[فوزي المطرفي]

لها.. وللأيام الخالية

*
\
/
\
/
*

غيمة الاشواق هلّت واستهلت وامطرتني

وابتدت احلى محاصيل المعاني من شفايه

ماعرفت الشعر واستلهمت قافه لين جتني

بين حد من الضلال وبين حد من الهدايه

طفلةٍ باحلامها البيضا تمادت واكتبتني

ولا شعرت إلاّ وانا اقرا رغم جهلي بالقرايه

افتكر يوم ارتعشت من الملاقا زملتني

واكتشفت ان الدفا في صدرها ماله نهايه

واحتفيت بطلعة عيونك واشوفك لايمتني

ليه ؟!! والثغر ان تبسم تحتفي فيه الغطايه

ابسط حقوقي اعبر ماحصل يافاتنتني

بالجمال اللي اذا نقصت حقه قلت: آيه

الزمان اللي لفابك ذنب شلته فوق متني

ماتكابرت الخطا واستغفر الله من خطايه

مرةٍ قلت بزعل تايه فأرضك واخجلتني

يوم قالت لي انا لك بوصله مادمت تايه

وصلتني لآخر حدود اليقين وشككتني

واقطعت حبل الرشاد براس سكين الغوايه

من شقاوتها معي حتى فطيشي شاركتني

واصبحت تزرع عناقيد الشغب داخل ثرايه

واقبلت باسرارها مثل الحكايه واسهرتني

لين صار النوم يسهر بيننا لاجل الحكايه

ياهشيمي لو ذرتني ريحها ولاّ عصتني

يبيجي يوم اثبت لكهانها باس العصايه

غيمة الاشواق هلّت ليتها يوم امطرتني

اهدمت سور الضلال وسيلت وادي الهدايه


.