك فالرفيـع امحشومـي

حبك يدل على طيب معدنك في وصف رائع

وحسبي على اللي يوم سلهم بالارماش
....................من غير لا شعر قمت انفـذ أكمومـي

الله يلوم اللي يلومك


الشاعر ثواب الحارثي

ابيات جزله وحضور مميز يجعلنا بشوق ننتظر جديدك لا تبطي علينا

صح لسانك وسلمت يمينك يالغالي

وعندي طلب اذا سمحت لي


ثنتين تجلي عن فؤادي همومه
.............. وتجعل سهير العين يهنا مبيته

رجلن يجي يمك وتقضي لزومه
................ وفزعة رفيقن لا بغيته لقيته

نبيها كامله يالغالي لاهنت

تقديري واحترامي