19-08-2004, 12:35
|
#1 |
|
عضو شعبيات
|
قصيدة الشاعر المفرج في ((ريـــــــــوف))
أعزائي أعضاء وزوار منتدى شعبيات ...... لا أخفيكم هذا أول موضوع أطرحه وأتمنى أن يكون له صدى طيب ويحقق الغايه المنشوده ، وانشاء الله تعجبكم القصيده وماتحويه من أهداف ومشاعر ساميه .. يا ريوف ياعلك بحالي تروفين لاقل شوفي وانحنت بي عصـــايه يميـــن من نـزل تبارك ويّــــس انك قمر عمري وكوكب فضايـــــه أدراك بالخاطر وأعاملك باللين وأرجي عسى الله مايخيب رجايه احب من حبك واعادي المعادين وادعي لك الله بالســـتر والهدايه فقدتك البارح وجريت صوتين هذي وهي ليله وعـــند أنسبايه كله غلا ياويلي اثر الغلا شين الله وســــاله لايبيــن غــــــلايـه من حبها حبيت كل الصغيرين صـــارت محبتهم بقلبي هوايــــه عودتك الممشى على شان تمشين اشد بالثنتين واقصـــــــر خطايه وليا بكيتي قمت اهلل وتصغين واحيان اغني لك وارددغنــــايه يضيق صدري لاسمعتك تونين واجـــر صوتي من خـلايب خلايه وان جيت ابقفي عنك لديت بالعين الــدرب قدامي واطــالع ورايــه رد الوفا ياريوف ماابيه هالحين ابيــه الى دارت عليــه رحــــايه أبيه لا منه غدى الليل ليلين لا أشتــدت الأيام وأظلم سمـايه وأبيه لا عزوك في المعزين تدعيــن رب البيت يغـفر خطــايه إليا كتب ربي فراق المحبين ثم ادفنوني لابتــي وأصدقــايه توك صغيرة سن مانتيب تدرين والعــالم الله وش تكــون النهايه اما التفتي لي وزين على زين والا رميتينــي بــدار الرعـــــايه   هذي القصيدة كتبها الشاعر فهد المفرج في ابنته ريوف التي تبلغ من العمر سنتين ونصف يعبر فيها عن مشاعر الأبوه وحقوقه وواجباته عليها التي غفل عنها الجميع... نعتذر على الإطاله ..متمنين أن يكون الإختيار لائق بالجميع!!!!!!!!!! |
|
|
|
19-08-2004, 13:08
|
#2 |
|
شـــاعــر
|
رد : قصيدة الشاعر المفرج في ((ريـــــــــوف))
من حبها حبيت كل الصغيرين ....................صـــارت محبتهم بقلبي هوايــــه عودتك الممشى على شان تمشين ....................اشد بالثنتين واقصـــــــر خطايه وليا بكيتي قمت اهلل وتصغين ....................واحيان اغني لك وارددغنــــايه يضيق صدري لاسمعتك تونين ....................واجـــر صوتي من خـلايب خلايه .. .. .. مشاعر صادقه حسينا بها جميعا ً ونحن نحبك يا ريوف ونحب كل الاطفال يعلم اني احب الاطفال بجنون شاكر لك --- ليله غرووب --- مرزوق بن فيحان |
|
|
|
|
19-08-2004, 18:36
|
#3 |
|
عضو شعبيات
|
رد : قصيدة الشاعر المفرج في ((ريـــــــــوف))
توك صغيرة سن مانتيب تدرين والعــالم الله وش تكــون النهايه اما التفتي لي وزين على زين والا رميتينــي بــدار الرعـــــايه ياسلام عليك يــ ليلة غرووب اختيار وقصيده وبدايه رائعه جدا صح الله لسانك ولسان الشاعر : فهد المفرج ولاهنتي ومرحبا بك مليون في الخيمه وشعبيات كافة وننتظرك مشاركتك الرائعه تقبلي سلامي الخويطري |
|
|
|
|
24-08-2004, 15:48
|
#4 |
|
شــاعـر
|
رد : قصيدة الشاعر المفرج في ((ريـــــــــوف))
ليلة غروب هلا والله والله محييك والله اختيار رايع وذوق جميل لله در الشاعر فهد وعساك على القوه اخوك نمر العتيبي |
|
|
|
|
04-09-2004, 04:07
|
#5 |
|
شــاعــر
|
رد : قصيدة الشاعر المفرج في ((ريـــــــــوف))
اما التفتي لي وزين على زين ...........والا رميتينــي بــدار الرعـــــايه اولا الله يعطيه طوله العمر ويشوف اخوانها وخواتها وعيالهم وبنت الرجال ماتسويها قصيده رااائعه من شاعرنا فهد صح لسااانه غلا ياويلي اثر الغلا شين .........الله وســــاله لايبيــن غــــــلايـه من حبها حبيت كل الصغيرين .......صـــارت محبتهم بقلبي هوايــــه الله الله ليله غروب.. سلمت على هالموضوع وبانتظار بقيه مشاركاتك دمت |
|
|
|
|
12-09-2004, 06:39
|
#6 |
|
عضو شعبيات
|
رد : قصيدة الشاعر المفرج في ((ريـــــــــوف))
مشكوره يا ليلة غروب وجعلك سالمه على القصيده الطيبه وصح لسانك ولسانه ولاعدمناك تقبلي سلاااااامي |
|
|
|
|
03-11-2004, 22:40
|
#7 |
|
عضو شعبيات
|
رد : قصيدة الشاعر المفرج في ((ريـــــــــوف))
يعطيكم العافية وعساكم على القوه .... مروركم زادني شرف |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
