19-10-2010, 22:48
|
#1 |
|
شــــاعر
|
وعند ـ علي التركي ـ الخبر اليقين ..
أولاً : هذا القسم ساحة للمرح والدعابة وهي مكان آآآمن للترفيه عن النفس والدعابة المقننة .. قلت المقننة يا علي التركي . إلا وش أخبار الشماته .. لقيت أحد .. وإلا ارسل لك مندوبها السامي عندنا .. ثانياً :
شيخنا اللي فالقضاء توّه معيّن = عن علومه سولفوا عصم الشوارب قالوا إنه ذوق وقليبه حنيّن = لو مزاجه من هموم الشعب خارب راح صوب سهيل والجدي متبيّن = والمهمة كلها في سد مارب أثر راع السالفة مهوب هيّن = يوم قال : الناس تصقلها التجارب أي طالب دين وأي اللي يديّن = وأي نور السرج من نور الكهارب أدري إنه يرتكي لو كان ليّن = لو تهرب المعضلة مهوب هارب بس خوفي يجتهد والحق بيّن = وينحر اللي مسلكه دوم متضارب كل ما افرض فرض فالمسجد تليّن = ما تقول إلا على الجبهه محارب ذاك لو حدّث وبالمشلح تزيّن = يامنه من يامن ذيول العقارب قلتها والشيخ لو توّه معيّن = أشهد أنه من جميل الفعل قارب معاني الكلمات لغير الناطقين بالهجة المحلية لـ " علي التركي " توه معينّ : تم تعيينه منذ فترة قصيره . قليبه : تصغير قلب . مهوب هيّن : ليس سهلاً . السرج : جمع سراج . ينحر : يتجه إلى . تليّن : ارتاح قليلاً . تحيتي للمارين .. والفارين من هنا ,,, |
|
|
|
20-10-2010, 00:26
|
#2 |
|
عضو شعبيات
|
رد : وعند ـ علي التركي ـ الخبر اليقين ..
فهد الاحمد.. قامة شعرية تنير منتجعات شعبيات..  ذاك لو حـدّث وبالمشلـح تزيّـن يامنه من يامـن ذيـول العقـارب قلتها والشيـخ لـو تـوّه معيّـن أشهد أنه من جميل الفعـل قـارب هههههههههههههههههههههههههههه صح لسانك .. وبنتظار رد ابو تركي على بعض التهم  وفقك الله |
|
|
|
|
20-10-2010, 01:38
|
#3 |
|
مشرف الرحلات البرية والسياحة
|
رد : وعند ـ علي التركي ـ الخبر اليقين ..
ياحي الله اخونا وشاعرنا فهد الاحمد وحياك الله بهاالساحة وابد الامان لا تنشد سهود ومهود راح صوب سهيل والجـدي متبيّـن والمهمة كلهـا فـي سـد مـارب اجل المهمه تعدت الساحل الجنوبي  أثر راع السالفـة مهـوب هيّـن صح لسانك اخوي فهد واكيد بنتظار عودة اخونا ابو تركي يوم قال : الناس تصقلها التجارب اي بالله تصقلها كل ما افرض فرض فالمسجد تليّن ما تقول إلا على الجبهه محـارب ذاك لو حـدّث وبالمشلـح تزيّـن يامنه من يامن ذيـول العقـارب قلتها والشيـخ لـو تـوّه معيّـن أشهد أنه من جميل الفعل قـارب  |
|
|
|
|
20-10-2010, 18:33
|
#4 |
|
أبو تركي / شاعـر
|
رد : وعند ـ علي التركي ـ الخبر اليقين ..
يالله مقسوم خير فهد تعرفني حصان قفز حواجز والا وش جابني لشعبيات وأنا من الصبح مراسيل ( ويا غافل لك الله ) وأثر السحابة هنا اللحين بس وصلت والله يعين على الشدّات والملولس  أبيات نادرة وشرح وافي ما ناقصنا الا الباشا لك تقديري وثق سرك ببييييييييير واللي بالجوال عندي منشور منشور مدام الدعوى كذا بس أبي ناس تشجعني وتشوف لقلبك النقي  |
|
|
|
|
20-10-2010, 20:29
|
#5 |
|
متنبي الشعر الشعبي
|
رد : وعند ـ علي التركي ـ الخبر اليقين ..
الله الله الله يافهد والله ان هذا القصيد من عيون الشعر مبدع ورب البيت يافهد .. ارحب يابو تركي ولا تعبت مايحتاج وانا اشهد لك ياكحيلان ارق سنود انا اول مشجعينك |
|
|
|
|
21-10-2010, 16:59
|
#6 | |
|
شــــاعر
|
رد : وعند ـ علي التركي ـ الخبر اليقين ..
إقتباس:
عزيزي الهواوي صح بدنك وشكرا على حسن ظنك وشعبيات منوره بأهلها المبدعين أمثالك . وبخصوص تهم أبو تركي هو دائما في قفص الاتهام وياكثر ما يصير بريء تدري ليه : لأن الحقوق تبي حلوق وأبو تركي حووووووووووووت يعني اللي يلتهمه يصير في ظلمات ثلاث هههههههههههه |
|
|
|
|
|
21-10-2010, 17:04
|
#7 | |
|
شــــاعر
|
رد : وعند ـ علي التركي ـ الخبر اليقين ..
إقتباس:
تحيا وتدوم أخوي مقدور ومهمة أبو تركي صارت ورى الشمس أي ساحل جنوبي وأي غربي ..! الله بس يخليه للمهمات الصعبة .. (( تدري فيه قوم يعذبون يوم القيامه بحشرهم مع غير جنسهم )) أقول والله من زين الحديث عندي . |
|
|
|
|
|
21-10-2010, 17:57
|
#8 |
|
أبو تركي / شاعـر
|
رد : وعند ـ علي التركي ـ الخبر اليقين ..
(( تدري فيه قوم يعذبون يوم القيامه بحشرهم مع غير جنسهم )) هههههههههههههههههههههههههه ربنا لا تولي علينا من لا يخافك فينا ولا يرحمنا يا شيخ والله انك كارثة !! قايلته أميمتي الله يعظم اجرها كل قوي يجيب الله له منهو اقوى منه  الله يسلط عليك الدحيمي والا الأكلبي والا أثنينهم أحسن !! والا تدري يخلي لك اللي كل ما افرض فرض بالمسجد تليّن ويقولون بعد الطب تقدم ويمكن تحديد الجنس من البداية ومثلك قادر يغيّره وحنا طلابك ابو بدر شهادتك تاج على رأسي وتشجيعك شرف لي وحمل ثقيل حفظك الله للجميع اخر تعديل كان بواسطة » علي التركي في يوم » 22-10-2010 عند الساعة » 12:04. السبب: ضيعنا .... كله من فهد |
|
|
|
|
24-10-2010, 14:57
|
#9 | |
|
شــــاعر
|
رد : وعند ـ علي التركي ـ الخبر اليقين ..
إقتباس:
حياك أبو تركي أنت حصان لزز وتطمر الجرفان والجدران مهوب بس الحواجز ..هههههه الله بس يخارجنا منك .. مسموح قل ماتبي وافعل بعد ماتريد المهم فكنا من الباشا وشجرته ...ههههههه ألف مليون وردة لقلبك النقي     |
|
|
|
|
|
24-10-2010, 19:01
|
#10 |
|
شــاعر
|
رد : وعند ـ علي التركي ـ الخبر اليقين ..
ذاك لـــو حـــدّث وبالـمـشـلـح تــزيّــن يامـنـه مــن يـامـن ذيـــول الـعـقـارب الله الله يافهد لاعجمت ياكحيلان نص شاعر خبره ومناقشة الاصحاب ومواضيع تُحْسم بالشعر وامتاع لقسم المستطرف مع ان القصيده لا اصنفها مستطرف بل شعر جزل |
|
|
|
|
05-11-2010, 21:06
|
#11 | |
|
شــــاعر
|
رد : وعند ـ علي التركي ـ الخبر اليقين ..
إقتباس:
هلا بك يا بوبدر بعض ما عندك يا علم شعبيات شرفتنا وآناستنا طال عمرك لاخلا ولا عدم |
|
|
|
|
|
05-11-2010, 21:13
|
#12 | |
|
شــــاعر
|
رد : وعند ـ علي التركي ـ الخبر اليقين ..
إقتباس:
هههههههههههههههههههههه تصدق عاد أقول الرجال دايم بشوش وأثره مهوب منك كله من شعبيات وهالوجيه الغانمة هنيّا .. لكن أفلح يا علي التركي وأذكر الله .. لا تورطنا مع أبو بدر وأبو مقبل . تراك فاريٍ كبدي بهالتحشير .. والظاهر إني أبسلط عليك سولافه .. سولافة والصور .. تصغر صورك وإلا ما تصغرها .. الصورة الأولة محفوظة .. ولا يمنع أتعاون معها بالصور الطازجة إذا لزم الأمر .. هههههه |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
