[عبدالرحمن الربيّع]

اخوي صالح تعال نسولف شوي
.
.

الحال ياصالح مثل منت شايف = كلش غلا والله يستر من الجاي
قمنا على الماضي نعض الشفايف = ما باقي الا نغمس الخبز بالشاي

مجرد دعابه

[صالح العبدالكريم]

لاااا وإنتظر يا ابو العيون الهدايف .............. دام الربع كل ٍ مسنّد له براي والخمسه اللي طلّعوها حسايف ............ دق التحيّة لأهلها وإعزف الناي

[عبدالرحمن الربيّع]

استلم طال عمرك

الشيخ وافي والبلا فالجعايف = من معشر التجار ياخوك شكواي
اللي غدت اسعارهم بالنوايف =الين ضعنا بين بايع وشراي

[صالح العبدالكريم]

لو كل تاجر .. من عمايله خايف ............. وإنّه يحاسب .. ما تمادى لمخباي كنّا نبي العون .. وندوّر خلايف ............ والحين ضعنا .. وإدفن السالفة باي مشكور يا ابو رياض

[أحمد الديهان]

.



الله عليكم
كلامك في الصميم ..


تسلمون ..،، والله يعطيكم العافيه ...



.

[عبدالرحمن الربيّع]

بندفن السالفه

صح لسانك يابو بندر ..

وتسلم لا عدمتك .

[عبدالرحمن الربيّع]

هلا والله ابو ديهان ومشرّفنا يابعدي ..

يسلمك ربي ولا عدمنا مرورك .

[بتول آل علي]

كبااااار

و يا ليت هالابيات تُعلّق على بوابة كل المحال التجارية

يمكن يحسّووون



صح لسانكم جميع



الدهور

[حربيه]

صح قلمكم

جميــل ما سطره الينـا قلمــكم ,,


تحياتي لكم..

[غصنٍ من يباس]

الله عليكم : )

استمتعت هنا والله

..

شكراً لكم / عليكم

[سمـا خير]

خــلوها ..
.
.
محاوره شعرية رائعة ليتها طالت شوي ..
.
.
أحلى شي تشات بالقصائد ..
.
.
شاعرنا صالح وشاعرنا عبد الرحمن أحمدو ربكم هالسنه الأسعار ثابته وفيه عروضات كثير <<---- توها جايه من الدانوب
.
.
.
.
بارك الله فيكم وفيما كتبتم ..

[عبدالعزيز الشهري]

يعطيكم العافية محاورة هادفة امتعتني

احترامي