من خير الكلام


آخر 10 مشاركات
هلا بالجميع (الكاتـب : دغيفل - - الوقت: 20:59 - التاريخ: 14-11-2023)           »          اصعب سؤال (الكاتـب : علي التركي - - الوقت: 14:50 - التاريخ: 26-06-2020)           »          وريثة الغيم (الكاتـب : علي التركي - - الوقت: 10:37 - التاريخ: 21-03-2020)           »          الظِل.......! (الكاتـب : كريم العفيدلي - - الوقت: 23:00 - التاريخ: 26-01-2020)           »          آفـآ وآلله يـآمـجـرآك (الكاتـب : ناعم العنزي - - الوقت: 10:12 - التاريخ: 23-01-2020)           »          ثـقـوب (الكاتـب : عائشة الثبيتي - - الوقت: 10:25 - التاريخ: 17-12-2019)           »          ~{عجباً لك تدللني}~ (الكاتـب : شيخه المرضي - - الوقت: 23:39 - التاريخ: 26-11-2019)           »          تاهت خطاويه (الكاتـب : حمود الصهيبي - - الوقت: 08:55 - التاريخ: 14-11-2019)           »          خزامك وشيحك (الكاتـب : حمود الصهيبي - - الوقت: 22:43 - التاريخ: 08-11-2019)           »          موسم الصمان (الكاتـب : حمود الصهيبي - - الوقت: 14:58 - التاريخ: 08-11-2019)


 
العودة   شعبيات > > الديوانية > شخصيات
تحديث هذه الصفحة تكفا ترى تكفا تهز الرجاجيل ...كامله ولاول مره...لمحمد الدحيمي
 
إضافة رد
 
أدوات الموضوع
قديم 31-07-2007, 23:08   #1
عادل آل زارع
مسامح / شــاعر
 

تكفا ترى تكفا تهز الرجاجيل ...كامله ولاول مره...لمحمد الدحيمي

القصيده المشهورة لشاعرنا محمد الدحيمي تنشر ولاول مرة كامله


علم العفا وعفاك .. يا وافي الكيل=بساطه أبشّرك .. في خيـر وعفـا
نكفي بعضنا ,, وانتكافا على الشيل=واللي تعب من الحطّ والشيل يكفـا
من ذاق حرّ القايله يعشـق الليـل=ومن شبّ ضّوه ليلة البرد .. يدفـا
لاعاد ليلٍ ٍ نمت به في حرى سهيل=وخايلت نوضٍٍ يخطف العين خطفا
امسيت من جيل ٍ ولاهوب ذا جيـل=واصبحت ... والاّ ديرتي شبه منفا
كنّا على فـال الشحـم والمعاميـل=ونفوسنا انقى من نقى العدّ .. واصفا
وانا ولو راحت بقولـة : تساهيـل=صلف وصروف الوقت تحتاج صلفا
ياترج جدّاني .. زحول الرجاجيـل=يحرم فلا لي عنك ياترج .. مقفـا
إمّا لطمنا العيل .. والاّ الطم العيـل=مادام شبّ النار منـدوب الأطفـاء
خل ابرهه الأشرم على ذمّة الفيـل=وانظر لشيٍ .... مايوصفّه وصفـا
ياذيـل والله ماتجـي راس ياذيـل=علمٍ ماهو يغبـى ولاهـوب يخفـا
واللي حمـا بيتـه بطيـرٍ ابابيـل=ماجيتـك ادوّر لمـن راح واقـفـا
ولا جيتك اطلب منك بن ٍ ولا هيـل=جيتك وجرح الظلم .. غاديه يشفـا
جيتك بكلمة .. كنّها صعقة الويـل=إن قلت تكفا ... لا تهـاون بتكفـا
تكفا .. تراها كلمةٍ تقطـم الحيـل=لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل=تكفا لصلف وعـادة القـرم صلفـا
تكفا .. ترى تكفا لها هدرة السيـل=في صدر حرًّ .. ينتف الطيب نتفـا
تكفا .. ترى تكفا لها تسرج الخيـل=إن كان لك باالخيل سرج ٍ و عسفا
تكفـا .. تبيّـن كـلّ لاشٍ وحليـل=تسمع لها بالصـدر هبـدٍ ورجفـا
تكفا .. وتكفـا ماتسـاق لمهابيـل=تكفا .. تخلي القـرم لاشٍ وهطفـا
تكفا .. تجنّبني هل القـال والقيـل=مانيب من ينكف علـى كـل ملفـا
تكفا .. تراني من قروم ٍ مشاكيـل=حمّاية الساقـه .. بسيـفٍ وشلفـا
تكفا .. ترى تكفا تـذّل الرجاجيـل=ولولا صروف الوقت ماقلت .. تكفا

التوقيع:
يا ضميري .. خلّ عندك ذمّه
.......... واحتملني لو قطعت أوهامك
شوف حالي كيف زايد همّه
............ من سبايب حلّتك واحرامك
البحر وش فيه باقصى جمّه
.......... لو قطعته ما وصلت أحلامك
عادل آل زارع غير متواجد حالياً   اضافة رد مع اقتباس
قديم 02-08-2007, 01:58   #2
عادل آل زارع
مسامح / شــاعر
 

رد : تكفا ترى تكفا تهز الرجاجيل ...كامله ولاول مره...لمحمد الدحيمي

أتمنى على الأقل ... أن تضاف القصيدة إلى ديوان أبو بدر

التوقيع:
يا ضميري .. خلّ عندك ذمّه
.......... واحتملني لو قطعت أوهامك
شوف حالي كيف زايد همّه
............ من سبايب حلّتك واحرامك
البحر وش فيه باقصى جمّه
.......... لو قطعته ما وصلت أحلامك
عادل آل زارع غير متواجد حالياً   اضافة رد مع اقتباس
قديم 02-08-2007, 02:14   #3
إدارة شعبيات
المشرف العام
 

رد : تكفا ترى تكفا تهز الرجاجيل ...كامله ولاول مره...لمحمد الدحيمي

الأخ مسامح
بالنسبه لأي قصيده في قوافي البوح يلزم نشرها بأسم شاعرها والاّ يعتبر شعر منقول
ومكانه هذا المنتدى تراث وشخصيات
تم اضافة القصيدة للديوان

شكرا لأهتمامك

التوقيع: http://www.eqla3.net/book/lkalam.html
إدارة شعبيات غير متواجد حالياً   اضافة رد مع اقتباس
قديم 17-08-2013, 16:18   #4
علي ال شيبان
.
 

رد : تكفا ترى تكفا تهز الرجاجيل ...كامله ولاول مره...لمحمد الدحيمي

نكفـي بعضنـا ,, وانتكافـا علـى الشـيـل
والـلـي تـعـب مــن الـحـطّ والـشـيـل يـكـفـا
بيت قمة في الإنسانية يتحدث عن وحدة وتكافل المجتمع الواحد
ويشكل نقله في الشعر الشعبي من حيث معالجة الهم المطروح
بطريقة شعرية متجاوزة عن ماسبق طرحه في هذا الشأن
محمد الدحيمي
من الشعراء القلة الذين نستطيع أن نقول بأنهم شعراء دون أن نكترث بأي ضد آخر أو صوت شاذ
والقصيدة غاية في الفلسفة نستطيع من خلالها النظر الى أكثر من عمق إنساني وأجتماعي وكذلك سياسي بحكم وجود المنفى
ناهيك عن أنه أتم فلسفة تكفا واخذها الى أبعد وأقصى الحدود الفلسفية لها
لدرجةإنك لم تجد طعم لكلمة تكفا في قصيدة غير هذه القصيدة الاجتماعية الإنسانية الثائرة على التغيير والفتن

علي ال شيبان غير متواجد حالياً   اضافة رد مع اقتباس
قديم 13-08-2014, 00:09   #5
علي ال شيبان
.
 

رد : تكفا ترى تكفا تهز الرجاجيل ...كامله ولاول مره...لمحمد الدحيمي

...............


اخر تعديل كان بواسطة » علي ال شيبان في يوم » 13-08-2014 عند الساعة » 00:14.
علي ال شيبان غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 1 , عدد الأعضاء » 0 , عدد الزوار » 1
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح

الإنتقال السريع