[سعيد بن مقبل الأكلبي]

ياحلاّق ياللي عندك المجرفه والموس=تعلّم وقص الروس حتى تجي حلاّق
ولا تاخذك رحمه ليا شفت كُبر الروس=تراها كبار وضارياتٍ على الفِلاّق
فيها مضرب الليور وفيها ضروب الفوس=مخابط مضاربها وساعٍ مثل الانفاق
ولا همّها المشرط ولا شكة الدبّوس=اخذ راحتك واصلخ ومن زعل بالطقاق
هذولا رصاصٍ يحتري ضربة النادوس=يطير ويعير ويحترق في سما الافاق
ولا يانديبي فوق وارد جديد جموس=حفيز الجميحي مابعد فرّه السواق
تلفّه قراطيسه مثل عمّة الهندوس=لا جا عاصبٍ راسه يبي هدّةٍ وخناق
على راس خشمه ودّك انك تبوسه بوس=وترجع تبوس عيونه اللي ماهيب ضواق
لامنه اشتغل لاكنه يقول ميدك دووس=قوي العزم ماله شبيهٍ على الاطلاق
على مركبٍ كنّه مثل سلطنة قابوس=فخامة تسرّ البال وتزيّن الاخلاق
نبي ديرةٍ برّاقها كن فيه كبوس=سرى ليله البارح وهو يصطفق صِفّاق
نجي الارض دايسها المطر طول ليله دوَس=مشاقيق سيله شقّت بطونها شِقّاق
وغدرانها تطفح زلالٍ مهو محيوس=عليها طيور البر من بينهن عناق
وريحة نداها تبهج الخاطر المتعوس=وبارد هواها يشرح الصدر لامن ضاق
بعيدٍ عن الساحل وعن قرصة الناموس=وعن ريحة البترول من بيبه الدفّاق
وعن جوّه اللي لا انكتم كنّه الكابوس=تجي في الريايا ضيقة النفْس والخنّاق
وبعيدٍ عن اللي ماورا صحبته ناموس=ولا بينها والطيب علاقةٍ ووفاق
خويٍ على وقت الرخى محْزمه ممسوس=ولاجيت تبغي تحْتزم به يجيه فتاق
لا قابلْك قام من الطرب يلّعب المنكوس=ولا غبت عنه شوي علّقك في المعّلاق
هذا والله اللي صحبته كلبوها سوس=عسى اللي حفظ راعي الوفا يكشف البواق
وجيه المصالح تتبعك حد معك فلوس=ولا باحت فلوسك يهجّون عنك سباق
تجَمّعهم دروب الطمع لو صحن مكبوس=مشاريع صحبتهم على الطاق والطرباق
ويبقى الوفا والطيب في صاحبه مغْروس=يطول الزمان وراعي الطيب له سبّاق
رِْجالٍ تبادلك الجمايل بطيب نفوس=وشيكات عزٍ في رصيدك ماهيب اوراق
ومن جمّله ربّه وزيّن له الملبوس=يجي في العيون اجمل من الشمس في الاشراق
ومن جا يقوس الناس يصّبر لاجاه القوس=اما تنهكه الاحمال والا يجيه اعتاق
هذي المرجلة ماهيب تحتاج مخْذ دروس=تبي واحدٍ يتعب لها بالقدم والساق
وياحلاّق ياللي قمت تصّرم كبار الروس=قبل لا تقص الروس حوّل على الاعناق
ولاجاك راعي الطيب لاتجرحه بالموس=ترا راسه الطيّب ما يستاهل الدِنّاق

[محمد مدران اليامى]

الرائع ابن مقبل..

صح لسانك ..حضورك دايما مليان بالشاعريه ..

[مزون المحمد]

,,

هنا رسالة ماستر في علوم المرجلة
تقدمها للأجيال تلو الأجيال ..
هنيئاً للشعر بـ شاعرٍ مثلك
دمت مبدعاً أخي سعيد

,,

[نورة العجمي]

ويبقى الوفا والطيب في صاحبه مغْروس
يطول الزمان وراعي الطيب له سبّاق

رِْجالٍ تبادلك الجمايل بطيب نفوس
وشيكات عزٍ في رصيدك ماهيب اوراق

صح فكرك ياسعيد
فكره جيده صغتها بهندسة شعر
لاعدمنا هالحضور اللي نفتخر فيه

كل الود والورد

[نوف الثنيان]

دائما قصائدك تحمل فكر وشعر ..
ورسائل حكيمة ..
صح لسانك ..

تحياتي وتقديري .

[سفرالحارثي]

الشاعر سعيد الاكلبي

صح بوحك ودام حرفك ولله درك

مبدع ومتالق للغايه جميل الشعر ماقراته

تقبل ردي وتقديري وعلى القوة

اخوك ابوعبدالمجيد

[الجازي]

سعيد بن مقبل الأكلبي

بمجرد قراءة أسم هذا الشاعر ..
ندخل المتصفح ونحن على ثقة بأننا سنقرأ
أفكار جديده بقالب طريف ممتع
دمت لنا ..
متميز دائماً ..
أنقى تحية ..

[احمد عوض]

العمده سعيد بن مقبل

لا كلام عقب ذ/الكلام

الله يبيض وجهك

قريتها للشايب وقال هذي كيف طرت عليه وهو يظحك اعجاباً بها


صح لسانك والله يعلي شانك يابن مقبل


كل التقدير استاذي

اخوك

احمد عوض

ا

[مشعل]

لشاعر الكبير سعيد
صح لسانك
قصيدة في الصميم
لاعدمنا فكرك وشعرك

[سعيد بن مقبل الأكلبي]

إقتباس:

الرسالة الأصلية كتبت بواسطة محمد مدران اليامى
الرائع ابن مقبل..

صح لسانك ..حضورك دايما مليان بالشاعريه ..

ارحب يامحمد
والله يجمّل حالك على مرورك الرائع

[سعيد بن مقبل الأكلبي]

إقتباس:

الرسالة الأصلية كتبت بواسطة مزون المحمد
,,

هنا رسالة ماستر في علوم المرجلة
تقدمها للأجيال تلو الأجيال ..
هنيئاً للشعر بـ شاعرٍ مثلك
دمت مبدعاً أخي سعيد

,,

وهنيئا للمتصفح بك
لاهنتي على مرورك

[محمد الدحيمي]

سمممممممممممممممممممممممممممممممممع

بدون صخب

هنا سعيد الأكلبي

واستمتاع بالقراءة

فووووووووووووووق ياشعر

[خالد العروي]

قصيدة مريت عليها كثيرا ولم أجد ما يناسبها من كلمات

لكن ما أقول غيرصح لسااااااانك وسلم فكرك ياجبل

تحيااااااااااتي وتقديري لشخصك وشعرك

[عبيد البديري]

ويبقى الوفا والطيب فـي صاحبـه مغْـروس يطول الزمان وراعـي الطيـب لـه سبّـاق

رِْجـالٍ تبادلـك الجمايـل بطيـب نـفـوس وشيكات عـزٍ فـي رصيـدك ماهيـب اوراق

ومـن جمّلـه ربّـه وزيّـن لـه الملبـوس يجي في العيون اجمل من الشمس في الاشراق

ومن جا يقوس الناس يصّبر لاجـاه القـوس امـا تنهكـه الاحمـال والا يجيـه اعـتـاق

هذي المرجلة ماهيـب تحتـاج مخْـذ دروس تبـي واحـدٍ يتعـب لهـا بالقـدم والسـاق

وياحلاّق ياللي قمت تصّـرم كبـار الـروس قبل لا تقص الـروس حـوّل علـى الاعنـاق

ولاجاك راعـي الطيـب لاتجرحـه بالمـوس تـرا راسـه الطيّـب مـا يستاهـل الدِنّـاق

الله الله
ما اجملك ياسعيد
شاعر كبير وتكتب من واقع تجربة كبيرة
في عالم الشعر الجميل نص فاخر وحضور
شاعر علم معتاد منه الجمال

لك مودتي

[سعيد بن مقبل الأكلبي]

إقتباس الرسالة الأصلية كتبت بواسطة نـــورة العجمي ويبقى الوفا والطيب في صاحبه مغْروس يطول الزمان وراعي الطيب له سبّاق رِْجالٍ تبادلك الجمايل بطيب نفوس وشيكات عزٍ في رصيدك ماهيب اوراق صح فكرك ياسعيد فكره جيده صغتها بهندسة شعر لاعدمنا هالحضور اللي نفتخر فيه كل الود والورد

ارحبي يانورة
والله يحييك ويحيي ردودك الرائعة