[خالد العروي]

أدري إن الوضع يصعب على بعض الحضور = والخواطر كسرها صعب والمعنى بعيد
والليال تمر وتمر وتمر الشهور = في مكانك سر مابه من الطاري جديد
راح نبقى بالشواطي على جال البحور = دون نسبح وسط الأعماق ونجيب الفريد
كان ما بان الخطا ما عرفنا وش يدور = على هالمنوال نمشي ونعطيكم مزيد
لو نغض الطرف يمكن على بعض الامور = لكن يصعب صب أساسات من غير الحديد
لا مجامل بالقوافي وتمرير الكسور = ما نبي جبر الخواطر على كسر القصيد
لجل ما تكثر مع الوقت ويزيد القصور = ونتساهل عبر الايام ويقل الرصيد
من خطانا نستدل الطريق إلى العبور = لا وصلنا مبتغانا هذاك اللي نريد
ودنا بالنصح من دون تجريّح الشعور= بالعلوم الطيبه عن سواها ما نحيد
والله إني ما أدور على هدم الجسور = بس ودي كلّنا من بعضنا نستفيد
يمكن اني قد تخطيت في بعض السطور = أعذروني يا أهل العرف والراي السديد

[احمد عوض]

خالد العروي

الف صح لسانك

والله يعلي شانك

هذا الصحيح يا خالد

(منا الى اصحاب الشأن)

دمت بصحة وعافية

[سالم بن جلعان]

هلا وغلا يا خالد
روووح رائعه وفكر مميز
عقليه مميزه تأطر بها النص ...
ورؤية واقعيه طرحتها هنا ممزوجه بالغربه الصادقه
للرقي من الجميع ... وتشكر عليها
نصك جميل يا خالد

تسلم وتقبل اعجابي


اخيك

سالم

[نورة العجمي]

لا مجامـل بالقوافـي وتمريـر الكـسـور ما نبي جبر الخواطر علـى كسـر القصيـد

لجل ما تكثر مع الوقـت ويزيـد القصـور ونتساهـل عبـر الايـام ويقـل الرصيـد

معك حق ياخالد
انت رايك سديد وانت راعي محل
شعبيات واحة لكم
السماء صافيه والأرض خضراء والقلوب نقية
واذا رأيت مايستوجب الملاحظه لاتتردد
لاأحد يتعلم بدون مايستفيد من اخطاءه
لاعدمنا وجهة نظرك المخلصه واللي في محلها
صح لسانك
ولا عدمنا هالحضور آمين