22-07-2004, 11:03
|
#16 |
|
عضو شعبيات
|
رد : اجمل الابيات الشعريه
واهني الترف منسوع الجديله ماضواه الليل دون امغرزاتي وردناهن هيت واخطاه الدليله والموارد غير هيت امقضباتي روحن مثل القطا صوب الثميله ضمر تضفي عليهن العباتي من تعبث بالفرايض عزتى له تقعده حدب السيوف المرهفاتي *******الملك عبدالعزيز بن عبدالرحمن آل سعود****** حنا أهل العوجه ولا به مراوه .................................. شرب المصايب مثل شرب الفناجيل خادم الحرمين الشريفين الملك فهد بن عبدالعزيز اخر تعديل كان بواسطة » راعبية في يوم » 22-07-2004 عند الساعة » 16:22. |
|
|
|
22-07-2004, 11:45
|
#17 |
|
عضو شعبيات
|
رد : اجمل الابيات الشعريه
في بيت شعر من غير قصيده قاله احد الأجواد هو فقير ومع انه فقير ماقد مر عليه احد الا واكرمه حتى لو يتسلف المهم الكل كان يقوله انك مهبول ومن كثر الضغط النفسي قال هذا البيت: قالوا هبيل وقلت جايزن لي هبالي ............................. هبال جود ولا صحوت رخامه صراحه مدري من كاتب هذا البيت بس اشهد انه رجال أجودي المعذره على اسلوب سرد القصه بس هي وصلتني كذا دنيا تـفـرق بيـن غــــالى وغـالى .........................لو شفت منـهـا ربـح يرجــع للافلاس اقطـعـك دنـيـا مـا لـهـا أول وتالى .......................لـو اضـحكـت تبكى وتوريك الاتعــاس المستريـح اللـى مـن العـقـل خــالى ............................مـا هـو ولجـات الهواجيس غـطـاس محمد السديري اخر تعديل كان بواسطة » راعبية في يوم » 23-07-2004 عند الساعة » 01:17. |
|
|
|
|
22-07-2004, 12:21
|
#18 |
|
عضو فعّال
|
رد : اجمل الابيات الشعريه
في عيونها .. مسـحـة حــــــــــــــــول .. يا حـــــــــــلاها حــــور .. و غايـضـها .. وقول : الحـــــــــــــول فــــــيـك و الصـدق .. تــدري عـــــــــــــــــــــيونها وش بـــــــلاها من زيــنها .. هــــــــــذي تـبي مـشــاهدة ذيــــــــــــــك ! اخر تعديل كان بواسطة » كش ملك في يوم » 22-07-2004 عند الساعة » 21:28. |
|
|
|
|
22-07-2004, 13:18
|
#19 |
|
شـــــاعــــــر
|
رد : اجمل الابيات الشعريه
هلا بجميع الاخوة والله اشوف العنوان اجمل بيت واللي حصل انه صار نقل للقصائد بغض النظر عن اختيار بيت ومحاولة ان يكون البيت يتيما بجماله مدري وجهة نظر فقط ,, لأن الموضوع صار صعب متابعته الحين بالنسبة للبيت الذي اوردته الاخت راعبيه وهو يتيم فعلا ويقول شاعره قالوا هبيل وقلت جايزن لي هبالي .... ............... هبال طيب ولا صحاوة رخامة الشطر الاول فيه خطأ ولا اتذكر شكله الصحيح اما شطر الثاني فصحيح وهو للشاعر الكبير مسلط بن شعيفان ابو ثنين السبيعي وقد امتدحه الشاعر ضيدان بن قضعان بقوله ان هذا البيت من المفترض ان يكون لي ولا ادري كيف سبقني عليه مسلط وهو ما يفسر على انه امنية ان يكون هذا البيت له ولكنه لم يوفّق له عموما كنت في بداية الموضوع اقول ان هناك تشابه بين هذا الموضوع وموضوع اخي الغالي نواف ويعتبر هذا تكرار له ولكن لاحظت ان هناك اختلافا وتشابها ,,,,, وسردا قد يلغي الهدف من الموضوع وجهة نظر ليس الا مع احترامي لوجهات النظر واذواق الجميع اخوكم ابونوت |
|
|
|
|
22-07-2004, 18:27
|
#20 | |
|
شـــاعرة
|
رد : اجمل الابيات الشعريه
إقتباس:
أنا مع اخونا ابونوت الموضوع هذا خاص بأجمل بيت لكل شاعر حسب اختيار وذائقة العضو وموضوع أخي نواف بأجمل القصائد , ينبغي التنويه حتى لايحصل خلط بين المواضيع بأفكارها قمت اطلبه في سلوم الجار والجيره .....................من شــــان خلٍ ابي وصله ومن شاني عبدالهادي الخليوي الا يسعد مسى هاك الثقل يوم اشعل القنديل ......................وخلى الشعر يسّاقط درر من عالي ابراجه فوزي المطرفي أنا أنسى .. وأنت تنسى .. بس لاحظ فارق التقييم .. ................... وخذ فرق التناسي بيننا .. لا تــــظـــلم محاكيك !! إنت أصلا ً نسيت إن لك حبيب ٍ .. إسمه إبراهيم .. ................... وأنا عكسك نسيت الناس .. لأجل أتذكرك وأبكيك إبراهيم الرشود |
|
|
|
|
|
22-07-2004, 21:33
|
#21 |
|
الـحـــرّاب
|
رد : اجمل الابيات الشعريه
اخوي سعود موضوع رائع بحق.. و انا مع بو نوت .. في ان بعض الاعضاء جنحوا بالموضوع بعيدا عن مبتغاه.. .................. تجين احلى من ابشرى .. تغيبين و تشين الدار.. .......................... هديه للزمن جيتي .. من الله عن طريق اهلك.. صحيح المدح لو يقدر .. يقوم بنفسه و يختار.. .......................... غدا عبّاد شمسٍ لى لمح زولك .. توجه لك.. عبدالمحسن بن سعيد.. ....................... و اذا ان الشمس .. طاف إبها كواكب .. فانت ما يكفيك.. ................................ تطوف إبك المجرات .. و كواكبها .. و ما جرت.. عبدالمحسن بن سعيد.. .............................. و الكون أسبل .. ببشت الليل .. و استغرب..؟؟! ............................... علم الفلك .. من ذنوب الكون .. ما اعظمها..؟؟؟!!! عبدالله البكر.. |
|
|
|
|
23-07-2004, 12:42
|
#22 |
|
شــــاعـــر
|
رد : اجمل الابيات الشعريه
الغااالي سعود .. موضوع قمة الروعه .. نحن فعلا بحاجه لهذا الموضوع .. الف الف شكر ياغالي .. وان حلّل الصبح شوفك آتعذر لك ............ وانا ادري انك تنام ونوركم ضاوي واذكرك والصدر توه ماج واثمر لك ...... كانت ثمرتين والعهده على الراوي يا ما اكتنز لين خفتي مايزرر لك ............. ما كان حتى على تنهيدتك قاوي محمد علي العمري وامش دمعي في طواريف الاكمـام ..............اخاف تسقـط هيبتـي واحترامـي صالح السبيل يلاعبها الهوى مثل الهوى وتطيح بين ايدي ّ .................... مثل غصن ٍ يميل ابه الثمر ليدين قطافه توصيني على عذق ٍ تساقيه المزون المي ................... وانا ماني حرامي واعرف الله زين واخافه محمد علي العمري النيه الطيّبه مــن طيب منبعها ............وكلّن على قدر طيبه يسرج خيوله مـثل القصيده يدلّـك طيب مطلعها ..............عنها ..وتبقى بكل لسان مقيوله محمد الدحيمي نصاه الرصاص : ضيوف .. قلطهم المعلوق ............... وعشى ضيوفـه : مهجتـه ! .. رابط جاشـه يا ربع يهبا ريح الفشـق .. وشكثـر معشـوق ................... تقل عيب احد من شمـر يمـوت بفراشـه فـهد عافت لا احد ٍ جهـل جهلي.. ولابي جهاله ............ ولا احد عرف عرفه.. ولابه.. تباهـي فهذا .. وابو هذا .. وجده .. وخاله ............... مايعجز عن الشعر غير الدواهي عل ّ الخيال اليا تخيـّل خياله ............... يقدر يجيب اوصافهم مثل ماهي فـهد عافت اردى الشعر قول ٍ يجيك بمحلّه ................... واحلى الشعر قول ٍ محله يجي فيه فهد عافت  السيل يبقى له مع القاع مجرى ................. ويبقى لك التذكار لو كنت فارقت ماكل جرح ٍ لاخذا ايام يبرى ...................... بعض الجروح يزيد شرّه مع الوقت ( لاأعرف قائلها ) ياليتني لابغيت اكره قدرت اكره ................ ماكان قلبي لياجيت اكرهك عيا متعب التركي شكرا لك يالخويطري .. موضوع رائع جدا .. ستكون لي عوده كل ما تذكرت بيت .. . |
|
|
|
|
23-07-2004, 17:36
|
#23 |
|
الـحـــرّاب
|
رد : اجمل الابيات الشعريه
كنت اول اجمل .. و انت .. كنت اجمل اول.. .......................... اول .. و الاول زين في كل حاجه... سليمان المانع... .................... المشكله.. لى صرت بين اختيارين.. ........................ مستقبلك .. و الا حبيبٍ توده.. سليمان المانع.. |
|
|
|
|
24-07-2004, 01:15
|
#24 |
|
عضو شعبيات
|
رد : اجمل الابيات الشعريه
موضوع جميل تسلم أخوي على طرحك له حظي رماني بين هذا وهذاك .................أنا أشهد انه ضرني ما نفعني والله اني يا أحب الناس أحبك ..................مزعل الزعلان والعذال عنوه |
|
|
|
|
24-07-2004, 13:13
|
#25 |
|
عضو شعبيات
|
رد : اجمل الابيات الشعريه
حياك الله يــ راعبيه وولاهنتي ويامرحبا بك مليون في ردك وتعقيبك ووجودك وذائقتك الرائعه وبخصوص استفسارك عن البيت : فهو لـ مسلط ابوثنين وتراني اذكر انه في بيت ثاني له ( واعتقد ) لن له قصيده كامله ورد عليه الشاعر : ضيدان بن قضعان قالوا هبيل وقلت جايزلي هبالي = هبال طيب ولاصحاوة رخامه شرفني وجودك وشكرا لك على تعاونك الاصيل تقبلي سلامي الخويطري اخر تعديل كان بواسطة » الخويطري في يوم » 24-07-2004 عند الساعة » 13:28. |
|
|
|
|
24-07-2004, 13:24
|
#26 |
|
عضو شعبيات
|
رد : اجمل الابيات الشعريه
حياك الله يــــ الجازي وولاهنتي ويامرحبا بك مليون وبردك وتعقيبك ودعمك الدائم والمستمر واختيارت شعريه رائعه جدا فــ شكرا لك وتقبلي سلامي الخويطري |
|
|
|
|
24-07-2004, 13:26
|
#27 |
|
عضو شعبيات
|
رد : اجمل الابيات الشعريه
حياك الله ياعبدالرحمن الربيع وولاهنت ويامرحبا بك مليون وبردك وتواجدك ومرورك وذائقتك الرائعه نورت متصفحي يالغالي تقبل سلامي الخويطري |
|
|
|
|
24-07-2004, 13:39
|
#28 |
|
عضو شعبيات
|
رد : اجمل الابيات الشعريه
حياك الله يــ نوره العجمي وولاهنتي ويامرحبا بك وبردك وتعقيبك ووجودك الاصيل. وبالفعل موضوعي هـــو لـــ الابيات الشعريه الرائعه.... وموضوع اخي الغالي : نواف لــ القصايد الشعريه الرائعه... شكرا لك التنبيه والتواجد الكريم تقبلي سلامي الخويطري |
|
|
|
|
24-07-2004, 13:50
|
#29 |
|
عضو شعبيات
|
رد : اجمل الابيات الشعريه
حياك الله يـــ هديان المطور وولاهنت ويامرحبا بك وبردك وتعقيبك ووجودك الذي يشرفني وبيت شعري رائع لـ ابو نوت وتقبل سلامي الخويطري |
|
|
|
|
24-07-2004, 13:56
|
#30 |
|
عضو شعبيات
|
رد : اجمل الابيات الشعريه
حياك الله يـــ كش ملك وولاهنت ويامرحبا بك وبردك وتعقيبك ومرورك الكريم , واسمحلي يالغالي حذفت بعض الردود لمخالفته اساس الموضوع ولكي يسهل التصفح للجميع ولاعدمناك تقبل سلامي الخويطري |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
