06-06-2002, 11:16
|
#1 |
|
عضو شعبيات
|
تخاريف كاتب على الشعراء عاتب 3/5
اخواني الاعزاء بادئ ذي بدء ..... ودي اقول اني آسف اني تأخرت عليكم وقطعت فيكم بس مهوب بيدي هالحياة ومشاغلها مثلكم عارفين رجل اعمال ( ايه رجل اعمال بالدجه والطفره ) لكن الحمد لله رجعت لكم سالم غانم ( يا رجال كله واحد تروح ولا تجي ) المهم اللي تابعوني في اول كتاباتي من ( تخاريف كاتب على الشعراء عاتب ) اني وقفت عند الفصل الثاني من الجزء الخامس وكيف كنت انتقد هالمسكين الضعوف ( تهي تهي ) اللي يكسرون الخاطر فقلت يا ولد مالك الا توثق كتباتك في عقول الناس فخطرت لي فكرة اني ألف كتاب اسميه ( معارك عزيز نفس مع الشعراء اللي يسدون النفس ) عشان يكون هناك شريحة من الناس تقراه ( مادري عندكم قطيه ولا لا؟ ............. وسيع وجه ) قبل ابدأ مقالي كنت في السابق المح واشطف الشاعر وانا مشوت ولا اصرح باسمه الصريح لكن في هالمقال ابي استبيح ابو نوت العذر ولا يهون الباقين في هالمقال ابي اصرح باسامي الشعراء لانهم شعراء كبار ولهم ثقلهم وغلطاتهم تحسب عليهم فالتصريح وليس التلميح يجنب الشاعر انه يخطي ثاني مره ( وعسى كود الطرق يفك الحديد ) الشاعر الاول ........... " الشاعرة مها الشمري " الكل يعلم وش حجم شاعرية مها الشمري وقصايدها الارتجاليه القوية الفعمة بالالفاظ القوية والالفاظ الجزلة ......... لكن في قصيدتها الي في ابوها ( لو كنت شايب ) تقول افتخر بك يا ذاري (عن) الهبايب ................ في ظلالي لانكشف عني ظلالي لاحظوا افتخر بك يا ذاري (عن) الهبايب كسر واضح وضوح الشمس في كلمة عن كان المفروض تقول افتخر بك يا ذاري عني الهبايب حتى يستقيم البيت والنطق لكن ................. هل هذا الكسر ورد من خطأ مطبعي ام من الشاعرة فاذا كان خطأ مطبعي فمصيبة فالمجلة ا لمنشورة فيها القصيدة تعتبر من افضل المجلات الموجوده وبكذا ما اظن احد بينشر اذا كان خطأ مطبعي فما راح احد يأمن انه ما تكسر قصيدته وينتقدونه الناس ؟ اما اذا كان من نفس الشاعرة فالمصيبة اعظم وهذا يضع اكثر من علامة استفهام على شاعرة مها الشمري ؟ ................. اقول مها ... راجعي قصيدتك قبل يتسلط عليك لساني الشاعر الثاني " حسين فهد القحطاني " يوم روح كل شي ربحته باختصار ................... والنفوس الحاقدة سمها فـ..رقابها ماشاءالله عليه هالشاعر النشيط كل يوم وله قصيدة منشورة وين ما تروح تلقى له قصيدة وضجكته هاللي توسع الصدر يقول يوم روح كل شي ربحته باختصار يعني يوم راح كل شي وانتهى ربحته ؟ ولا وباختصار انشهد انك ذيب تعرف شلون تربح وتخسر ............ ابأ سلم لي والنفوس الحاقدة سمها فـ...رقابها الحين هو السم في النحر ولا الرقبه وبعدين ماقد خبرت النحر صار بالقفا والسم ماقد وقف بالنحر وفرمل وكع بريكات وقال منيب منيب متحرك السم يسري فالجسد كما تسري الدماء ( احلى يا الدكتور ) والله للاسف شعرك تكميل X تكميل حسين راجع نفسك كنت ولا زلت شاعر لكن انحدر مستواك الشاعر الثالث " غريب الروح " اقول يالحبيب تراه موجود هنا انتبه لعمرك ... ( لا ما تخفش يابني هو ما بيعضش .. أوي أوي ... ايوه أمال ... طب كويس  ) زاد حسنه حسن ما كان يحتاجه ..................... لعنبو زعلة الحلوين ما اجملها الشاعر غريب الروح بعد القصيدة هذي بصمت بالعشرة بتراجع مستواه بشكل يخلي الواحد يمسك قلبه خايف على يسقط ( بعيد الشر عنك يابني ) فالشاعر اللي اتحفنا بقصيدة ( البرد ) ثم فجر الساحة الشعبية بقصيدته الرائعة الرائعة الرائعة ........... الين بكره ( خدود الخوخ ) نتفاجأ بانحدار مستواه ............... يعني طبق عليه المثل اللي يقول ( ولد البريمي العام يمشي وهالسنه يحبي ) فيقول زاد حسنه حسن ماكان يحتاجه طيب حسنه لوجه الله اذا زعلت انا وش اقول زاد شيني شين .................... بصراحه ما ابي اقول شطر ضعيف لكن ........... راجع نفسك يا غريب لعنبو زعلة الحلوين .... ما اجملها انا ابي اعرف شي واحد هو من زود الحماس قام يلعن لكن وش اللي حدك على اللعن خلصت الالفاظ الا تلعن وليتها لعنه وبس فوقها لعنة ابو فوقها ............... والله عجيب هالشعراء يلعنون ويشتمون وياخذون المسألة ببساطة ولقلت له ليش تلعن ............... ضحك ووراك صفار سنونه وقال يا رجال نلعن الخلا ؟؟؟؟ .................... اقول الله يحمانا بس زعلة ما اجملها طيب الشيون مثلي وش يسوون مافيه احد يدري عنهم اذا زعلوا ( ياعمري والله انك غطيت على رامي عياش ) .................................................. ............................. نهاية مقالي ودي اقول كلميتن لها الشعراء اللي انتقدتهم وخصوصا " غريب الروح " واقولهم متى نشوفكم زي ماعرفناكم نجوم فالمقدمة .................. وسلامي لكم يا جماعة الخير فمان الله لحظ................... للشاعر المبدع نجم السعد .. حسايف يا زمن ماعاد باقي في الزمان اصحاب .................................................. ..................... على حسب المصالح كل واحد يحسب حسابه |
|
|
|
22-08-2002, 01:06
|
#2 |
|
شـــــاعــــــر
|
عزيز نفس انت وينك ؟
الاخ الغالي عزيز نفس صباح الخير لا ادري الى اين ذهبت ؟ نحسبك قد تراجعت عن قرار الغياب، ولكن لم نرى لك تواجد من تلك اللحظة 00 اخي العزيز اطلعت على مقالك وقرأته قراءة متأنية للمرة العاشره واقتنعت بأشياء منه واختلفت معك بأشياء بدايةً :لا ادري ماذا تقصد بالقفا حين تكلمت عن سمها بارقابها وهل تعني كلمة الرقبه خلفية الحلق ؟ لا اعتقد ذلك فالرقبه تطلق على المنطقه المتصله بين الرأس والجسد ولا ارى ان الشاعر ارتكب محضورا في ما ذهب اليه من وصف السم ورجوع ضرره الى اهله0 امّا ما اسلفت في البداية من وجود كسر في بيت الشاعرة مها الشمري فلو قرأت البيت بطريقة اللهجه لما وجدت اي خلل0 فهو ينطق مع وجود الف خفيفه قبل حرف الجر عن ( اعن ) لينطق المقطع بهذا الشكل وبدون حتى تكلف اعنل هبايب 000 امّا نظرتك لشاعريّة الشاعر ( غريب الروح ) وتدنيها اخيرا فلن اتطرق لها لعدم معرفتي بنصوص الشاعر 00 كل ما احببت ان اقوله انني اتكلم عن ما اوردته بغض النظر عن غيره 00 وفي الختام اخي العزيز هل ترجع وتطرز على صفحات المنتدى كلماتك اللاذعة المفيدة الجميلة ؟ هذا كل ما اتمنّاه 000 تحياتي وتقديري لشخصك الغالي الكريم اخوك ابونوت |
|
|
|
|
22-08-2002, 10:03
|
#3 |
|
شـــاعــر
|
عزيز نفس ..... يامرحبا والله وسهلا ..... بالفعل كنت فاقدك رغم عدم تسجيلي لردود على مواضيعك فانا كنت اقرأ واذهب ... عزيزي .. اوافق ابو نوت فيما ذهب اليه بخصوص قصيدة الشاعره مها الشمري ومشكلة اللهجات مشكله قائمه تعيق قراءة القصيده بشكل جيد ... اما عن الشطر لغريب الروح زاد حسنه حسن ماكان محتاجه فلا ارى بها شيء بل ارى انه جميل مع عدم علمي بنصوص الشاعر السابقه لذلك ايضا لا استطيع الحكم على مستواه على العموم اختلافي معك لا يعني انني لن اعترف بخطئي ان وضح لي شكرا ياعزيز وخلك معنا دايم |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
