02-02-2005, 14:16
|
#1 |
|
عضو شعبيات
|
ماني لا ابا زيـدٍ ولا انتـي بعليـا
قصيدة تستحق التصفيق والوقوف لها أحتراما وتقديرا لـ الشاعر الكبير : جزا صالح الحربي - غني عن التعريف tsh7 تفضلوا :
يا عل عينٍ ما بكت فرقا الاضعـان = تعطي النويفـج ليـن تذبـل ذبليـا ليا شدوا العربان من عقب مقطـان = والصبح منهم جانـب العـد خليـا وتفرقوا مـن نقـرة العـد سلفـان = أحدٍ رحل جنـوب و احـدٍ شمليـا وقفوا وراحوا مع وسيعات الاوطان =وكلٍ على سفن الصحـاري رحليـا عليهم الخافـق تقـل فيـه نيـران = وتصلاه غمزات الهواجيـس صليـا وبكت عيوني مثل همـال الامـزان = مـزنٍٍ تحـدر مـن مناشيـه مليـا على اللذي له داخل القلب مسكـان = وعليه ما اسمع عاذلي لـو عذليـا عين الفريد اللـي مرابيـه فيحـان = الريح لاعـه و استـذار و جفليـا وسمع الحساس وشاف بالعين زيلان = واستاكده بيـن الوعـر والسهليـا الصاحب اللي منه القلـب عطشـان = و لاتنجلي حبه عـن القلـب جليـا اقفوا به البدوان و القلـب حيـران = وسود الليالـي ماعطتنـي مهليـا شدوا وانا من شدة البـدو زعـلان = ولا من وساطه بين اهلهـا واهليـا وجيته وانا في وقتها كنت مرضـان = مـن شـدة العربـان فيّـه زعليـا قلت السلام وغـادي الفكـر شتـان = واللي بغيت بخاطري مـا حصليـا وانا عليه بسلم الاحبـاب شفقـان = ومن غير مشروهي فلالـي دخليـا طافت مشاريهي وانا كنت شرهـان = سنه صغيـر وغاطـسٍ بالجهليـا وقلت الوداع وغاديٍ وجهه ألـوان = متخالـطٍ فيـه الخجـل والزعليـا وذقت الفراق اللي مشاريبه احـزان = وانحل بحالـي والمحانـي هزليـا كني كسيـرٍ شملـه ريـح ريحـان = نوبٍ يفيق و نـوب يذهـل ذهليـا عليك يالمجمول يا خـدر الاعيـان = سميت حالي ليـن جسمـي نحليـا والحب مثل النوم والنـوم سلطـان = والله بلانـي فـي محبتـك بلـيـا وجاني الربيع وربعت كل الاوطـان = وانـا معاليـك الضمايـر محلـيـا وطال الرجا واللي مضى تقل ما كان = واللـي بنينـا لغدّنـا مـا كمليـا لاشك خبرني عسى ما أنت خسـران = او شايـف اللـي بالطويلـه تعليـا وأن كان حـدوك المقـرد وعـدوان = ماني لا ابا زيـدٍ ولا انتـي بعليـا وســـلأمتكم : الشاعر الكبير : جزا صالح الحربي وتقبلوا سلامي واشواقي الخويطري |
|
|
|
02-02-2005, 20:14
|
#2 |
|
شـــاعــر
|
رد : ماني لا ابا زيـدٍ ولا انتـي بعليـا
هلا اخوي الذوق / سعود الخويطري اختيار موفق للشاعر الكبير / صالح بن جزاء تقبل تحياتي / مرزوق .. |
|
|
|
|
03-02-2005, 00:36
|
#3 |
|
الأسير / شاعر
|
رد : ماني لا ابا زيـدٍ ولا انتـي بعليـا
هلا سعود والله كل ذوق واختيار جميل وصالح بن جزاء شاعر غني عن التعريف وهذه حقيقه قصيده من روائع هذا الشاعر الكبير ومشكووووور سعود مره اخرى اخوك الاسير |
|
|
|
|
03-02-2005, 20:45
|
#4 |
|
عضو شعبيات
|
رد : ماني لا ابا زيـدٍ ولا انتـي بعليـا
حياك الله يـ مرزوق بن فيحان ولاهنت ويامرحبا بـ تواجدك نشاطك وتميزك الرائع جدا وشكرا لك وتقبل سلامي واشواقي الخويطري |
|
|
|
|
06-02-2005, 19:38
|
#5 |
|
عضو شعبيات
|
رد : ماني لا ابا زيـدٍ ولا انتـي بعليـا
حياك الله يـ الاسير ولاهنت ويامرحبا بك وبردك وتعقيبك ومرورك الكريم وللعلم هو الشاعر جزا الحربي وصالح هو أبنة وتقبل سلامي الخويطري |
|
|
|
|
07-02-2005, 16:56
|
#6 |
|
شـــاعــر
|
رد : ماني لا ابا زيـدٍ ولا انتـي بعليـا
مرحبا سعود اسعتنا الله يسعدك قصيدة قمة لهذا الشاعر العلم اشكر وعيك واختيارك |
|
|
|
|
08-02-2005, 01:42
|
#7 | ||
|
شـــاعــر
|
رد : ماني لا ابا زيـدٍ ولا انتـي بعليـا
إقتباس:
إقتباس:
للعلم الشاعر صاحب القصيده هو الشاعر العلم / جزا الحربي كما نوّه أخوي سعود .. وصالح الحربي شاعر وابن الشاعر الكبير متواجد معنا في المنتدى وتراي ماحبّه  . |
||
|
|
|
|
09-02-2005, 09:31
|
#8 |
|
شــاعـر
|
رد : ماني لا ابا زيـدٍ ولا انتـي بعليـا
الاخ سعود الخويطري اشكر لك هذا الاختيار . . . واشكرك جزيل الشكر بالنيابه عن الوالد . . . ولاهنت على كل شي وللعلم القصيده من الثمانينات . . . والله يقدرك على اللي فيه الخير . . . اخوك صالح جزا الحربي |
|
|
|
|
14-02-2005, 14:37
|
#9 |
|
عضو شعبيات
|
رد : ماني لا ابا زيـدٍ ولا انتـي بعليـا
حياك الله يـ نويحي البديري ولاهنت ويامرحبا بك وبردك وتعقيبك ومرورك الكريم سلامي واشواقي الخويطري |
|
|
|
|
14-02-2005, 14:40
|
#10 |
|
عضو شعبيات
|
رد : ماني لا ابا زيـدٍ ولا انتـي بعليـا
حياك الله يـ ابرهيم الرشود ولاهنت وتسلم يمناك على التنوية الطيب وأبرك الساعات تواجدك بـ خيمتك يالغالي وبخصوص صالح كلنا مانحبة  سلامي واشواقي الخويطري |
|
|
|
|
14-02-2005, 14:43
|
#11 |
|
عضو شعبيات
|
رد : ماني لا ابا زيـدٍ ولا انتـي بعليـا
حياك الله يـ صالح جزا الحربي ولاهنت ومرحبا بك مليون بك وبردك وتعقيبك يالشاعر ابن الشاعر الكبير - اطال الله عمرة . ولاهنت على التنوية ابرهيم : هذا هو صالح اللي مانحبه  سلامي واشواقي  الخويطري |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
