21-12-2005, 12:13
|
#1 |
|
بقـايا حُلـم
|
فضائح المركز التخصصي الطبي بالرياض
مركز التخصصي الطبي التابع لشركة الراشد للتجارة في مدينة الرياض أثبتتت خدماتهم أنها تساوي أقل مستشفى في مصر وما يترتب عليه من رشاوي وتجاوزات برضى الإدارة نفسها دفع تكاليف العملية كامله مع الإقامة التي يحددها الدكتور المختص مقدماً مئة ريال حتى تؤمن سرير وحتىترافق مريض يحتاج العناية طلبات المطبخ كاش ولابد من الدفع مقدماً والأسعار مدبولة أربعة أضعاف لا يمكن السماح باعطاء الريمود كنترول لجهاز التلفزيون الاّ بتوقيع رسمي من المريض حين يتم التحويل للمستشفى من دكتور خاص لأجراء عملية , تجري عملية التحايل في عدم توفر غرف متوفره حتى يتم تزاحم المريض مع مريض آخر ويطلب مجبراً على توفير غرفة خاصة بأجر أعلى من المرتب له مع الدكتور المختص من خارج المستشفى وبرشوة أيضاً حتى يتم ترتيب أموره على مايجب أن تكون أوراق الخروج للمريض بعد أنتهاء الفتره التي حددها الطبيب .. لابد للمريض أن يأخذها بنفسها من دور آخر وإدارة أخرى , وليس كما المتعارف عليه في المستشفيات الراقيه أنسانياً وتعاملاً على المستوى الأخلاقي التي تستدعي وجود الممرضة لأعطاء العلاج الوقائي اللازم وأوراق الخروج .. بالأضافة إلى كرسي متحرك إذا حالة المريض تستدعي لأيصاله إلى السيارة وبعد هذه الفضائح التي تدل على المستوى المتردي لحاله من حالات المستشفيات الخاصة من المسئول هنا ؟ وكيف نردع مثل هذه التصرفات ؟ قبل ظهور الأنترنت كان المواطن يموت دون أن يسمع شكواه أحد أو على الأقل من يشاركه همومه ويقوم بدور (الطبطبه والتطمين ) سوى أحد الصحفيين الذي قد يكون واسطه عن طريق معرفة هذا أو ذاك ويقوم متفضلاً بنشر الشكوى الآن وبعد عصر الأنفتاح وسهولة التفاعل بيننا البعض عن طريق الأنترنت ماذا نستطيع أن نعمل أو نحرّك بعد أطلاق صرخة مثل هذه (((((((((يكفي الأستغلال وتعاملوا مع المرضى أنسانياً !!)))))))))))))) أرجوا المشاركة لنستطيع معاً حل هذه المشكله و التجاوزات جذريا في هذا المركز وغيره من المستشفيات الخاصة |
|
|
|
21-12-2005, 14:29
|
#2 |
|
الطــربة
|
رد : فضائح المركز التخصصي الطبي بالرياض
عنود...  ودي اكتب مثل ردي السابق بس اخاف ينحذف الموضوع ...  بس جد اذا فيه كلام من نظرتك الشخصيه غير اللي فوق اكتبيه بليز لانوه اللي بالموضوع مالاحظناه على المستشفى وبردي السابق قبل ينحذف وضحت لك ليش اقول كذا ..  بس امانه الا النادي الصحي بالمركز التخصصي لاتسبونه اشهر من نار على علم بالرياض.. ولا فيه شي غلط صدقيني وكل البنات عليه وخاصه ممارسة ايروبك ( سبور ت مع رقص ) فيه مشكله صغيره المواقف السيارات مافيه عكس المستشفيات الثانيه.. الله يعطيك العافيه عنود  |
|
|
|
|
22-12-2005, 18:27
|
#3 | ||
|
بقـايا حُلـم
|
رد : فضائح المركز التخصصي الطبي بالرياض
إقتباس:
عزيزتي نجود انحذف الموضوع بناء على طلبي في البدايه لأني أشفقت عليهم من رد الجازي :white: ثبت أنها متحامله عليهم أكثر مني مع انهم يستاهلون اكثر :white: أما الموضوع انا ماكتبته من فراغ وكل اللي ذكرته صار وحصل الأسبوع الماضي من أقارب لي جداً , وكلنا أستئنا من الوضع لهذا المستشفى وماخفي أعظم يانجود اما الدكاتره اللي يجون يعملون عمليات فقط يكون بينهم اتفاقيات بين المستشفى والدكاتره وبنسبه معينه من قيمة العملية يعني العملية تجاره في تجاره , دور المستشفى تأمين غرف العمليات ودور الدكتور تحسين دخله اكثر من المستشفى اللي يكون يشتغل فيه او عيادته الخاصه يعطيهم نسبه للتسهيل الدكاتره لا غبار على بعضهم امثال الدكتور الداعوق مثلاً وبعضهم ولكن المشكله في المعامله السيئة والنظرة المادية البحته اللي حتى سرير المرافق يمتنعون اعطاء سرير حتى يدفع مائة ريال مقدم وهذا من أبسط حقوق المريض , يعني تخيلي طفل يعمل عملية لوز مثلاً يمنع مرافقة والدته حتى تدفع مائة ريال على السرير ! صراحه منتهى الدناءة من مستشفى يفترض انه محترم , من يدفع مبلغ العمليه القرابة عشرة الآف ريال لن يضره دفع مائة ريال على سرير مرافق لكن ليه ؟؟؟ هذا من حق المريض ومرافقه لمتابعة حالته طوال الوقت مع العناية المخلصة اكثر من ممرضة القسم اللي تكون تشرف على عنبر كامل من المرضى إقتباس:
وحتى الأشتراك في الدايت للبيوت لابأس فيها مع ان تفوق عليهم مراكز افضل بكثير منهم ولكن هو أخذ سمعة لأنه هو أول من أنشهر فيها البلا في خدماتهم للمرضى اللي تشبه مقايضات السوق السوداء يعني مستوى واطي جدا في التعامل مع اناس راقيين اما المواقف مايهمهم اختي , يهمهم يملون الغرف مرضى وهذا هم الآن في صدد مشروع مبنى جديد ملاصق للمبنى القديم , لا تقولين ماشفتيه ؟ هذا اهم من أنك توقفين سيارتك :white: وش بيستفيدون من موقف سيارتك الا اذا كان بياخذون رسوم موقف ( باركنج ) كل ساعه بخمسة ريال :white: ويعطيك العافيه نجود نورتي الموضوع |
||
|
|
|
|
22-12-2005, 19:02
|
#4 |
|
رد : فضائح المركز التخصصي الطبي بالرياض
. عنود  جزاءٍ لك وردعاً لأمثالك ماراح أعيد كتابة الرد مرة ثانية  هنا في هذا المنتدى التعبير عن الرأي بكل حرية .. اللي صار انك طلبتي حذف الموضوع وليست إدارة المنتدى  <---- زعلانه جد تعبت في كتابة الرد الأول .. . اخر تعديل كان بواسطة » الجازي في يوم » 23-12-2005 عند الساعة » 01:15. |
|
|
|
|
22-12-2005, 22:45
|
#5 |
|
الطــربة
|
رد : فضائح المركز التخصصي الطبي بالرياض
هههههههههههههههههههههههه من جد عنود متحامله عليهم واجد..tsh7 انا عني يعجبوني احسه راقي جدا.. ونظام الدفع عندهم نظام انترناشونال .. بالخارج نفس الحكايه.. اذا انتي على شركات ..مثل سعودي اوجيه.. راح يكون على التأمين مافيه كل ذي المشاكل ..  بس يختي جد المواقف مافيه الا اللي عند العيادات من الخلف .. اما قدام البوابه الرئيسيه .. دايمن زحمه ..  واذا على شروط الورقه اللي توقعينها قبل العمليه.. تقدرين تكتبين الكلام اللي بس ترغبين توقعين عليه صح شروطهم مره تخوف بصراحه .. بس مرنين يرضون باي اقتراح من قبل المراجعين اتوقع سبب تحامل العالم عليهم .. بسبب رسوم الكشف الاولى وفتح الملف لانها مرتفعه.. وعادي ترا انا بثره بنشب هنا لين تقنعيني او اقنعك ..:white: |
|
|
|
|
23-12-2005, 23:47
|
#6 |
|
الثرمه المشرقه
|
رد : فضائح المركز التخصصي الطبي بالرياض
عنود موضوع رائع اغلب المستشفيات الخاصه هذا طبعها الا ماقل وانا شخصياً ماقد تعاملت مع هالمستشفى الامره وحده وتركته واتعامل مع مستشفى الحبيب لانه صراحه تووووب بكل شي واحس ان ماعنده تلاعب هذا احساسي وانتم بكيفكم برايفت لنجوووود عسى عمرها يطول عزيزتي نجود فيه فرق بين اللي على السرير الابيض واللي في النادي الصحي وفيه فرق بين اللي يدفع من جيبه واللي تدفع عنه شركة سعودي اوجيه تحياتي للكل اللي ادلت بدلوها في هالموضوع رفعة مجرد رأي |
|
|
|
|
24-12-2005, 15:53
|
#7 |
|
الطــربة
|
رد : فضائح المركز التخصصي الطبي بالرياض
عنود..( من بعد أذنك برد على الأخت رفعه ) مافهمت بضبط وش قصدك بالفرق اللي على السرير الابيض واللي بالنادي الصحي الحمد لله.. الرياض مدينه فيها مستشفيات حكوميه متطوره وممتازه.. للي تلمحين له يعني مافيه حاجه ماسه .. لمركز التخصصي الطبي ..( ومعروف انوه للرفاهيه الزايده) ومستشفى دكتور سليمان الحبيب لاغبار عليه.. ومجهز بأحدث الأجهزه خاصه الدور السابع واغلب دكاترته من مستشفى الجامع..وكان عندهم الدكتور الاصقه استشاري بالباطنيه.. لكن تركهم.. و لمعلوماتك .. الأستشاريين عندهم للانف والحنجره.. مايقارنون بكفائة.. البرفسور الداعوق في المركز التخصصي الطبي ..حتى من دول الخليج يراجعون عنده... عل عموم هي وجهات نظر ... كلن ( ينام على جنب اللي يريحه ) |
|
|
|
|
25-12-2005, 14:51
|
#8 | |
|
الثرمه المشرقه
|
رد : فضائح المركز التخصصي الطبي بالرياض
إقتباس:
واذا كان يانجود انك تشوفين هالمركز انه للرفاهيه الزائده على قولتك فانا اشوف انه مستشفى اقل من عادي يعني لاتغرتس التفاحه اللي على بابه ومخنوقه بمتر وبعدين انا ماتكلمت عن الداعوق بالعكس هو اللي مسوي لها المركز سمعه انا اشرت للي تشير له عنود من ناحية الاستغلال المادي البحت وسوء المعامله بس |
|
|
|
|
|
25-12-2005, 15:49
|
#9 |
|
الطــربة
|
رد : فضائح المركز التخصصي الطبي بالرياض
8 8 8 شفتي انك بس جايه عشان تعاندين نجود .. اولاً النادي الصحي .. مهب بس تخسيس الوزن .. بالعكس المحافظه وممارسة الرياضه هي الاساس.. بتجنب كثير من الامراض.. ولما اقصد بالرفاهيه الزايده.. اقصد جميع المرضى بجميع الاقسام وقبل ماتغالطيني ... شوفي نسبة المراجعين باي قسم ... وتفهمين قصدي .. واذا على التفاحه الخضراء ... ماخدعتني انا عشانه فيه مدربه هناك كل صحباتي يحبنها ( ومعلومه بسيطه اشتراك النادي اقل من نادي سلمان ومستشفى الحمادي .. ) |
|
|
|
|
25-12-2005, 16:03
|
#10 | |
|
الثرمه المشرقه
|
رد : فضائح المركز التخصصي الطبي بالرياض
إقتباس:
 كلامنا مو عن النادي الصحي كلامنا عن معاملة المستشفى فقط اللي اجزم انك يانجود ماتعاملتي الا مع القسم اللي على يسار بعد ماتدخلين حسب ظني  ارجع واكرر انك دخلتي انتي على موضوع عنود عرض البنت تتكلم عن استغلاليتهم وجشعهم وانتي تتكلمين عن جزئيات مثل الداعوق والنادي الصحي ومن ناحية اشتراكات الانديه الصحيه مدري عنهن لاني رشيقه ولله الحمد |
|
|
|
|
|
25-12-2005, 16:18
|
#11 |
|
الطــربة
|
رد : فضائح المركز التخصصي الطبي بالرياض
8 8 8 طيب يارشيقه.. عاد انا تختوخه وجايزن لي وضعي ..  واذا انا اتكلم بس عن الداعوق والنادي الصحي.. ..انتي هاتي بالمقابل اشياء نرتكز عليها من كلامكمهب بس اثارت عجه من لاشي.. واذا بتجلسين تكررين كلام عنود كنك ببغاء.. اسمحيلي وش جايبك تناقشين اجل ..(< تداعب رفعه ..:white: ) |
|
|
|
|
25-12-2005, 16:40
|
#12 | |
|
الثرمه المشرقه
|
رد : فضائح المركز التخصصي الطبي بالرياض
إقتباس:
كلام عنود عندي بمثابة الصك الشرعي ولاغبار عليه لاني اثق بماكتبت ولا امانع ان اكون ببغاء اردد كلام انسان عرف بمصداقيته بغض النظر عن كلامي اللي ودك ترتكزين عليه واثارة العجه اللي تقصدينها يا اختي العزيزه انا ماتلقفت وخلطت بين الامور وارجعي لكتابة عنود عشان تعرفين معانتهم وارجعي لكتابتك عشان تشوفين وش كتبتي الله يهداتس انتي يانجود تمدحين هالمركز والمشكله انك متعامله مع النادي الصحي فقط نجود اللي يتعامل بالكاش ترى مو مثل اللي يتعامل بنظام التأمين<---سبق وان اشرت اليها سابقاً تحياتي |
|
|
|
|
|
26-12-2005, 03:17
|
#13 | |
|
شـــاعرة
|
رد : فضائح المركز التخصصي الطبي بالرياض
إقتباس:
عنود ياشيخه صح لسانك  وصح لسان رفعه بعد لي عودة اقول اللي عندي طفح الكيل منهم |
|
|
|
|
|
26-12-2005, 08:07
|
#14 | |
|
الطــربة
|
رد : فضائح المركز التخصصي الطبي بالرياض
إقتباس:
يعني تعيدين بذي الاسطوانه رفعه ... طيب جربي تعكسين الاسطوانه مثل حركتات الدي جيه .. << تلطف الجو تحس العالم بيذبحونها ..  نقطه بس حابه اوضحها لك رفعه.. اختلافي بوجة نظر مع عنود .. مايعني تشكيكي بمصداقية طرح موضوعها هي مقاييس تختلف من شخص لاآخر وياعزيزتي انتي .. منتيب فاهمه بضبط وين نقطة نقاشي... عموماً ماعلينا انا من البدايه .. وحتى يوم طلبت من عنود ترجع موضوعها.. كنت متحمسه فعلا لكن الان.. اقتنعت انوه محيطي او مجتمعي ماعنده مشكله يتعامل مع مركز مثل مركز التخصصي الطبي بينما محيط اشخاص اخرين يرفض رفض تام التعامل معهم.. هي العمليه اسمك اسمك دافعه دافعه .. سوى قبل العمليه او بعدها.. المهم العنايه الطبي ..  وهنا اعلن انسحابي .. واتمنى لكن التوفيق بالنقاش... |
|
|
|
|
|
23-05-2006, 20:16
|
#15 |
|
عضو شعبيات
|
رد : فضائح المركز التخصصي الطبي بالرياض
بلعكس مستشفى راقي جدا تقولون ليش اقولكم ... أنا الخميس الماضي 18 /5/ 2006مسوي عملية فيه... أنا ماشفت شي عن اللي تقولون ,,,,,,,,مستشفى محترم وكذلك راقي |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
| أدوات الموضوع | |
|
|
|
|
