22-04-2003, 22:23
|
#1 |
|
ليه ياشبابنا ماتصيرون مثل ممثلين السينما !؟
قرات معلومه في كتاب تثير التساؤل والحنق في نفس الوقت  ان الرجل الذكي هو الذي يجعل زوجته تهتم به وتهيم حباً فيه ,ويكون لها فارس الأحلام الذي طالما انتظرته وحلمت به وهي فتاة صغيره , وتخيلته كثيراً لتعيش معه بسعاده ,وطالما تخيلته شبيهاً بنجوم السينما التي تراهم في الأفلام والمسلسلات << هذا اللي ذابحنا مافيه امل   وتضيف الكاتبه لماذا المرأه تعجب بنجوم السينما ؟ لأنها ترى منهم الجانب الجميل الذي يظهرون به امام الناس , وهو في غاية الأناقه والرشاقه والنظافه والتصرفات المثاليه خاصة مع الجنس اللطيف . وأضيف لها  بأننا نرى في الأفلام والمسلسلات الروح الرومانسيه والنظره الحنونه والكلام المنمق ويمشي واثق الخطوة يمشي ملكاً,, لدرجة اننا نتحسر على انفسنا ويطقنا الحزن وتقعد دموعنا أربع أربع  <<< من وين بنجيب مثل ذا شوفوا الأفلام القديمه عماد حمدي ومديحه يسري حب عفيف - تضحيه - ينتحر البطل علشان البطله  خاصة اذا قال البطل للبطله باحبك يافاطنه وترد عليه باحبك ياعلاء وش ذا الأخلاق ياحسره علينا اللحين الرجّل اذا خطب ياسلالالالالالالالالام سلّم جنتل  << خذو ولد الوحده فينا يقول وش ذا الدره ياحظي فيه  :what: ويطلع الكرم الحاتمي والضحك اللي بسنع وبدون سنع وأذا ضمن زوجته وتزوج هي طفة شهر شهرين وبعدين يوريها غبار رجليه :fire: سهر , قاعد على النت ومطنّشها عاجبتس عاجبتس ولاّ روحي لبيت اهلتس  <<< بسم الله علي بعذرنا لو تعلقنا براغب علامه ولاّ واحد من هالممثليين اللي صوته يهمس همس من الهدوء اللي فيه مهوب الى نادت الزوجه زوجها بعد شهر العسل يرد عليها هاه وش تبين :fire: << يمه حسبي الله شوي شوي لاتدف :bozo: << معذوره والله خلاصة الموضوع لماذا ياسيدي لاتكون لنا مثل مانرى الممثل في السينما لماذا لاتصير اخلاق زي العالم والناس الى متى نظل نحلم في الممثليين المصاريه وفي المسلسلات المكسيكيه !؟ ليه ماتتعلمون مثلهم :face: ليه ماتكون حبيب القلب قبل وبعد ليه تغيّر الأسطوانه بعدين ليه تغيّر اللحن بعد الزواج ليه يصير صوتك بعد الزواج كنك في حفلةأوبرا وش بيضرك أذا صرت لها توأم الروح والنفس <<< متعوب عليها ليه ماتكون معاملتك في غاية الرقه ليه ماتسمع منك كلمه حلوه !؟ لاتلومها لو غارت وشافتك مهتم تطلع برا البيت حالق نظيف انيق متعطر وعملت مشكله من حقها تشوفك احلى من هاني سلامه أو أي ممثل وسيم  البنت مننا تحب تسمع كلمات الغزل الرقيقه والمدح والأعجاب هذا كله يغنيها عاطفياً فلا ترى ولا تسمع من غيرك ولا تضطرها تشوف الأفلام لتشبع عاطفتها وحاجتها النفسيه للكلام الحلو , وبكيذا تضمن انها لو شافت هاني شاكر ولاّ جواد العلي راحت تتطفي التلفزيون لأنك بنظرها احلى وأرق واحد في الدنيا << أيه هين وانتم مصرين على البيج والبني وكرش وحزام بعد لاأله الاّ الله وسلامتكم اخر تعديل كان بواسطة » الجازي في يوم » 22-04-2003 عند الساعة » 23:55. |
|
|
|
23-04-2003, 00:00
|
#2 |
|
عضو شعبيات
|
[c]امسكوووووو سرا ياشباب حتى اخلص من القراية الدعوه فيها تفلسف علينا وش سراه يامال اللي ماني بقايل صاف عند مخبز انت وخشتك المهم ابي احجز والظاهر ان فيه احد سبقني وانا قاعدن اتفلسف انا ودميجتي انتهى الحجز وباقي اوكي ثانكيو الحمد لله والشكر لله ماسك سرا واولي ومدري وشهو وفي الاخير يطلع الموضوع مايخصني ((( توه ما قد اعرس وكله رقه وحنان وعبدالسميع ))) ويعرف يلبس تكميلة رياضة على نعال زبيراويه ويتمشى على الكورنيش في عز الرطوبه ومايعرف يلعب بلوت ولا يعرف يسهر ولا يعرف يماشي الشباب كثير ولا يتمشى بالاسواق ومواصفات مثل مواصفات عادل ادهم وسيلفستر ستلوني وسلامه العبدالله وليده من قلب وليده بس وين اللي بتقبله وعلى فكرة فيه عرض خاص معي بعد اللي بتتزوجني بتلقى ملصق فيني كرتون شاي (( مدمن شاي من قلب )) يعني هذا العذروب الوحيد فيني :'( :'( تدرين يالجازي والله انك رهيبه اذا كنتي تعرفين وحده على مواصفاتي ارسليها الله لايهينك ((موقع اي زواج على غفله )) وترى ماني بناسيك في السعي ----> راعي عقارات الاخ والله ياني ضحكت على هالعبارة من قلب (( ليه ماتتعلمون مثلهم ليه ماتكون حبيب القلب قبل وبعد )) كنها وصفة علاج كحه خخخخخخخخخخخخخخ تشكراتي جويزي على الموضوع الرهيب قداً والحقيقه نصائح صحية مفيده تحياتووووووووو سعيدان[/c] اخر تعديل كان بواسطة » سعيدان في يوم » 23-04-2003 عند الساعة » 00:27. |
|
|
|
|
23-04-2003, 04:42
|
#3 |
|
..
|
[c] الله الله ياست الجازي المخرج عاوز كذا؟؟؟!!! يعني كله هلس بهلس وبكيذا تضمن انها لو شافت هاني شاكر ولاّ جواد العلي راحت تتطفي التلفزيون لأنك بنظرها احلى هههههههههههههههه الله يهديك مالقتي الا الشيون!!! اجل ويش تبي تسوي لو شافت خالد الملا والا رابح صقر؟؟؟!!! تحياتي لك [/c] |
|
|
|
|
23-04-2003, 12:34
|
#4 |
|
|
سعيدان شاكره حرصك وأسبقيتك في الرد لي عوده للرد عليك بالتفصيل |
|
|
|
|
23-04-2003, 13:31
|
#5 | |
|
شــاعــر
|
Re: ليه ياشبابنا ماتصيرون مثل ممثلين السينما !؟
إقتباس:
الا على طاري جواد يابو عليا ياخي لي شهر ادور حلاق يضبط لي تسريحه خالد الملا بس مالقيت ياخي يقولون فيه باكستاني بمنفوحه يضبطها بس محد عطاني الوصف مضبوط ولايهمك كلام المتزوجات تراها اشاعات مغرضه وش حليلهم ربعك بس انتم مايعجبكم العجب |
|
|
|
|
|
23-04-2003, 21:49
|
#6 |
|
عضو شعبيات
|
[c] اختي الجازي شكرآعلى الموضوع الشيق ولكن لنا نحن الرجال شروط ايضآ ؟؟؟؟؟؟؟ ترى الشاب السعودي يعجبك أحسن من غيره لايغرك الوجيه الي تطلع في الشاشة. مرة وانا اتمشى في سوق الخضار حصلت عرض يقول لك تزوج سعودية واحصل مجانآ على .............................. خواتي متجمعات ودني لاهلي اليوم تعبانه ومالي خلق مرور اخوك في البيت مايريحني ويش يبي لاتروح تسهر مع اخوياك وتخليني ودني للسوق ابشري لي ملابس [/c] |
|
|
|
|
24-04-2003, 03:38
|
#7 |
|
رفيــق الحــزن
|
الجازي ياهو موضوع رهييييييب وحساس وهذي قضيّه مهمة جدا ... انا من رأيي المشكلة ماهي من طرف واحد المشكله ياختي من الطرفين الزوج والزوجه لو ان كل واحد عرف اللي له واللي عليه ما صار اللي صار وصرنا نتمنا نكون ممثلين او تكونون ممثلات ايه ممثلات ترى بعض الرجال يتمنون ان حريمهم يصيرون مثل الممثلات ماهو في كل شي بس في بعض الحركات مثل ما قلتي ومنها بحبك يامرسي ومش هاعيش من غيرك انا هانتحر لو ما اتقوزناش ماهوب ياحسره وينك فيه وين بتروح ودنا جبنا لا واذا صار عنده عيال كملت ودهم مشهم واشترلهم وهذا كله ماهو مشكلة المشكلة في طريقة الطلب واسلوب عرض الطلبات وهذا مربط الفرس ... وبصراحة وعلى بلاطه ما احد يلاحظ اذا كان في السوق الاجانب والعرب بالذات وش لون يمشون ويتشاورون هذا اذا ما كان ماسك يد زوجته وهات ياضحك وسوالف واذا طلعو من السوق ما معهم الا كيس صغير الظاهر ما فيه الا علك وشراريب ههههههههه تحس بالقهر اذا كنت متزوج وحده كنها رجال ما غير تصارخ واربعين عربيه مشتريات تجرها وراها والضعيف يعيّط ويدفع وما تخلي محل الا ودخلت وحاسته ولا تخلي دور الا تدور فيه حتى لوه مواقف يمكن تلقا عجوز تبيع حنا والا بيزه والا علك صعرور خخخخخخخخخخخ وبعد هذا كله ما سويت شي وانت اغلط غلطه بس وتشوف الزوجه تنقلب وحش وتنشب في حلقك وما يفككم الا اقرب قسم الله يكفينا الشر ... وبعدين اذا الحريم يبغون الرجال يعاملونهم معامله زي الناس خلهم يهتمون في انفسهم شوي مهوب هالكروش والشحوم واللحوم ويبغون الرجال يدلعونهم لا ويضحون بحياتهم علشانهم وانا ما اعم انا اخص بعض الحريم مهوب كلهم ... وخلاصة الموضوع بأن هناك شيء يسمى الاكتفاء الذاتي واذا ما اكتفى الانسان ذاتياً بحث عن ما يكفيه في مكان آآآآآآخر سواء من التلفزيون وغيره والله يجازي القنوات الفضائيه اللي طرحت مجال المقارنه اللي كنا في غنى عنه وكنا نشوف ونسكت والحين نبي نصير ممثلين وممثلات علشان نرضي انفسنا .. اخيرا وليس آخراً ما تحدثت به لا يعدو كونه وجهة نظر شخصيه وقد اغيرها في يوم ما اذا والا بلاش لان الشق اكبر من الرقعه . تقبلي تحياتي ورايي بصدر رحب وهي سيرة وانفتحت . |
|
|
|
|
24-04-2003, 05:34
|
#8 |
|
|
سعيدان الله حيّه ((( توه ما قد اعرس وكله رقه وحنان وعبدالسميع ))) ويعرف يلبس تكميلة رياضة على نعال زبيراويه ويتمشى على الكورنيش في عز الرطوبه ومايعرف يلعب بلوت ولا يعرف يسهر ولا يعرف يماشي الشباب كثير ولا يتمشى بالاسواق ومواصفات مثل مواصفات عادل ادهم وسيلفستر ستلوني وسلامه العبدالله وليده من قلب وليده بس وين اللي بتقبله وعلى فكرة فيه عرض خاص معي بعد اللي بتتزوجني بتلقى ملصق فيني كرتون شاي (( مدمن شاي من قلب )) يعني هذا العذروب الوحيد فيني سعيدان أنت مضيّع وانا اختك مانستقبل طلبات زواج :face: انت فهمت اني خطّابه !؟: موضوعي عن مرحلة مابعد الخطوبه , والأماني والطموحات وبيوديها القمر ويعطيها من مساهيل الأرض , ثم اذا تزوجها شهر شهرين , لاوي بوزه ومكشّر , مايناظرها اذا كان موجود معها , يتحجج بالجرايد , بمكالمات اصدقاه, ياخوي شبابنا مافيهم رومانسيه ابد , ويخلّونا من غير نناظر هالمسلسلات ونتمنى نشوف هالرقه في المعامله بين الأزواج وأولهم امهاتنا وابواّنا . ان كان ياسعيدان فيك هالرقه فأبشر كل البنات رقيقات الاّ في حالات استثنائيه وتعتمد على الجو اللي متربيه فيه , ياتصير عدوانيه , ياتصير رومانسيه :face: :": تعتمد وش كثرالله راضي عليك أما ملاحظتك على سؤالي : ليه ماتكون حبيب القلب قبل وبعد ذكرّتني بالعلاج قبل وبعد الأكل ولاّ أعلان مازولا :face: بس انا اقصد فيها الخطوبه وبعد الزواج :? انا اللي أشكرك ياسعيدان على مداخلاتك وياهلا بك كل وقت |
|
|
|
|
24-04-2003, 06:02
|
#9 |
|
من كبار شخصيات الديوانية
|
وتضيف الكاتبه لماذا المرأه تعجب بنجوم السينما ؟ بلاها والله ضيق الافق والنظره العقيمه اللي ماتتعدى ارنبة خشمها هع هع هع تفرجوا ياشباب هذي نمونه من امهات المستقبل شوفوا كيف نظرتها هذي من اللي بكره بـيقال عنها الام مدرسةٍ اذ اعددتها.....الخ شوفوا تفكيرها جيل قادم يرثى لحاله.. من اردى في اردى <----- استلمها وشكله بــيـنجلد |
|
|
|
|
24-04-2003, 21:51
|
#10 |
|
عضو شعبيات
|
أختي الجازي
مافيه أمل يااختي الغالية ادي الله وادي حكمتوااااااااااااااااا . الله يعوضنا خير في الجنة أن شالله بس ياخوفي يطيحون في كبودنا بالجنة بعد واللي صاير من تعتقدون سببه المراه بطبيعتها رومنسية وناعمه وحالمة بس رجالنا الله يعين . وعلى كلام أخوي عبد الرحمن اللي اعجبني تناوله للقضية بس هو كان بصف بني جنسة على طول . وبصراحه اخوي اذا شفت السوق تلاقي الرجال السعودي يمشي مفحط وسابق زوجته وتاركها المسكينة تشيل العيال والاغراض وتجمع هذا وتنادي هذا وهو متفشل منهم وهارب ولا إذا شاف واحد يعرفه الطامة الكبرى روحي بعيد يامرة اذلفي كنك منتي لي . ويسوي نفسه مهم عياله . ولا إذا راحوا مطعم سابقها على الكرسي وقعد واستلم الاكل يطفح وخلى الضعيفة . وإذا حطت شمعة بالغرفة قال بسم الله طفي ذاللي تجمع علينا السكن (( العفاريت يعني )) وإذا شغلت موسيقى هادية قال اعوذ بالله طفي ذا الشياطين اللي يتراقصون ويشغل لها . شعراء المحاورة بنصف الليل ((( ابووووووك يالرومنسيه )))) ولا إذا راحوا مكان تشوفين عينه بس هنا وهناك ومايلتفت يم اللي معه . المهم ملحوظه هامه (((((( الرجل الخليجي رومنسي مع كل الحريم الا زوجته ))))) اقووووووووووووووول الله يعوضنا فيكم خير الله الحين كلكم حاقدين علي يالله سي يوووووووووووووووووو |
|
|
|
|
25-04-2003, 05:11
|
#11 |
|
عضو شعبيات
|
رد متهووووووور علشان دانه (( يخطط على دانه معي يالجازي :? )) من باب اثرااااا الموضوع (( علي سوالف قال اثرااااا قال )) اقول يازيني وانا اتميلح بعض الاحيان مو دايم خخخخخخخخخخخ خخخخخخخخخخخاما المحاورة اللي تالي الليل ماقالت شئ .. لا وفيه ناس مايرتاحون الا على وشوشة التلفزون خخخخخخخخخخ خخخخخخخخخخخوبالنسبة لما ورد ذكره في رد اختي دوينه (( بدت الفلسفه الله يستر من التوالي يادكتور سعيدان )) وانها قالت في اخر كلامها ان الخليجي رومنسي مع كل النساوين الا مرته ( بدت تطلع الفاضيح نساوين ومرته الله يخلف على الثقافه يالممرض سعيدان ) المهم اني مابعد جربت واعرست علشان اشوف هل انا رومنسي مع الحريم وانواع الطناش للمره بنجرب ان شاء الله واقولك خخخخخخخخخخخخ خخخخخخخخخخخخالجازي الفزعه وانا اخوك تعالي حاولي معي في دوينه اغديها توافق واعطيها المواصفات اللي في ردي يمكن لعل وعسى توفقين بين ضرسين بالحلال قصدي راسين بالحلال بليز تفكين ارجوس اكسكيوزمي ثانكيو تحياتووووووووووووووووو سعيدان المزيون |
|
|
|
|
25-04-2003, 08:06
|
#12 |
|
|
عبدالرحمن اليحي الله مير انك تحييه اجل هاني شاكر وجواد العلي شيون الشور شورك ! تسلم على مشاركتك في الموضوع |
|
|
|
|
25-04-2003, 22:09
|
#13 | |
|
|
Re: Re: ليه ياشبابنا ماتصيرون مثل ممثلين السينما !؟
إقتباس:
اي والله الله من الجلافه اجل اربع الله لايبلانا :face: اجل الحرمه تفني شبابها وعمرها علشان زوجها وعيالها وانتم ماتبون تضحون ابد ! والله كلام المتزوجات يقولونه عن تجارب مأسآويه وانتم اللي مايعجبكم العجب ولا الصيام في رجب البنات تطالب معامله حلوه وكلام حلو , اجل مع اصدقاكم اخلاق والضحكه من هنا الى هنا ( ) والى رجعوا الشباب بيوتهم انواع التكشير والنفس الشينه :ha: :bozo: :face: خذوا العبر من الأجانب شوي الله من الأحترام يفتح لها باب السياره ويسكره :bozo: يقرب لها الكرسي في المطعم اذا راح معها :ha: ويقعد يوشوش هو واياها ( نفسي اعرف وش يقولون ) << ملقوفه :ha: وهو تلاقيه متزوجها من عشرين سنه , شموع في جو هادي, عشرين سنه وش عندهم سوالف ماقالوها !!؟ شبابنا شهرين ثلاثه ويورّي زوجته غبار رجليه <<< مستقبل باهر ولله الحمد خالد مشكووور على مشاركتك اللي في صميم الموضوع . |
|
|
|
|
|
26-04-2003, 01:41
|
#14 | |
|
|
إقتباس:
الله حيه والله دارين يقول المثل مالك الاّ خشمك ولو هو عوج بالنسبه للعرض لاتتحججون الدعوه على جريف يعني مالها اي حق تتذمر :face: :ha: :": والله المسكينه صدق وياليت عاجب :ha: :face:  شكراً لتفاعلك مع الموضوع:corn: |
|
|
|
|
|
26-04-2003, 11:53
|
#15 |
|
عضو شعبيات
|
الجازي خلينا نقولك سر انا اللحين اذا رحت انا وزوجتي لمطعم ولاّ سوق ودنا نسوي كل اللي تقولين عليه يستاهلون , لكن الناس ماتتركك لحالك مافيهاشي نفتح لهم الباب ونسكره ولاّ امسك يدها واحنا ماشين امسك عنها الأكياس كلها , من حقها نخدمها برا البيت وهي شايلتنا جوا البيت من خدماتها لنا ولعيالها لكن وش يقولون الناس لو شافونا كذا ( رخمه ) زوجته ممشيته على العجين مايلخبطه ماهنا تقدير وانا اخوك ! تلاقيه هنا يترسم شوي بس اذا الواحد سافر ياخذ راحته شوي لاحسيب ولا رقيب ولا خوف من الناس تنقد علينا ! والله موضوع يستاهل النقاش فيه تسلمين يالجازي لاعدمناك |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
