27-10-2001, 16:11 | #1 |
الشاعر حمد بن فطيس المري
|
من زمان فات اخيل نجومها البرّاقه ..... المنتهي
من زمان فات اخيل نجومها البرّاقه ..... يابونايف واتعبتني نظرة الاحداقي نجم غاب ونجم ظاهر فالسما بشراقه ..... والزواهر نورها يفرح بها المشتاقي انت يامفتي ديار العالم الذّواقه ..... افتني في سالفة محظوظ بن برّاقي كان ودّه يسحب الابساط والله عاقة ..... من تحت رجل (ن) شريف (ن) للعلا تواقي لادمي طبعه ونفسه للعلا تواقة ..... كيف يحلق رووس ناس (ن) للعلا تشتاقي نظرته في الصاحب اللي مانوى بسراقه..... نظرة المرعوب شاف السيف فالاعناقي غايب (ن) له مدتن والراس له حلاّقه ..... لا حضر باسقيه كاس (ن) ماسقاه الساقي سالفه واللي كتب موضوعها برواقه ..... يشكتي من حرّ نار ( ن ) جمرها حرّاقي وسلامتكم [ أكتوبر 27, 2001: تم تعديل الموضوع بواسطة : العابر ] |
31-10-2001, 23:27 | #2 |
الشاعر حمد بن فطيس المري
|
قد هنا يومين وارجي ردّكم بشفاقه .... كود ردّك يبري جرحن داخل الاعماقي الرجل وليا تواضع من سمو اخلاقه .... والتكبر آفة ( ن) تقضي على الأخلاقي ادري الرجفة تصيبة في مفاصل ساقة .... يقطع الله خوف مانجّى طويل الساقي المطوع يوم شافة وابتلش بوراقه .... زادت الرجفه ولكن ماشفاه الراقي بيتك المبني علامك ماكبنت ارواقه .... بيت يالله وارفعه في سابع الاطباقي عزتي لشهار واصبح ذيبهم خرباقة .... ما نلومك يالوضيحي صاير( ن ) خرباقي وسلامتكم [ أكتوبر 31, 2001: تم تعديل الموضوع بواسطة : العابر ] |
01-11-2001, 00:37 | #3 |
سيـــف الســـيــف
|
هلا اخوي العابر صح لسانك ثم صح لسانك وقصيده قويه قوووووويه بالحيل اخوي كأني احس ان براسك طاروق ماغنيته 0 ان بغيت تهيضه تراه احسن وانا اعين واعاون توكل على الله وعطنا القاف طال عمرك |
03-11-2001, 00:02 | #4 |
عضو شعبيات
|
أخوي العابر صح الله لسانك على القصيدة الأولى كنت أدندن بالرد من ألبارح ( لأني كنت مشغول لي أسبوع ) ... لكن شفتك رديت على نفسك قلت خلاص كاشووووو وخيرها في غيرها -- عكاشه ... الله يعينك يا جملنا إنتظر يومين أخلص كم شغيل عندي وأبشر بالبلشة |
03-11-2001, 04:44 | #5 |
سيـــف الســـيــف
|
اخوي ابو نايف يامرحبا بنور الساحات 000 يامرحبا باللي يشرح البال هرجه ابو نايف اهم شي انك تكون بخير وامورك زينه انشالله والله يابو نايف ان النظر والبال يترقب هالطله اللي عسى الله مايقطعنا منها وليتك ياخوي تمر تشيك على المواضيع واذا لك ملاحظات ترى مانستغني عن رايك وكذلك انتم يالاخوان اللي معنا ترى حنا ندور الشي اللي يناسبكم وتشوفون انه يخلق جو للمنتدى افضل ويساعد على تطوره ابونايف كنا ننتظرك وجيت ولكن بدا شريط الانتظار من جديد والله يعين عليك لك اطيب التمنيات |
07-11-2001, 17:00 | #6 |
الشاعر حمد بن فطيس المري
|
السلام عليكم وآسف في تأخري بالرد عليكم صح بدنك يالغالي وأشكرك على ابداء رايك في القصيدة ههههههههههه..... إلا في راسي طواريق مالها عدد وأبونايف علومه علوم أخوي ابونايف أجل فالأولى ههههههههههه بس مقدرين ظروفك والجاي أعبر والله لا يهينك ويكفيني رد الكاشووووو تقبلوا تحياتي العابر |
07-11-2001, 17:09 | #7 |
سيـــف الســـيــف
|
خالي العابر ياهلا فيك والله تشرفنا هالزيارات يابعدي وعسى الله مايقطعنا منها 00 خالي الظاهر انك صدقت يوم اقول طاروق تراني امزح <<<====== بيخوف العابر وهالحين عساه يسلم بنفسه خالي انا والله بس اقول الكلام هذا ابيكم تهيضون ويجينا مثل القصيده السابقه اللي لابونايف 000 لانها فعلا امتعتنا مره ثانيه شاكرين الزياره اللي نتمنى انها تتكرر باستمرار 00 ونتمنى انك ما تبخل علينا بالتوجيهات لك مني ومن جميع الاعضاء اطيب التحيات [ نوفمبر 07, 2001: تم تعديل الموضوع بواسطة : عكاشه ] |
07-11-2001, 17:31 | #8 |
الشاعر حمد بن فطيس المري
|
اررررررررررحب ياعكاشة عمّنا والله أن الظروف ماتخلي الواحد يحك أذنه <====== من كثرها وانت اللي تخوف أن يالله اتسلط على ا لمنتهي لأني أدري أنه موسع البال عليّ وأعيل عليه ليش أنا طلعت ذكي رديت على نفسي بنفسي دايم اسويها معه إذا كتبت قصيدة أتمنى مايرد وإذا شفته مارد رديت على نفسي علشان مايرد <========= واحد خايف من خااااله وانت منت بسهل واتابعك مع الربع والله يخليلك لنا ياخااااااالي تقبل تحياتي أخوك الصغير العابر |
07-11-2001, 17:37 | #9 |
سيـــف الســـيــف
|
ههههههههههههههههههههههههه خالي هذا الذكاء اللي ينخاف منه 00 ومادام هذي طريقتك وربي ينخاف منك |
19-11-2001, 06:06 | #10 |
عضو شعبيات
|
الى الاخ /العابر: نفس الحر للمعالي دوم تواقه ---- من فجر يومها لغروب الاشفاقي نفس للعز والمواجيب سباقه --- ولطيب العلوم والجود تشتاقي يرتقي للنجم والزواهر بلحاقه --- تأخذ من سناه للاشراقي يسرج خيله رسنهااخلاقه --- تسبق الثريا في ميدان الافاقي للعابر تحية(ن) معطره مع باقه --- نرسلها له مع فكة الارياقي وسلامتكم |
03-02-2002, 16:41 | #11 |
الشاعر حمد بن فطيس المري
|
الأخت جمر الآهات تسلمين والله على المجاراه .... والله يعطيك العافية وتوني والله أشوف ردّك وهذا اللي خلاني أرد عليك <========== أنا أدري أن المنتهي ماهو ودّه أني أرفع هالموضوع لكن عناد رفعته <===== ماهيب صاحية هالقصيدة |
10-01-2003, 10:52 | #12 |
شـــــاعــــــر
|
دام المنتهي ما يبي الموضوع يرتفع حسب كلام اخوي العابر حبيت ارفع ضغطه قصدي موضوع العابر على شان ابونايف يرتفع ضغطه ويجينا بيتين والا ثلاثه محبتي للجميع ابونوت |
11-01-2003, 16:06 | #13 |
عضو شعبيات
|
اقهر الناقه تراها لاتهمك ناقه
الله انه لا يلومك يابعيد الساقه 000000000 طالب(ن)جزل الصخور وجاك طين ارقاقي اقهر الناقه تراها لاتهمك ناقه 000000000لا تحوس الزرعه اللي معتنيها الساقي |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|