17-09-2010, 04:35 | #1 |
عضو فعّال
|
السفر للخارج معمعة !!
كثر في هذهـ الايام سفر الفتيات للخارج لاستكمال دراستهم طبعآ في ظل العجز التام عن توفر الوظايف الكافية وهذا بلاشك طموح أغلبية الفتيات نظرآ لسببان لاثالث لهما.. للبهرجة أمام الناس ، أولنيل الشهادة اللي بترفع راسها فوق <<< اتحدى يجي ابن امه يوطيه وتم لها مآ أرادت .. * في بريطانيآ دآنة قبل السفر أعدت العدة والحقائب <<< راس مالها بنطلون جنز وبلوزة بيضاء طويلة خخخخخخخ وودعت اهلها ع آمل أن تلقاهم وهي حاملة الشهادة غادرت وطنها الغالي وهي تغني ودعتك الله يانظر عيني ووصلت لبلاد الغرب <<< ع قولتنآ ديار الآجانب وهبَ نسيم الصباح في اليوم الغد وآتحمست دآنة للدرآسة ودخلت الجامعة طبعآ كان فيها آختلاط رهيب يعني خذو مثلآ : بريطاني أشقر ماسك سورية ويتكلم معاها سوري، وامريكي عيونه زرق ماشي مع سودانية ويهايط وياها <<< لاتستغربون تراهـ من الامريكان السود .. وتوآلت الايام والشهور وعاشت دآنة في كفاح ورآء متاعب الدراسة ونآلت الدرجات ، وكانت دايم ع اتصال بأمها وتبشرها بنجاحها وتدعي ليل نهار أن الله يفتحها بوجهها وتخلص دراستها وترجع لديارها ,,, وفعلآ حققت حلمها اللي آصبح حقيقة وآمام أنظار الناس راح تثبت ذاتها اللي مهما طغى عليها كلام القيل والقال الشهادة بلا منازع تقف لترد عليهم رد صآرم أمام كل الكلام الطاعن اللي انقال في حقها وهي تردد هالكلام : ** اذا ركلك الناس من الخلف فاعلم أنك في المقدمة ** * في حين : الرياض محمد ابن عمها : دآنة بنت عمي ماهقيتها والله تسافر برآ عشان شهادة وهي عارفة ان المكان هناك كلة اختلاط ,,, خالد ولد الجيران : هذي مجنونة والله ابن امة يرتبط فيها فيصل ولد خالتها : وش دراني عنها وش كانت تهايط هناك عبدالله أخو صديقتها : تلقاها متعرفة ع طاقم شباب هالكثر وعاشت قصص حب معاهم يعني الله سنتين وعاطفة فارغة موب معقول ؟؟!! وأمام هذهـ العقبات التي واجهتها دآنه ظلت صامتة في ظل تغيب الآهل عن الدفآع عنها نظرآ لتأخر نصيبها ورفض اقاربها من الارتباط بها * تسآولاتي :: * هل سفر الفتاة للخارج لنيل الشهادة (مع وجود محرم ) يقف عآئقآ أمام رغباتها في تكوين علاقة زوجية ؟؟ * ليه نظرة الناس لدآنة وأمثالها من خلال هالثقب ؟؟ * أيهما نتحرى استكمال الدراسة والا النصيب المنتظر ؟؟ <<< والله حالة * ولو آختارت دآنه الارتباط بزوج نبيل هل سيحقق لها ماكانت تريد ؟؟ ****** اخر تعديل كان بواسطة » سراديب في يوم » 17-09-2010 عند الساعة » 04:51. |
17-09-2010, 04:54 | #2 |
|
رد : السفر للخارج معمعة !!
مع وجود محرم ما اعتقد هنالك مشكلة , يعني اخ واخته راحوا يكملوا برا بعد مافتحوا نظام البعثات بحيث اول سنه على حساب الشخص ومن ثم تتحول على حساب الدولة , ما اعرف بس اعتقد المجتمعات تحررت نوعا ما .. فكريا خاصة مع وجود المحرم , الى الآن الطبيبات في المجتمع السعودي اختلاط سواء في دراستهم او مجال عملهم , واغلبهم حصل النصيب من خلال هذا الاحتكاك , يعني اللي اقصده هذي تعتمد على ثقافة الاهل ككل , اذا كانوا متزمتين جدا من هذي الفكرة والأنتقادات شديدة صدقيني بيكون فيه انفتاح على الضفه الثانية , في مجال عملها مثلا ممكن تلتقي بالشخص اللي يقدّر ثقافتها وعلمها ومستواها المهني , الآن الناس غير قبل , شوفي مستوى اللبس الآن في المناسبات , مستويات مختلفه من التحرر والتزمت , لكن اغلبها النوعين تظهر بالمظهر اللي الناس تقول عنهم متمدنين , لدرجة اللبس خلينا نقول( الغير محتشم) حتى لو كانوا وسط حريم !, الناس تؤمن بشي وتتصرف تصرف ثاني عموما القضية هذي اعني مسألة الدراسة اشوفها قفزه حضارية , خاصة مع وجود محرم , على الاقل يكون فيه تخصصات غير موجوده عندنا منها تتميز ومنها تخدم بلدها فيما بعد ولا تخافين عليهم اذا ماجوا عيال عمهم بيتزوجون من الغريب سراديب اخر تعديل كان بواسطة » الجازي في يوم » 17-09-2010 عند الساعة » 05:01. |
17-09-2010, 21:24 | #3 | |
شـــاعرة
|
رد : السفر للخارج معمعة !!
إقتباس إقتباس إقتباس:
فعلا الجازي ياحب الناس للانتقادات تمووت فيه !, وياحبهم للحكي بخصوص الناس , ياكثر من انتقدوا الغير وصاروا اكثر تصرف وتحرر من اللي ينتقدونها , انا اعرف بنات شيخ متدين وملتزم , كل لبسهم قصير ولاجنج ولبس عريان في الزواجات , واذا في يوم الحفل او المناسبة جا يسلم عليهم ابوهم , لبسوا عبايتهم حتى مايشوفهم , الانسان مايزكي نفسه واهله ويسفّه فلان وفلانه , غير ان اللسان عقوبه , ( الحمدلله بنت فلان تسوي كذا ) الحمدلله بنت فلان كل يوم ببلد !!, الحمدلله بنت فلان شوفوا وش لبسها !, الحمدلله بنت فلان وهي بنت فلان ماتتحجب في سفر !, وآخرتها ربي يعاقبهم في اهل بيتهم , ""انك لا تهدي من احببت الله يهدي من يشاء """ وعن اللي يدرسون في الخارج , مافيها شي لو معها محرم وين القضية انا لو اخوي او قريب لي بيتقدم لوحده دارسه برا , وهي انسانه مشهود لها بالخلق والعلم والادب مافيه مشكله واللي يخاف يخلي الخطبه طويله شوي حتى يتأكدون ويرتاح بالهم ان البنت مثل ماسمعوا , انا نورة اتقبل هذا الشي و ماعندي هالعقد ابد تسلمين ياسراديب على هالموضوع |
|
19-09-2010, 10:53 | #4 |
شــاعر
|
رد : السفر للخارج معمعة !!
انا اؤمن ايمان تام بان المحترم محترم سواء هنا او هناك والمتربي متربي لو حطيته امام كل المغريات الي ما يردعه الله وخوفه من الله سبحانه وتعالى ما راح يردعه لا اهل ولا اخوان ولا غيره لابد ان تكوت نظرتنا موضوعيه والي بيلعب بيلعب هنا او هناك توفيق الله ومن ثم العلم هم اساس النجاح في الحياه العمليه ومن الواضح ان مصادر التعليم في الخارج اقوى بكثير منها في المملكه بسبب المناهج ووسائل التدريس وغيرها لذلك اذا توفرت الشروط الشرعيه وحصل للواحده تسافر مع زوجها او اخوها للتحصيل العلمي وش المانع ؟ اثناء دراستي في الخارج كان معانا عوائل سعوديه كثيره زوجات وبنات واخوات واغلبهم كانو قمه في الاحترام بل احد بنات المشايخ الحاللين في السعوديه والله العالم انه عضو هيئه افتاء في فتره من الفترات ولما جا ابوها جابته الجامعه وعرفته علينا واحد واحد وكان زوجها معاها وكانت اخت وزميله في قمة الاحترام العيب في تفكيرنا واي مجتمع لا يقوم الا على ثقافه الجنسين ما فيه مجتمع سينهض بثقافه رجاليه فقط الام هي الاساس في البيت والام هي الاساس في تربيه الابناء والمراءه في عصر الرسول صلى الله عليه وسلم جاهدت وعملت وخالطت فاين الغلط ؟ انا اعرف شركات في الشرقيه كثيره ابتدأت اقسام نسائيه وبعد فتره اكتشفت ان العنصر النسائي في العمل افضل بكثير من الرجالي في حضوره والتزامه وادائه فلسير لغد ٍ مشرق انتخبو نصير المراءه السعوديه فيصل الخالد |
19-09-2010, 10:56 | #5 |
شــاعر
|
رد : السفر للخارج معمعة !!
بس اقول دراسه اوكيه سواقه لالالالالالالالالالالالالالالالالالالالا لانكم غششششششششششششششششششششم ورقله وبتتسببون في رفع نسبة الوفيات في المملك واحنا كلنا كم نفر ما وصلنا يا عيني عشرين مليون والله اني خايف لو يسمحون لكم تسقون يابنات اننا نصفى على 30 نفر =========== لازم تخربها يعني |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|