[فهد الغبين]

ياعازفة ..قيتارة الحزن ..غني=موال موتي في بدايه ..نهايه
واغضي علي بالصوت ..لادندنني=اهات صدرك ..ثم ردي ورايه
ماكان مني ..أأه ..من كان مني=اللي نهيته ..صح ..قبل البدايه
طفل ..عطاني صدره ..وقال كني=واصبح ..حسب ما اضن اول هوايه
طفل ٍ ..رماه البعد ..والصد ..عني=واعلن وفاته ..يوم قصر وفايه
طفل سكنته حب ..وهو سكني=في داخل غيوم السماء ..وبرضايه
لكن شطني ..ااه لو ماشطني=في كثر اسئلته ..وبحثه ..ورايه
كان المدا ..يمديه ..انه مكني=واعطيه ..من عالم خيالي حلايه
كان ..أوله ..بحساس لاجا حضني=يغيب ..لآخر ..حد ..حد بسمايه
وكان ..ايتمنى ..قبل عقله ..يجني=يكتب على صدري ..ويبدا القرايه
الف ..وهاء ..وميم ..لو يقلبني=ميم ٌ ..وهاء ..والف..عالم ضيايه
الفلوه ..اللي بعثرت ..من يبني=الايه ..اللي غيرها ..مافي ..أيه
احبها ..والحب ..به خاب ضني=عزاه ..ياحب ٍ ..نهته الروايه
ياماه ..صاح الطفل ..ياماااااه حني=ماعاد ..بي روح تحمل شقايه
تكفين ..ياروح الفقيد المغني=ردي النهايه ..وانتهي ..بالبدايه

[فهد الغبين]

مابين أنا ..والـ : لا أنا ..هذا :ح ـالي
في كل لح ـظة حالتي ..غير: ح ـاله

لـ : العيد ..يقدر ..يمسح اللي جرالي
ولا اللي ..جرالي ..يمسح اللي جراله

حالة ..تذبذب ..واقعه ..من خيالـي
تلبس كفن ..احساس ..مات بخياله

[فهد الغبين]

يشتاق لك قلبي ولو قلت ..ما أشتاق=دايم ياقلبي ..قلبي يصف جنبك
لكن ..دخيل عيونك ..يكفي إحراق=دخيل ربك ..كافي حرق ل محبك
بالليل ..اشوف الشمس ب اقبالك اشراق=وافز من نومي وانادي احبك

[فهد الغبين]

فيـ :ـني ..شعور ٍ ما عرفــت أح ـدده
لحظه عقل ت ح ـدها لح ـظه ج ـنون

[فهد الغبين]

من الغباء تعيش في عالمك حب=كلمة ..حقيقة ..عشتها ..من غبائي
هالحب ..قبر شعور ..واحساس يتعب=من مائي الاحساس لحساس مائي
من طب فيه ..يقال له ..يوم هو طب=هذا عزائي ..فيك ..أحسن عزائي
كتبتني حزن ..صعب كان يكتب=وسربت دائي ..وسط خمرة ..دوائي
والاصعب إنه ..لملم إحساس الاصعب=واعلن رثائي ..في رثائه رثائي
من لم يمره ..بنصحه ..له لايقرب=والا ترى بيذوق ..من سم ..دائي
أشرب ..واشرق منه ..واعيد ..اشرب=الين وصلت بي هنا ..ل ارتمائي
مافاد بي طبيب ..او فادني طب=باسباب ..غروٍ ..مر طيف ..بمسائي
كم شب بضلوعي حطب ناره وشب=نار الفراق اللي ..تشدد ..جلائي
حتى بديت ..أشب بضلوعي واحطب=وازعل حروف الهجاء في غنائي
لاقلت به ببدا الالف ..جاء تعجب=باء ٍ ينادي شوق ..فيه ابد ..بائي
وابدأ بحرف الحاء واقول مهرب=لان الوسط به خير ..به ببدا حائي
الف وحاء وباء في كافها حب=يعني نهاية كل حبك .. بكائي

[فهد الغبين]

لولا الالم ..مايشعر المرء ..بحساس=هذا (صحيح) أول مفاهيمنا (صح) ..!
ولولا الصبر ..مايشهق الحر ..الانفاس=في مجتمع ما راف به عانقه شح
من ماس كان ..وصار الماس به ماس=يقبل يموت بفقر ..عن قول يمدح
له صاحب ٍ لامر به ..جاه وسواس=وسمع عصافيرٍ ..بصدره تسدح
وبدن بلحنٍ كان للحب نبراس=ما للهوى غير المها ..اي مطمح
هذيك ..من حطت لها الصدر كراس=تذبح ..بوصل وبعدها الموت يذبح
لاباس ياقلب ..بدا يموت ..لاباس=خلك شهيد الحب ..واسمح واسمح
من باس طيف صويحبه يوم هو باس=قله ترى للحب في الطيف ..مسرح
من ياس هذا الصدر لمصادر الياس=ماني حجر شطرنج في يحتاج مطرح
انا الجنون اللي كسر ..صمتك احساس=وانا الذي علمك ..تضرب ..وتطرح
وانا الغرير ..اللي بك انغر ..وانداس=وعجز ..يذمك حرف ..لو كنت تجرح
علمتني ..كيف الهوى ناعم الماس=وعلمتك شلون بحزن روحي تفرح
ياغيابه ..صدري كسر ..هالقفص أس=واطلق عصافير الالم فووق ..تسرح
في عالم ٍ فيه المجانين ..جلاس=وكل ٍ معا خله ..من الشوق ..يمرح
فيها القلوب اللي بها طيش ..ووناس=الهايمين بعالم الحب ..الاشرح
من وقتها ..كان المدى ..يقرع اجراس=حتى صحيت بموتتي ..ماني امزح
شعر ..ب انه لعبة ٍمالها ..ساس=تحركت بيدين ..محبوبه ..بلح
وسمع بصدره نادر ٍ بالقفص حاس=وسمع بعد وشلون قام يتنح نح
وحاول ..يفل بما عقد له ..من امراس=حتى معه جمان ..قام يتمرجح
ساعة بدا يشوف في عين الاحساس=وجه الخيال بكل ما به ملامح
كنه يقول معاتب خافقي ..قاس=يامى نصحتك وانت ماتطيع منصح
لين اعترف إن الهوى لانشرب كاس=ماينفع اللي يشربه ..قول صحصح
مرت مثل طيف ٍ عبر لحظه نعاس=واعلن بان الحب ..له يبني أصرح
وصدق كلام إن الهوى ..كله اوناس=الين حس شلون الالام ..تنطح
وحس بشعور ٍ أغبرٍ ..فاق الافلاس=من قلب كم له كان كم كان مربح
صحيح ..هذا الموت لامن لفى ..ناس..!=ماهو بحاجة شخص ٍ يجيه ..يشرح
يجي كذا بشويش ..كاس ورى كاس=الين يثمل شاربه و يترنح
صحيح هذا الموت ..لو يملك أحساس=ماكان يقتل قلب ..ما امداه يفرح

[فهد الغبين]

كن غبي ..تكون ..ماتحلم ..تكون=كم غبي يجيب لاجاء منفعه
بين كاف ونون كان الكاف نون=أجمع اللي تقدر إنك تجمعه
كانت ..أغصان الوله ..من زيزفون=لين شال الصبح فاسه واقلعه
من عيون ٍ شافت الذل ..بعيون=كل دمع ٍ حاير ٍ ..جت تدمعه
فكل ماجر القهر دمع اللحون=فوق خد البين دايم يصفعه
لابدت فيه الاغاني ..والفنون=يبتدي نزف الجروح الموجعه
ياجنون الليل رفقا ياجنون=ف البشر مستنفع ومستنفعه
من تكون تعدل العالم تكون=والحكايه زيف حب .واقنعه
من تكون تكون ..مادامي أكون=من طرح طير الهموم وبرقعه

[فهد الغبين]

من عقب ماكانت هي القلب ..بالقلب=راحت بيدها ..واطعنتني بقلبي
هذا الالم ..لاحل ماعنه ..مهرب=هذا الالم يارب ..لجواك ..ربي

[فهد الغبين]

بكرة ..وبكرة ..تعرف شعور ..بكره=لامن ..لقت مافيه ..مثلك ..بالاحساس
بكره ..وبكره ..تفيق ..من كل سكره=وترجع ..اليك ..وكن ماصار بك باس
لكن ..اذا كانك فهد ..تبقى ذكره=تطرق هواجيسك اذا جات بالراس

[فهد الغبين]

اليا متى وصدري شجر للعصافير=لاذاق الاااهات ..فيه إتطاير
واليا متى والحزن ..بغيابها يغير=غيرة مغير غار ..لغياب غاير
واليا متى واخلا عصافيرها يطير=ويعاكس أسرب الفرح لاجاء طاير
ياحزن صدري ياضنك ..ماهو كثير=لانحت الورقى عليك ..بمناير
صمتك صداه حروف ..حزن وتكاسير=وضلوع صدرك كل ابوها كساير
قم لملم الاحزان ..لو ..لمها يثير=عقل غشاه الغيم ..بحساس ثاير
تقطعت كل السبل ..والمعاذير=ولا عاد ينفع عقب هذي عذاير

[فهد الغبين]

لا تحاول إنك ..ترجع تعيش إنسان=كم عاشت انا إنسان قبلك ..وكليت
هذا الزمن ..ماهو زمن صدق خلان=هذا زمان الكم ..والكيف ..له صيت
لو دان لك في يوم مادام لك دان=ومن بعدها ..صدقني ماتنفعك ..ليت

[فهد الغبين]

هذا الصدر عود ٍ عزف لحنه الهم=ياعود هذا الهم ..يحتاج له ناي
من كم يكتبني ..وانا اكتبه ..كم=وان رحت عنه بالغلط قال لي جاي
من سبة اللي بالخجل ...لاتبسم=كن الغيوم بوجنته ..تمطر ..رضاي
غروٍ مدلع زمني بالهوى ..زم=لين أستوى في عرش قلبي ..وجواي
ياليتني ..ياهل الهوى له ولد عم=كان الهوى مايبس ببعده ..رشاي
من غم بعده ..دلني في يده ..غم=حتى عرفت الهم ..مايقبل ..إعفاي
ضبي ٍ يقود الغيد ..والضبي ..مجرم=من قبل كبد ياعرب ..قطع كلاي
ضبي ..عليه الزين ..كامل ..مهندم=مابه غلط الا عناده ..لملقاي
ضبي الى منه مسك ورده ..وشم=تلقى الورود تشمشمه ...في تنداي
ضبي حنيفه ..فتنة القلب الاظلم=اللي ذبحني ..دون ما يطالع اخطاي
عذروبه إنه كل ماجاء وسلم=متعود ٍ يقول لي من الترف (هاي)
واليوم راح ..وعنه شلون احرم=اللي شعل بغيابه النار ..بحشاي

[فهد الغبين]

لو مالصدر دفتر مشاعر ..واحاسيس=ماكل اه ٍ تنزفر ..تكتب شعور
ولو ما..الصدور ..تصير ..دايم كراريس=ماكان هذا الحرف ..يكتب من النور
ولو ما ليلى ياعرب مانعرف قيس=ولاسطرت قصة غرامه على دهور
ولوما عصافير بصدري محابيس=ماكان بان الدمع بالعين ..منثور
العزف بحساس الالم ..ضرب لبليس=يرقى به على قمةٍ تحتها ..بور
واشعل أرق غيابها ..له نواقيس=وبدا يدور ..يدور ..ويدور..ويدور
لين إقتنع ..بان الهوى ..للمناحيس=اللي يحسبون الهوى ..حلم مبذور
وش جاب من مايملك ريال بالكيس=للي سكنها ..ياعرب أفخم قصور

[فهد الغبين]

راحت ..وانا من يوم راحت الحالي=واناوحالي ..نسأل ..شلون راحت
معقول ..راحت ..وانخسر راس مالي=معقول راحت ..والمشاعر ..تناحت
يابري حالي ..منها بري حالي=اللي لها ..كل الاحاسيس ..صاحت
أم الدلال ..اللي ضرت للدلالي=الي عليهم كل الاشعار ..باحت
الجادل ..اللي منها ..ماجرالي=شب الضلوع ومن الاوجاع ناحت
كن الضلوع العوج منقل ..دلالي=والدم بن ..ودلته أأأه فاحت
نفس السوال ..اللي جوابه سوالي=معقول حبي هموم عنها ..وزاحت

[فهد الغبين]

دخيل أمك ..وابوك ..وكل غالي لك ..ذبحتيني=تعبت إنزف أرق بعدك جروح وهمهمات ..وضيق
تعبت ..اغيب بحضوري ..وانادي لك ..بعد عيني=وانا ماعاد بي حمل بعد عيني ..على التفريق
تعالي ..واحضني صدر ٍ سكنتيه ..وشطن فيني=تعالي ..لملمي حزن ٍحزين ٍ مابعدك ..يطيق
تعالي يابعد كل البنات ..إن كان ..توحيني=تعالي ..واسمعي صوت .. يضك بصدره التخنيق
خنقتيني ..خنقتيني ..خنقتيني ..خنقتيني=فراق يامها نار ..بدت بضلوعي ..التحريق
أحبك لعنبو ..جد الغرام المرهق ..احييني=أحبك لعنبو ..جد العذاب ..ابيك لحلمي التحقيق
حياتي ..يابعد عمري ..ياعيني ..من يسليني=بعد مارحتي والدنيا بعيني ..ثامله ..ما اتفيق
تعالي يامها ..تكفين ..طلبتك يا مها ..اكفيني=انا ماني حمل صدك ..ياروحي والجروح تويق
تعالي ..واحضني طفل حزين ..قال لك ..ويني=وهو يعنيك ياعمره لانك في بحرك ..غريق
مهاتي ..والذي سوى السماء بلا عمد ..سيني=ذبحها يامها صد ..لبس جيمك ..بلا ترفيق
حياتي ..دادتي ..بيبي ..مناتي ..لا نسيتيني=أمانه هو بقى شي بهالدنيا ..يبي تصديق
تعالي ..واسقي عروق ٍ بذرتيها ..و بذرتيني=تعالي وانزعي هم ..جرعته قبل افك الريق
أحبك ..يامها ..والله ..وروح القدس ..أحبيني =اما ان الاون انك تجيني ..يكفي التشويق
تعبت من الزماني اللي ..عبث ..يعتم تلاويني=تعبت من الرماد.. اللي ..يناديني ..الى التعتيق
تعبت ..من الدخان ..اللي تسحب في شراييني=تعبت من الذي تدرين ..ياعمري عن التدقيق
تعبت من الطحين ..اللي رحاته ..جت بتطحيني=تعبت من الدقيق اللي دقيقه ..كم يسم دقيق
تعبت من الضباب اللي ..يغيبني ..وينفيني=الى عالم هو الاخر مهاتي ..معتم ..وما افيق
حياتي يازهر عمري ..أهون ..اهون ..ياعيني..!=أمانه يامها كاني أهون ..الموت ..قبل الضيق