20-10-2003, 10:29 | #1 |
الـحـــرّاب
|
...... عقب ما الشمس عافتنا ......
ما زال الطريق طويلا للوصول الى بعض مستواكم و لكن تحملوني و تحملوها و لكن قبل الابيات لي وقفة شكر لكل من: ابو نوت عبد الله مران عبدالهادي الخليوي عبير بنت احمد الصعب المهند خالد التميمي و اعذروني على الاطاله مقدما [poet font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""] عقب ما الشمس عافتنا .. و مَنّ الكون بشعاعه = و لبْست هالسماء ثوب الحداد و صار ساترها سالت الليل كالعاده .. و انا ادري وشهي اطباعه = تزمين الليل يتكرم على نفسي و يجبرها وش اللي يجبر العاشق يطيع القلب و اطماعه ؟؟ = و بلوى الحب في نفسه جميع الناس تنظرها انا فكرت اخلي هالسهاد لعذري شمّاعه = و اذا قالوا : علام العين حمراء ؟؟ قلت : اسهّرها.. و انا عيني من الاحزان و الدمعات ملتاعه = حَمَار.. و قلت : سهرانه.. دموعي.. كيف تعذرها ؟؟ سبايب من لها رمشٍ وراه العين منصاعه = و قدٍ تكبر وصوفه لو تحاول تصغّرها تذكرني.. كثر ما انسى.. غلاً فيني قوى ذراعه = و تنساني.. كثر ما اذكر.. غلاها اللي يكبرها و كني و كنها شمعه تعيش بنار ولاعه = اعيش بنارها و آموت لو تطفي مشاعرها و اقضّي هالعمر تايه ما بين الحب و صراعه = و اعشّم نفسي ان الجرح يب يبرى و اصبّرها على كثر الهموم اللي تجي بآحط فزّاعه = عشان ان جت طواريها عن افكاري توخرها و انا آظني طواريها مهيب اليوم مرتاعه = تبي تدخل بساتيني تحوس جهود باذرها و برجع و اذكر المركب تعوث الريح بشراعه = و انا المركب .. و هي الريح الى خانت بواخرها و اصايح حيل و اتحمس.. و اقول: السمع و الطاعه = احبك يا غناة اللي حياته فيك ذاخرها و لو قلتي : ابي نجمٍ فداك سهيل و اتباعه = و لو قلتي : ابي روحك.. بلاك الروح خاسرها و لين اوحيت يا محمد : وش اللي قلت من ساعه ؟؟ = و اقوم بعين شرهانه على اذني و اخيّرها ما بين الحلم و اوضاعه .. و بين الوعي و اوضاعه = و فـالثنتين نفسي ما تخيّر .. مير انا اجبرها و يوم اخترت وعيي .. كود تنظر حالي و اوجاعه = و اثر هالصوت صوت امي .. دموعي كيف ابخّرها ؟؟ و كيف اخفي ملامحها ؟؟ و ازيل الهم و قناعه ؟؟ = و كيف ارسم شكل ضحكه .. كثير الحزن قاهرها؟؟ و كيف؟ و كيف؟ ما ادري .. و صدري ضاقت اضلاعه = برد آنام يا عيني و اقول احلام ما اذكرها و اذا ما الشمس راضتنا .. و جاد الكون بشعاعه = ابصرخ: يا الفجر وينك؟؟ تزمين الحال يجبرها... و سلامتكم اخوكم محمد الحراب [/poet] اخر تعديل كان بواسطة » محمد الحراب في يوم » 08-04-2004 عند الساعة » 15:39. |
20-10-2003, 10:41 | #2 |
شـــاعــر
|
لي هنا وقفة شكر لـ محمد الحراب وعودة قريبة بإذن الله .. الف تحية لك |
20-10-2003, 11:34 | #3 |
رحمة الله عليه
|
تذكرني.. كثر ما انسى.. غلاهـا اللـي كبـر باعـه -------------------و تنساني.. كثر مـا اذكـر.. غلاهـا اللـي يكبرهـا الله الله عليك يالحراب - محمد الحراب - شاعر من طراز نادر فعلا - يكتب الحرف بجهد و تعب وتمحيص - لكي يظهر لنا بعض مخزونه الوافر النقد بعيد من هذي القصيدة وجهة نظر شخصية كل بيت يستحق الاحتفاء لحاله نعم مجهود وتعب اظهر دره انت يامحمد من الشعراء اللي اطرب لقصيدهم تقبل وافر التحية اخوك / عبدالهادي |
20-10-2003, 13:04 | #4 |
شــــاعـــر
|
. . |
20-10-2003, 15:20 | #5 |
شـــاعــر
|
سبايـب مـن لهـا رمـشٍ وراه العيـن منصـاعـه و قـدٍ تكبـر وصوفـه لــو تـحـاول تصغّـرهـا محمــــــــــــــــــــــ والروووووعه كلهااااا هناااااـــــــــد الف صح لساااانك ولاهنت يااارااائع |
20-10-2003, 15:22 | #6 |
الدانه بنت عبدالله
|
سيدي 0 0 0 0ما هذي الكلمات .. انها أريج الحروف المتدفقه على شطئان الكلمات.. أمتعتني قراءتك سيدي.. فهنيأ لشعبيات بهكذا شاعر لله درك |
20-10-2003, 15:37 | #7 |
شاعر
|
. يخرب .. بيت العودة اللي أتعبتني .. |
20-10-2003, 15:45 | #8 |
شاعر
|
. تذكرني.. كثر ما انسى.. غلاهـا اللـي كبـر باعـه ............................ و تنساني.. كثر مـا اذكـر.. غلاهـا اللـي يكبرهـا علـى كثـر الهمـوم اللـي تجـي بآحـط فـزّاعـه ............................. عشـان ان جـت طواريهـا عـن افكـاري توخرهـا ما بين الحلم و اوضاعه .. و بين الوعي و اوضاعـه ............................ و فالثنتين نفسـي مـا تخيّـر .. ميـر انـا اجبرهـا أقسم بالله يابوعبدالله .. أني أرد على عجل .. وبذهول غريب غريب غريب .. وأقسم بالله .. إن هالأبيات مايكتبها شاعر عادي أبد .. بو عبدالله .. أنت غير وربي غير .. وانا مانيب عارف أحتسي من قصيدك وطيب قلبك يارجل .. لي عودة تليق بك وبهالمجنونة .. |
20-10-2003, 15:56 | #9 |
عضو شعبيات
|
محمد الحراب شاعر له مكانته الشعريه شاعر ينسج فيبدع محمد سأضع القلم واقف احترام لنصك الشامخ ..!!..!!..!!..!!.. لاني لن أعرف ولن استطيع كتابة اي شيء وانا أعرف بأني لن افي بحقك .. اخر تعديل كان بواسطة » صقر الطنايا في يوم » 20-10-2003 عند الساعة » 16:00. |
20-10-2003, 16:10 | #10 |
شـــاعــر
|
عقب ما الشمس عافتنـا .. و مَـنّ الكـون بشعاعـه و لبْست هالسمـاء ثـوب الحـداد و صـار ساترهـا مطلع أستثار الكثير من المدفون..... محمد... إسمح لي.... لأنني ارى ان شهادتي فيك مجروحه.... ولأنك تجهل إعجابي فيك على كثر ماأحاول اوصله... أنا هنا لأصفق لك أمام الجميع ولست هنا لإنتقادك.... ((رأي شخصي)) وأنا قد قلت إسمح لي.... أستأذنك في السكوت وترك فرصة الحديث لغيري !!! |
20-10-2003, 17:08 | #11 |
Guest
|
الشاعر الخلوق محمد الحــــــــــــــــرااااب صح لسانك يا بعدي وسلم بنانك دمت ودام ابداك تحياتي |
20-10-2003, 17:31 | #12 |
عضو شعبيات
|
السلام عليكم ورحمة الله
أخي محمد الحراب صح لسانك وبيض الله وجهك قصيده جميله جدا لك وللجميع كل التقدير أختكم رهف |
20-10-2003, 18:47 | #13 |
شاعر
|
القـــلـــب . . . . الحـــرااااب قصيده حقيقه غيرت مسارك الشعري 180 درجه واقسم اني اقراها واعيها من جمالها .. بجد نص فائق الجوده متكامل التصوير متلازم الخطوات لم يكن هناك ما يشعر بالتكلف .. حقيقه برافو مليوووووووووون بجد قصيده اعجبتني واستثارة جنوني .. و تنساني.. كثر مـا اذكـر.. غلاهـا اللـي يكبرهـا !!!!!! الشطر هذا يكفي لان اسقط الكيبورد وارفعه .. دمت باجمل ما تحب .. |
20-10-2003, 19:42 | #14 |
شـــاعــر
|
و كنـي و كنهـا ( تتنـه ) تعيـش بنـار ولاعــه ..................................اعيـش بنارهـا و آمـوت لـو تطفـي مشاعرهـا بيت فيه من الجراءه ما يدعو للأعجاب .... وكني وكنها ( تتنه ) ... محمد الحراب ... انت شاعر لاتهمه المفرده اذا كانت في سياق معنى له تأثير ... وهذه في وجة نظري المتواضعه تحسب للشاعر لاعليه ... وتجعل له اسلوب منفرد .. و كيف اخفي ملامحها ؟؟ و ازيل الهـم و قناعـه ؟؟ ..................................و كيف ارسم شكل ضحكه .. كثير الحـزن قاهرهـا؟؟ بيت يعادل قصيده ...... و كيف ارسم شكل ضحكه .. كثير الحـزن قاهرهـا و كيف ارسم شكل ضحكه .. كثير الحـزن قاهرهـا وكأنك تطلب المسحيل هنا ايها المبدع ........... و كيف؟ و كيف؟ ما ادري .. و صدري ضاقت اضلاعه ..................................برد آنـام يـا عينـي و اقـول احـلام مـا اذكرهـا لله درك يامحمد ......... محمد الحراب ..... انا ارى انك شاعر له اسلوبه ... وشاعر ... يطربني حين يكتب ... والقصيده .... فوق النقد من وجة نظري ..... لذا ... صح لسانك وفكرك وانا اخوك .. ودمت بخير وعافيه ... اخر تعديل كان بواسطة » تركي العثمان في يوم » 20-10-2003 عند الساعة » 22:56. |
20-10-2003, 19:59 | #15 |
شاعـر
|
محمد الحراب وفاء جميل منك .. شاعر جميل ومن ابرز الموجودين هنا بشعبيات .. ابيات خيال وكلها ابداع .. صح لسانك مليون يالغالي .. |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|