05-10-2005, 08:05
|
#1 |
|
وريث الرمل / شــاعــر وأديب
|
يا شاعرة ....!!
 ياشاعرة حرف وشعرْ وش هو العمر عجز وصدرْ يبكي فصوت بدايته .. وفآخره ياشاعرةْ قومي اكتبي .. قومي اسمعيني ..والعبي بين الحروفْ طفله بريئة حائرة دمعة حزينة غائرة .. لكن وربي شفتها في ثوبها الليلة عروس صارت بعيني شاعرةْ يا شاعرة .. عدا النهارْ جانا المسا وانتي على آخر مدارْ لا نامت عيونك ولا قلبك نسى يا شاعرةْ كل الحروف اللي اكتبتني من سنين فيها حنينْ لعيونك الليلة تجي هيا اخرجي من صوتك العذب الحزينْ قومي معي .. نامي على سور الهوى ثم اسمعي حكاية الصوت الشجي وقضية القلب الخلي روحي بحرفك وابعدي .. ثم اقبلي ودي بطفلة ثائرة صارت بليلة شاعرة بضمها وأقلها سر الحروفْ يوم أمطرت غيمة طيوف يوم أزهرت .....حلمٍ ....وخوف لهفة وفرحة طائرة ياشاعرةْ *** يا شاعرة ..مدري متى صيف الشتا كل العمر لحظة شعر يا شاعرة مدري متى قلبك على قلبي يحن والليل في صوتي يجن وأكتب شعرْ .. أنسخ عمر عجز وصدرْ وأقول .. صارت شاعرة بالحرف .. والكلمة حروف بالحب .. واللحظة طيوف صرت النهارْ اللي يمرْ صرت المساء كله سهرْ برد ودفا شوق ووفا لحظة غريبة صايرةْ تنبت بعين الشاعرةْ ياشاعرةْ **** اليوم ميلاد الحنانْ مدري حقيقة أو وهمْ مقدر .. أصدق للزمان مرة جعل مني وفي ومرة جعلني مختفي بالله قولي واحتفي تنفسيني واعرفي وش اللي في ؟!! .. آنا هنا أكبر طموحي الانتظارْ لا صحيت عيون النهارْ نامي على حلمي الكبير بسمة هنا واصحي على صوتي الضرير اللي يدلك من أنا ياشاااااااااااعرة ..!! كل الحروف مسافرة .. من همسة شفاهك بها ..للذاكرة ...!! ---------------- توقيع : يا راضية بالظل هذا زمانك ............................. الشمس شمسك والمدى كله بلاد مهما توارى عن حناني حنانك ............................. يفضحك قلبك لا تدللت ينقاد الله لو مرة يخونك لسانك ............................. يكشفلي إحساسك على غير ميعاد لجعل مكاني في عيوني مكانك ................................ وأقول من يقوى على بعد الأوداد |
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
