[متعب الخامسي]

الله الله استلم والمعذرة على التأخير


انت ذيبن فالجبل كسرت نيابه
................... وصاحبك من زل فالميدان حاسه

الحرامي لو يبخشش لنيابه
.................... مارضو تبديل الالماس بنحاسه

[متعب الخامسي]

حبيب ئلبي يزيد الله لايهينك وانتبه للصف وبلغ الشباب اللي معك يطقمون بزي موحد فالصف

الله يحييك ولاهنت

....
الغالي نايف سعود لاهنت ومتابعتك تسعدنا انت الكبير والكبير الله وخلك في صفي دعما للمواهب الشابه

...

مشرفتنا عنود يعني انتي ونورة وذيبان علي
الله يحييك ياخيه ومتابعتك تسعدنا والغياب ماهوب بالكيف

...

الحبيب الئريب حسن المسفر شكرا على متابعتك خلك جنب يزيد وانتبه لرجله
الله يحييك يالغالي

..

[الجازي]

متابعة للضغط العالي اللي جرى لمتعب
انا في صف متعب خليتوه لحاله وانا معه
بشرط يامتعب ماعاد تغيب <= مالها آمان
صح لسان فهد ومتعب ومتابعة بأهتمام ..

[تركي]

صح السنتكم
والله ان فهد غالي بس صديقي متعب مايهون خخخخخخخخخخ
انا في صف متعب
بس بناخذ عليك تعهد انك تضبط جدولك اليومي على شعبيات
لا هنتوا

[متعب الخامسي]

الجازي الله لا يهينك ويعطيك العافيه تواجدك يكفيني وعن المشرفين الاشرار يغنيني
وابشري ان شاء الله بخصوص الغياب ومتابعتك تسعدنا
......
راكان لاهنت ياصديقي ووقوفك في صفي يسعدني لاعدمتك
انا على شعبيات ضابط جدولي اليومي بس يومي عيا ينضبط لجدولي

يعطيكم العافيه

[فهد اليامي]

المعذره يامتعب على التاخير

واستلم الله لا يهينك

الزمن صقره تساوّى مع غرابه=وانت شبه احصان ماينفع رفاسه
والله ان كلمتّك مافيها غرابه=شرهه المجنون مانعطيه فاسه

[فهد اليامي]

الجازي

مرحبا مره ثانيه

ومشكوره على المتابعه

وتقبلي خالص تحياتي

=============

راكان الشعلان

صح بدنك
وصفي وصف متعب واحد

ومشكور على المتابعه والحضور

وتقبل خالص تقديري واحترامي

[متعب الخامسي]

استلم وشاب المعنى مدري القاف


ياشبيه الذيب ياطير الخرابه ..!
.................. لا تحسب الملعبه شتم وخساسه

خبط مويترك ورويسك خرابه
................ مير سقها والبَني مشروخ ساسه

[فهد اليامي]

متعب بيض الله وجهك

وصح لسانك

والحقيقه انها من اروع المحاورات اللي لعبتها في حياتي

وانشاء الله انتقابل في محاوره قادمه

وتقبل خالص تحياتي