[سالم بن جلعان]

الصوت ...

الا يا طير بلغ لي سلامي = الى نسل الكريم ابن الكرامي
وقل له لا يجي فالبال شكه=لو الذله مطر لآموت ضامي
واذا حد ساق له عني دسايس=فتالية الضيا يجلا العسامي
وانا باقي على خبره وببقى=الين تضم في قبري عظامي
انا أخسر جاه واخسر مال يمكن=ولكن عزتي .. لا بالحرامي
لو الدنيا خذت ما هم غيري=ضحكت وقلت يالدنيا سلامي
سلامي يا قصور ٍ ما تظلل=سكنها البوم لين اضحت هدامي
سلامي يا مشاهيبٍ تراما=خذت دور (الأبابيل) الحمامي
وسلامي يا بسوس تهش جربا=على عد ٍ روت منه الحيامي
وتشعل حرب ما يطفي شررها=سو تركيع روس وشغل حامي
اذا حرب البسوس افنت قبايل=فانا دون القبايل بالحسامي
لو اجندل ما اقفي واترقب=ومع من فاز اسوق خطاي عامي
لهذي الدار في نفسي مكانه=وللي حلها كل احترامي
وانا رجال اميز واتميز=ولا ارضى حد يقلل من مقامي
وانا لي صحبه .. وأحشم واقدر=ولا اوقف كما اللص الحرامي
اوقف وقفة جدودي وخابر=لو آدنق شناني كل يامي
اوقف وقفة جدودي وأحاول=اشوف الطيب قبل اقرا الاسامي
واخاوي كل طيب واتخير=خويٍ ما يهمه رمي رامي
خوي ٍ ليوجب وقت المصامد=ظهر راسه في الصف الأمامي
لما شاف الحجج كبرت تقدم=وذا استعصت يصمدها الجهامي
هذاك اللي بخوته آتشرف=ابن مدران يالحر القطامي
سليل اللي معنين الركايب=ومد كفوفهم كنه الغمامي
فيا طير السعد رح له وقل له=عتبه امضى من طعون السهامي
وانا لو في يدي غيرت واجد=هدمت بيوت تسكنها النعامي
وخليت الذواري صفق فيها =تلاعب بالدرايش والحطامي
ولكن وجه من له وجه عندي=خذ اللي خذ وخلا لي الملامي

الصدى ...

وردت العد..تالي الليل ظامي=وكلا له نظام ولي.. نظامي.
وردْت وخابر اني لي وردْته=تخطْفته..كما الحر القطامي.
هلا يامرحبا مالاح بارق=وماحن الرعد.. شرق وشامي.
على العليا يبو يمنى سمينه=ووجه النور جلاى الظلامي.
خوي الطيب مايلحقْه شكه=لحيث انه من ربوع(ن)حشامي.
اعرفك وانت فيما قلت صادق=شهادة حق.. مافيها كلامي.
خويي في النفس والضيق دايم=ولا انت ب لا ردي ولا انهزامي.
لاوالله غير كفو..وكفو غصبا=ولا فيها خوال ولا عمامي.
وصلت بطيب راس وتستحق ال=نعم ..والدار بلغها سلامي.
علي ميراد بقعا..شفْت بقعا=تخطف النوم..وتصحي النيامي.
تلوذ بريح عنْبرها..وتنْفح=بليل فيه من مسك.. الختامي.
ونحْيت الشعر واوْميت للي=لها وقع كما وقع الحسامي.
تخطم الريح لي هاجت وماجت=وتسري بي على جنح الغمامي.
ويممت الطريق السمح وجهي=علي الله اعتمادي..واعتصامي.
بعروة حق تجلا كل ظلمه=وربع قدحهم حامي..بحامي.
تبارينا علي طيب ومعزْه=ولا فيها انتقاد وْلا ملامي.
تجاذبنا علي بوح القوافي=بشعبيات مدهال الروامي.
سلام الله على هلها عدد ما=تهب النود..وينوح الحمامي.
ولك مني تحيه وانت سالم=ملاها الشكر في مسك الختامي.
وصلي الله علي محمد واله=شفيع الخلق في يوم الزحامي.

[محسن سبعان]

الشعر صوت لا ينقطع ، وصداه باق !
تفرّدتما احتراماً ، وتقديراً ، وشعرا !

[سعد اليامي]

صح لسان صاحب الصوت

وصح لسان صاحب الصدى

إبدااااااع ..

ويعطيك العافية على إدراج الموضوع

.,’.,’.,’’
أنا اليوم عضو جديد بينكم وسجلت لسببين :
الأول : لسمعة هذا المنتدى ومايضم في طياته من الشعراااء والمبدعين والأقلام المميزة .

الثاني : لتواجد المبدع والشـاعـر "" محمد مدران " الإنسان - الخلوق - الشاعر -

لأني أولا من جمهور محمد . وثانياً : لأني متابع لهذا الشاعر المبدع..

واااصل تميزك يامحمد ربي يوفقك
وأنا متابع لآخر أخبارك ""
ولي الفخر كونك واحد من شباب ربعي .,’ .,’
تحياتي : "" إنسان مجهول "

[كل البدو]

الرسالة الأصلية كتبت بواسطة سالم بن جلعان

الصوت ...

الا يا طير بلغ لي سلامي = الى نسل الكريم ابن الكرامي
وقل له لا يجي فالبال شكه=لو الذله مطر لآموت ضامي
واذا حد ساق له عني دسايس=فتالية الضيا يجلا العسامي
وانا باقي على خبره وببقى=الين تضم في قبري عظامي
انا أخسر جاه واخسر مال يمكن=ولكن عزتي .. لا بالحرامي
لو الدنيا خذت ما هم غيري=ضحكت وقلت يالدنيا سلامي
سلامي يا قصور ٍ ما تظلل=سكنها البوم لين اضحت هدامي
سلامي يا مشاهيبٍ تراما=خذت دور (الأبابيل) الحمامي
وسلامي يا بسوس تهش جربا=على عد ٍ روت منه الحيامي
وتشعل حرب ما يطفي شررها=سو تركيع روس وشغل حامي
اذا حرب البسوس افنت قبايل=فانا دون القبايل بالحسامي
لو اجندل ما اقفي واترقب=ومع من فاز اسوق خطاي عامي
لهذي الدار في نفسي مكانه=وللي حلها كل احترامي
وانا رجال اميز واتميز=ولا ارضى حد يقلل من مقامي
وانا لي صحبه .. وأحشم واقدر=ولا اوقف كما اللص الحرامي
اوقف وقفة جدودي وخابر=لو آدنق شناني كل يامي
اوقف وقفة جدودي وأحاول=اشوف الطيب قبل اقرا الاسامي
واخاوي كل طيب واتخير=خويٍ ما يهمه رمي رامي
خوي ٍ ليوجب وقت المصامد=ظهر راسه في الصف الأمامي
لما شاف الحجج كبرت تقدم=وذا استعصت يصمدها الجهامي
هذاك اللي بخوته آتشرف=ابن مدران يالحر القطامي
سليل اللي معنين الركايب=ومد كفوفهم كنه الغمامي
فيا طير السعد رح له وقل له=عتبه امضى من طعون السهامي
وانا لو في يدي غيرت واجد=هدمت بيوت تسكنها النعامي
وخليت الذواري صفق فيها =تلاعب بالدرايش والحطامي
ولكن وجه من له وجه عندي=خذ اللي خذ وخلا لي الملامي

الصدى ...

وردت العد..تالي الليل ظامي=وكلا له نظام ولي.. نظامي.
وردْت وخابر اني لي وردْته=تخطْفته..كما الحر القطامي.
هلا يامرحبا مالاح بارق=وماحن الرعد.. شرق وشامي.
على العليا يبو يمنى سمينه=ووجه النور جلاى الظلامي.
خوي الطيب مايلحقْه شكه=لحيث انه من ربوع(ن)حشامي.
اعرفك وانت فيما قلت صادق=شهادة حق.. مافيها كلامي.
خويي في النفس والضيق دايم=ولا انت ب لا ردي ولا انهزامي.
لاوالله غير كفو..وكفو غصبا=ولا فيها خوال ولا عمامي.
وصلت بطيب راس وتستحق ال=نعم ..والدار بلغها سلامي.
علي ميراد بقعا..شفْت بقعا=تخطف النوم..وتصحي النيامي.
تلوذ بريح عنْبرها..وتنْفح=بليل فيه من مسك.. الختامي.
ونحْيت الشعر واوْميت للي=لها وقع كما وقع الحسامي.
تخطم الريح لي هاجت وماجت=وتسري بي على جنح الغمامي.
ويممت الطريق السمح وجهي=علي الله اعتمادي..واعتصامي.
بعروة حق تجلا كل ظلمه=وربع قدحهم حامي..بحامي.
تبارينا علي طيب ومعزْه=ولا فيها انتقاد وْلا ملامي.
تجاذبنا علي بوح القوافي=بشعبيات مدهال الروامي.
سلام الله على هلها عدد ما=تهب النود..وينوح الحمامي.
ولك مني تحيه وانت سالم=ملاها الشكر في مسك الختامي.
وصلي الله علي محمد واله=شفيع الخلق في يوم الزحامي.

حتى الصدى له صدى يا جماعه

سلام الله يا سالم سلامي=سلام الله يا محمد سلام الله سلامي
سلام الله على كل من تجمع=سوا من نجد او من نسل يامي
وردت الوادي اللي يذكرونه = وحومت بجناحيني حيامي
وصورت الخباري والحبارى = ورجم عالي يعلاه ساااامي
وشفت الذيب يتصيد لشاته =ودريت الشاة ما تفقه كلامي
ولمحت اهل الرياسه والشكاله = واهل فكر وادب لهم منطوق حامي
ولمحت ام السعف والليف تنكش =ورا الخسه ورا نسل الرخامي
ومديت النظر لاقصاه ياصل =لمحت شيوخ تسكن بالخيامي
لهم في ساحة الشعار صوله =ولهم متذوق الاشعار ضامي
ولامن جلجلت ثم استصكت=ملو الميدان رامي قدم رامي
فهم من بينهم اخوه وصحبه =وللاعداء محمين الوسامي
وحلقت بجناحيني اهيجن= سلام الله على نسل الكرامي
واجر الشلة اللي تهتويني =على زامل هلي لبا خوالي
وانا شيخه ولي لابه وقيمه=ولي منطق به افرض احترامي

ماعرفت ارد الا كذا / تحياتي / كل البدو

[كل البدو]

احترت انسقها المعذره


حتى الصدى له صدى يا جماعه

سلام الله يا سالم سلامي=سلام الله يا محمد سلامي
سلام الله على كل من تجمع=سوا من نجد او من نسل يامي
وردت الوادي اللي يذكرونه = وحومت بجناحيني حيامي
وصورت الخباري والحبارى = ورجم عالي يعلاه ساااامي
وشفت الذيب يتصيد لشاته =ودريت الشاة ما تفقه كلامي
ولمحت اهل الرياسه والشكاله = واهل فكر واهل منطوق حامي
ولمحت ام السعف والليف تنكش =ورا الخسه ورا نسل الرخامي
ومديت النظر لاقصاه ياصل =لمحت شيوخ تسكن بالخيامي
لهم في ساحة الشعار صوله =ولهم متذوق الاشعار ضامي
ولامن جلجلت ثم استصكت=ملو الميدان رامي قدم رامي
فهم من بينهم اخوه وصحبه =وللاعداء محمين الوسامي
وحلقت بجناحيني اهيجن= سلام الله على نسل الكرامي
واجر الشلة اللي تهتويني =على زامل هلي لبا خوالي
وانا شيخه ولي لابه وقيمه=ولي منطق به افرض احترامي

[سعيد بن مقبل الأكلبي]

صح لسانك ياسالم
وطاب بيان ابن مدران
صوت وصدى وشعر جزل

[مانع اليامي]

صح لسانك ياسالم

ولسان خويك


موفقين