15-07-2002, 13:20
|
#1 |
|
شـــاعــر
|
قراءة في نصوص خالد التميمي
خالد التميمي نجم شعبيات ... ولو أن غيابه المتكرر .. يقتل فاعلية قصائده .. من خلا ثلاث نصوص فقط لا غير .. استطاع خالد التميمي أثبات وجوده .. ولو كان من نص واحد لكان فعل .. ثلاث قصائد كانت بمقام ثلاثة دواوين .. فكل قصيدة تعتبر شيء من ضرب الخيال .. هذا الشاعر يا شعبيات يجب أن يكرم تكريم يليق بمقام نجم حقيقي عندنا .. شاعر الحلم خالد التميمي أتى الينا في بداية انضمامه الى شعبيات بقصيدة دمح الخطايا .. وكان التميز واضح والشاعر المبدع واضح . والتمكن وكل مقومات الشاعر الحقيقي واضحة بهذه المشاركة تفاعلنا معها ولكن لم ننصفه بالردود الشافية . ما عدى أبو نوت هو الذي رد الرد الشافي . وكانت كلمات هذه المشاركه كحبات المطر ,, وكأنك تتخيل خالد التميمي طائر يغرد وليس شاعر ينشد . فقد غرّد خالد التميمي وقال ::::: دمح الخطــايــا من قرا كف الزمان ومن كشف ستر الخفايا ومن لمح ذاك الغموض في الليالي السرمديّه الجروح ان ماتداوت اصبحت وسم وشظايا والخطايا ان تخاوت .. كلٍ صد عن خويّه والهموم اللي تمادت وش دواها وش جدايا ماطلبت الا التفدي وماخذيت الا العطيّه والخفوق اللي تخير عندلٍ بين الصبايا كم نهرته وكم نزرته عن كلام العاذليّه ماسمعني لو جرا له من سواة الحب سوايا استباح الحب كله وانـتـشا بي عروق حيّه ما بدا له غير عذقه لو سقاني من الظمايا ولا طرا له غير عشقه لو خذاني له ضحيّه جادلٍ لا سـل رمشه لاح لي نـاب المنايا ان لمحني جيت كلي فدوة ذيك العنجهيّه وان تـلالا عقـدٍ أبيض بين لولو الثنايا اضحكت لي كنوز بابل زمرديّه زمرديّه وان نثر شلال شَعره جدّل الليل بسمايا غاب فكر وشاب شِعر وطاب سهر السامريّه ولو لقى الرسام فنه في حدودك يالشفايا مالقى الفنان رسمه بالعيون النرجسيّه يوم جتني تشتكيني من هواها في هوايا البستني ثوب تهمه مـاتبريها الخطيّه عاتبتني في خيـالٍ تستخيله بالمرايا همهمت لي وعلمتني كيف معنى الهمهميّه ذكّرتني بالطفوله والبطوله والحكايا وصرت قيسٍ ينتخي به حب ليلى العامريّه لاتبارك يومٍ اسود جاب لك دمع وشكايا ولاتبارك قلبٍ اجرد مايقدم لك حميّه سلم جدي وسلم جدك سلمنا دمح الخطايا من يقول ان الخطيه فوق حلم الاجوديّه؟ شاعرك لو غاب مره مانسى عشق البرايا كيف تنساه البريّه وانتي عشق الشاعريّه والطيوف اللي تباري جيتك لي بالزوايا شح وقتي اتخيّر ... بين ذيك وبين ذيّه ياوجودي خذ عيوني خذ شجوني لك فدايا وكان عرق الشوق ماجاء انا راضي بالجزيّه قال ودي بالخفوق وقلت ابشر بالحنايا قال خايف لو تموت قلت (احبك) الوصيّه ايه احبك ولو بقى للعذر في قلبي بقايا قلت احبك والله احبك ولشموخ الحب بقيّه استخارت واستجابت وانقشت فوق الهدايا بيت شعرٍ قد قريته من قصيد الجاهليّه كفٍ محنّا وتعنّا ان عطى جزل العطايا مد كفك لاعدمتك .. يابخت والله يديّه ياعذولي وش صفالك غير تدنيس النوايا العقارب والحيايا ماتجيب الا الأذيّه ياعذولي كف عذلك ماتحرا لك وشايا لو شربت الحب علـقـم ماعليّه ماعليّه ياعذولي ليت عذلك يردعه حكم القضايا لو يحكم الفين قاضي ماتسامح بالقضيّه!؟ وأثبت بعد هذا النص بأنه جدير بأن يتُابع كل حرف من حروفه , . ومن ثم غاب هذا المغرد وكأنه يتعمّد ذلك ولم يتفاعل مع الآخرين ونحن هنا لا نحمله المسؤلية , ولكن نحمّله العتاب لا غير ,, ثم عاد خالد التميمي الينا بمفاجئة أحبطت الكثير.. ومنهم أنا. عاد بقصيدة رسم الكلام بعد قرابة الشهر وهنا أثبت لنا بأنه حريص على الظهور المشرف وبخطوات ثابته وموزونة بعكس الكثيرين . وعاد ليغرد من جديد بصوته الشجّي . ليقول::::: رسم الكلام ياهقاوي مات سلمك كم غدالك كم بقالك .............. يوم طرق العرق نازف سمّ عرقٍ مايصدي ان رضيت الهم قلته وان ماقلته قام وقالك .............. يلمح فـ عينك جليسك هاجس يجيب ويودي والمجامل كذبه بيضاء دونها شيٍ طرالك ................. والصدوق من النوايا ياعسا علمه يهدي والزمان اللي رماني في يدين الوقت هالك .............. ماسقاني من قراحه لو سقيته عذب شهدي يازماني كان باقي في حشاي طعون فالك ................... لاتلوم الوقت كانه انجرح سيفه بحدي لا حشا ماقلتها لك لاجل خايف من سؤالك .................... لكن اللي ماهقيته بيّح فـ مكنون سدي وادري اني لو شكيتك فزّ غيري واشتكالك ................. كن حظي بيد شارد عايشٍ ايامه ضدي ولو هو جاء شرقك لغربك مع جنوبك وشمالك .............. والله انك ماتساوي دمعةٍ شابت في خدي وانت ياللي تحتريني مسهرٍ نجمة خيالك .................... لاينام الليل دامه مسهرٍ جزري ومدي كفّ دمعك عن عيونك ليه عزيز الدمع سالك .................... مابقى للكحل دمعه تنتخي بلمس يدي وخذ مكانك في ظلوعي هاذي نارك ذي دلالك .................... كل عرقٍ بالحنايا واسمك بدمه يندي وان خذيت العمر كله من يردك عن حلالك ؟ ................ دامني حي ٍ واحبك فابشر بعمري تفدي الله اللي ساقني لك اتفيّا في ظلالك ................. ولا غيرك كم تمنّا يرتشف فنجال ودي والعذول اللي يخايل بارقه يحجب هلالك .............. تدري انه ماهو قدّك وادري انه ماهو قدي مره عيني ترتويني وتنقش فـ قلبي جمالك ............ ومره قلبي يرتوي بك ويعلن لعيني التحدي جيت تمشي فوق رمشي واشهد ان الرمش شالك ........واللي شفته تحت رمشي هذا طيفك ماهو سهدي جيت صوره في عيوني وليت هاللي جاني جالك ................ كان شفت شلون عاشق عيّا ليله لايعدي كنت اجهل قبل اعرفك وشهو مغزا (كيف حالك؟) ......... ومن عرفتك صرت اجهل كل جرحٍ مستجدي واذكر انك كنت تضحك لا تغلّيت بوصالك ......... ماخذيت حساب صدّك ولا خذيت حساب صدي كنت ترسم من كلامي كن رسمي ماحكالك ........ وكان همس الحب حاير في رجا صمتك وردي لين طاحت في يديني وردةٍ تشكي همالك ............... واكتبت للمزن قصه ماقراها غير رعدي ولو فيافي روض نجدٍ غرّها نرجس وشالك ............ ماتخيّر غير شمّك واشهدي بوعدي يانجدي ولاتقول اني وفيتك يوم جزل الشعر طالك ................ العشم في قلبي اللي وافيٍ من عهد جدي وهنا أثبت بأنه داهية شعرية مستحيلة الحل .. وهنا عرفنا لماذا لم ننصفه في ردودنا , فالسبب يعود الى عجزنا عن الرد على مثل هذا الجمال .. فهو لم يحبطنا شعرياً فقط ولكن أحبطنا لغوياً أيضاً. وصار لخالد التميمي مكانة كبيرة عند الكثيرين وصار من ضمن المعدودين في شعبيات .. وتوقفت شعبيات .. وتوقف الأغلبية ولم نعرف عن هذا الشاعر شيئاً وقتها .. لتعود شعبيات بعد ذلك ولكن خالد التميمي لم يعد كما كان عليه . عاد فقط في ردوده على مشاركاته . والدليل على ذكرنا له .. أنني بعد التوقف والعودة أسرعت الى نص قصيدة دمح الخطايا وأعتذرت عن الرد بأني لم أجد شيئاً أرد به . والعكس صحيح بأنني محبط في مسألة الرد .. ولم أعرف ماذا أكتب .. وعاد المغرد من جديد ومعه أحرف من ذهب وسلسلة ذهبية طوقنا بها .. عاد ومعه الجليلة .. التي وما زالت من أفضل الموجود من مده طويلة وستظل من أفضل ما كتب في شعبيات هي ودمح الخطايا ورسم الكلام . وغرد هذا المغرد بصوته الشجي من جديد .. وأورقت الاشجار وعادت الخضرة الى ما كانت عليه .. لتتفتح الزهور . وينزل بعدها المطر وليس قبلها .... لنسمع تغريده هنا وهو يقول ::::: الجـــــلــيـــــلـه 00 يوم فلّ الليل "شاله" واخجلت شمس iiالزوالي لاح "زيزوم القصايد" للعيون iiالمستخيله!؟ هو سنا برق القوافي؟ ولاّ غصن الوّجد مالي؟ ولا نود ٍ ماتحمّل بالحشا مزموم iiسيله؟ ذعذعت لي من خميله وانهمر شوقي همالي مابقى بي شوق ٍ الاّ وذعذعت لي من iiخميله بارك الله في هجوسي يوم سجّت عند iiغالي ذكّرتني بالفيافي يوم تغشاها المخيله اتجمّل في وصاله 00 ويتجمّل في iiوصالي جمّل الله حال منهو عادته رد iiالجميله واتذكّر يوم جاني وقعّد القمرا iiقبالي كل نجم ٍ "رهن عينه" يرتميله iiيرتجيله دقّ باب القلب وغنّا يامعنّا وش iiصفالي؟ رد صوت ٍ بالحنايا 00 "يايجيني أو iiأجيله"!؟ قلت اقلط ..!؟ مرحبا بك عدّ ماهبّ iiالشمالي خذ دفاك من الضلوع وطيّب عروق ٍ iiعليله شبّ نار الشوق فيني وقنّن الحب ف iiدلالي ومدّ فنجال المشاعر طاب لي مشموم iiهيله سمّ واقدع من قصيدي وان طرا شفّ iiالزلالي اسقني نبع القراح اللي يباري iiسلسبيله قال صبرك يامعنّا والصبر فوق iiاحتمالي من عرف جمر الوقايد ماجهل حرّ iiالمليله مايقص "تفاحة الحب" غير منقود iiالجدالي ومايضيّق "منسم الصبح" الاّ من يبخل ف ليله الكلام الزين يرخي كل مشدود iiالحبالي والتوّجد والتوّدد ديدن القلب وعديله قلت اسافر في عيونه دام قلبه iiاشتكالي مادريت الاّ وقلبي بين يدينه يشتكيله!!؟ دخل رمش ٍ "لاتبرّا" اطرق لعينه iiظلالي منهو علّم سحر عينه يحرم الفيّه iiدخيله؟؟ يجرح "بسيف اللواحظ" من يقول القلب iiخالي ويسكنه جال المنايا قبل يرثا له iiويشيله وكان نور الصبح يفهق سود شرطان iiالليالي والله انّه شوف عيني ينسع الليل iiبجديله طحت في غبّ الهجوس ولاح لي مقسوم iiفالي ماوعيت الا وانا اقصد في مضاليل ٍ iiكحيله لاتبالي لاتبالي 00 ياحبيبي iiلاتبالي جيت كلي عاني ٍ لك والهوى خل iiوخليله من تجمّل بي عطيته ماذخرته لي iiلحالي القليله بالقليله 00 والجزيله iiبالجزيله والله اني من رجال ٍ قدّروا روس المعالي طيّبوا بيض السجايا والبسوا "بشت iiالفضيله" اتعلّم علم عمي واتخاوا وانخا iiخالي وان طرا للقلب طاري ماعشق غير iiالاصيله ادري ان الحب "حي" وذوّب قلوب iiالرجالي وادري ان الشعر "نشمي" مايبي غيرك iiحليله وكان قاف الشعر سلّى منهو بالمعلاق iiسالي جبت من دمع المحاجر نوض قيفان ٍ iiطويله قال يكفي يامعنّا يابعد حييّ iiوحالي والعزا ان قيل عاشق مابقي بيديه iiحيله واذكر انها يوم قفّت قالت 00 القمرا iiبدالي!؟ وخلني بين المحاني ارسم طيور iiالمخيله قلت خلك مثل ليلى وابشري بقلب iiالهلالي قالت خلك مثل وايل وابشر بحب الجليله 00!!؟ ويوم فلّ الليل "شاله" واخجلت شمس iiالزوالي لاح "وجهك" ياحبيبي للعيون المستخيله ويقف عن التغريد ولا نعرف الى متى هذا التوقف وهل سيطول كالمرات السابقة أم سيعود هذا المغرّد , يغرّد من جديد على أغصان قلوبنا مثل هذه الألحان بين فترة وأخرى .. حتى ذلك الوقت نحنا هنا !! خالد .... نثرت هذا العقد الفريد .. فالعذر منك .. أخوكم / عبدالله مرّان |
|
|
|
15-07-2002, 21:53
|
#2 |
|
عاشقة شعبيات
|
.. .... كفيت ووفيت ياأخوي عبد الله ... .... انا اشهد انك مازليت في كلامك ولا أخطيت .. ..... وحقاً ... ابدعت في تحليلك .. ... واجدت في منطقك ... .... عبد الله .... لا فض فوك .... ... وتقبل تحياتي .... ... اختك .. سرااااب الليل ... |
|
|
|
|
16-07-2002, 04:40
|
#3 |
|
شـــاعــر
|
مستحيل - مو معقول - لا يمكن - ابداً - سرووووبه تكتب بدون دواوير
هلا سراب الله يطوّل يعمرك يا سراب شكراً على مرورك يسعدني تواجد هنا ويفرحني ردك شكراً لك من كل الاعماق سراب..... تعالي تحت .... ...... تحت بعد للحين تحت وين الدواووووووووووووووووووووير << تخيليها بصوت عالي . |
|
|
|
|
16-07-2002, 18:56
|
#4 |
|
عضو شعبيات
|
عمو ماكني قريت ردك على سروبه في صفحه ثانيه
ما شاء الله عليك يا أستاذ خالد التميمي روعه وابداع والمجامل كذبه بيضاء دونها شيٍ طرالك ................. والصدوق من النوايا ياعسا علمه يهدي والزمان اللي رماني في يدين الوقت هالك .............. ماسقاني من قراحه لو سقيته عذب شهدي يازماني كان باقي في حشاي طعون فالك ................... لاتلوم الوقت كانه انجرح سيفه بحدي بيض الله وجهك يا عمي على ها الختيار الموفق والموضوع والطرح الرائع حقاً ما قصرت والله ولا يزعلك سوالف بنتاخيك تراني عند يمينك ياعمي بنت اخوك.. رهف  |
|
|
|
|
17-07-2002, 14:48
|
#5 |
|
عضو شعبيات
|
من هو المبدع
اخوي العزيز عبد الله مران يوم جتني تشتكيني من هواها في هوايا البستني ثوب تهمه مـاتبريها الخطيّه والمجامل كذبه بيضاء دونها شيٍ طرالك ................. والصدوق من النوايا ياعسا علمه يهدي خالد التميمي ابدع في الشعر وانت ابدعت في التقديم والإختيار يعني طلع الموضوع ابداع في ابداع تسلم يمينك لا عدمناك لالالالالالالالالالالالالا للدواوير ومغغغغغغغغغغغغغط الصفحه تسلم يمينك لا عدمناك مره اخرى |
|
|
|
|
22-07-2002, 06:18
|
#6 |
|
شـــاعــر
|
هلا رهف الله يسلمك , وطوك عمرك شكراً لمرورك هنا ,, وتسلمين أخوك / عبدالله مرّان |
|
|
|
|
22-07-2002, 06:20
|
#7 |
|
شـــاعــر
|
هيبين شكراً على مرورك يالغالي ولا خلا ولا عدم ,,,, والله يسلمك طال عمرك ,,,, لالالالالالالالالالالالالا للدواوير ومغغغغغغغغغغغغغط الصفحه أخوك / عبدالله مرّان |
|
|
|
|
29-07-2002, 14:28
|
#8 |
|
شـاعـر
|
السلام عليكم .. شكراً للجميع هنا .. قبل حضوري .. حضر الجميع قبل حضور الجميع .. حضر عبدالله مران قبل حضور عبدالله مران .. حضر الوفاء عبدالله .. علّقت على موضوعك هناك .. واردت ان اشكر لك وفاءك هنا فشكراً لك هنا وهناك ! اخوك ,,, خالد التميمي |
|
|
|
|
02-08-2002, 21:58
|
#9 |
|
شـــاعــر
|
أخوي خالد التميمي شاكر لمرورك هنا أو هناك ولو أني لم أضع هذا الموضوع لتمر عليه ولكن مرورك عطر في كل الأحوال تقبل تحياتي ,,,,,,,,,, أخوك / عبدالله مرّان |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
