31-05-2009, 23:30
|
#1 |
|
رفيــق الحــزن
|
العقل راح ادعوا لي ..
السلام عليكم ورحمة الله وبركاته ومساكم الله بالخير .. السالفه وما فيها انه فعلا ما عاد فيني عقل  لحظه اقصد ضرس العقل او سن العقل للمثقفين  وهذا يعود باني لي شهرين وانا اعاني من الام شديده في سن العقل وشغال مسكنات وكل هذا لاني اكره طبيب الاسنان ولا احب اروح له الا في الحالات القصوى  وهذا بسبب الابره حقة البنج اللي طولها مترين وانواع الزراديات والمفكات اللي يستخدمها طبيب الاسنان في خلع الضرس وكانه يخلع مسمار مصدّي من لوح صقاله  ودائما اتردد في الدخول على الطبيب وانحاش بمجرد ما تفتح العياده وتنادي الممرضه الفلبينيه (( ابدولرهمان رووبيّا )) بابا تآآآآلي ما فيه خوف  وانا اطق اللطمه وكاني زائر مريض واهج عاض طرف ثوبي وصدق اللي قال ما هم الا هم العرس وما وجع الا وجع الضرس وامس مسك علي السن من الصباح لين الفجر اليوم الثاني اللي هو اليوم وصحاني وكأن دريل يخرق راسي وقلت ما بدهاش ومن الساعه ثمانيه وانا مسنتر عند العياده بعد العذاب ليوم كامل  وتشجعت والحمد الله طلع الدكتور رهيييب وهدء من روعي وقال مش حاتطلع الا لما اخلع هو لك ويالخلع يالحبس سنايدي هالدكتور  وتمت العمليه بنجاح بعد ما رافست وروعت الممرضه وكبيت المويه عليها وعطيت الطبيب كم بوقس تحت الحزام  وارتحت من ضرس العقل اللي طير ما بقى فيني من عقل  وتعالوا نشوف وش ضرس العقل وليش مايروح وجعه الا بالخلع ... لماذا أطلق عليه أسم ضرس العقل ؟ وكم عدد ضروس العقل ؟ وما المشاكل المتعلقة بها ؟ سمى " ضرس العقل " ؟ نظرا لأنه آخر الأسنان الطبيعية التى بالفم . ويظهر عادة بين سن الثامنة عشرة والخامسة والعشرين ، وهى فترة النضج العقلى والفكر المتزن ، ومن هنا جاء اسم ضرس العقل .. وفى تصورى أن ضرس العقل يظهر فى سن متاخرة ليضم جميع الأسنان ويغلق المسافات المفتوحة بين الأضراس فتمنع تراكم الفضلات وعدد ضرس العقل أربعة إثنان بالفك العلوى واثنان بالفك السفلى. ونظراً لأنها اخر الأسنان التى تظهر بالفم ففى اغلب الاحيان لاتجد لها مكاناً بالفم وبالتالى إما ان تظل مدفونة فى عظام الفك كلية ، أو تحاول البزوغ جزئياَ، أى يظهر جزء منها بالفم والباقى مدفوناَ بعظام الفك .  وأبرز أسباب عدم ظهور ضرس العقل هى : - إختفاء البرعم الخاص به منذ البداية . - صغر حجم الفك بحيث لايسمح لنمو أو ظهور ضرس العقل. - قد ينمو ضرس العقل بصورة عرضية أو مائلة لاتسمح له بالظهور بالفك . أما المشاكل المتعلقة بضرس العقل فهى عديدة أهمها : - قد يحدث التهاب حاد فى اللثة التى تخص ذلك الضرس عند أول محاولة لظهوره فى الفم . والواقع أن هذا الالتهاب و التورم قد يحتجز تحته إفرازات صديدية تزيد من الألم فلا يستطيع المريض أن يفتح فمه بسهوله ، وقد لايستطيع بلع الطعام ، وتصبح رائحة الفم كريهة ، وترتفع درجة الحرارة ، مع الإحساس بالتعب والاعياء . - قد يصبح ضرس العقل بؤرة تسبب الألم بين الحين والآخر نتيجة لضغط ضرس العقل على عصب الفك السفلى ، وقد يمتد الألم إلى الأذن والعين أو أسنان الفك . - عندما يكون ضرس العقل مائلاَ على الضرس المجاور يضغط عليه مسببا آلاما شديدة، وفى هذا الوضع المائل تتجمع فضلات الطعام محدثة تسوسا فى كل من الضرسين  وحافظوا على اسنانكم لا تصيرون مثل ابو الشباب اللي تحت 7 7 7 7 7 7 7  او زي ام الشباب 7 7 7 7 7 7 7  والله يحفظ الجميع من كل شر وسوء وسوس اخر تعديل كان بواسطة » عبدالرحمن الربيّع في يوم » 01-06-2009 عند الساعة » 00:23. |
|
|
|
31-05-2009, 23:43
|
#2 |
|
متميزة
|
رد : العقل راح ادعوا لي ..
ههههههههههههههههههههههههه سلامات وان شاء الله آخر الاوجاع خيو ابدورهمااااااان هع ذكرتني يوم سويت عملية مشان ضرس العقل  ونمت اسبوع بالمستشفى الله لا يعيدها من ايام وطلعت والهبال فيني زايد يقولون نودة وش فيك قلت اللي كان يعقلني شلته  من جد الم الاسنان كريه والاشد كره ابرة البنج يمامي تروع ما احبها وربي مو بس انت خيو اكره كل شي له علاقة بالاسنان حتى الاكل ما تشوف شر وحمدا لله على السلامة وشكرا على المعلومات الجيدة |
|
|
|
|
04-06-2009, 08:44
|
#3 |
|
رفيــق الحــزن
|
رد : العقل راح ادعوا لي ..
هلا بك غاده .. ههههههههههههههههههههههه اسبوع عاد لوك شايله الزايدة ما قعدتي اسبوع ههههههههههه والله يسلمك من كل شر .. الف شكر ودمتي بود . |
|
|
|
|
07-06-2009, 01:39
|
#4 |
|
بقـايا حُلـم
|
رد : العقل راح ادعوا لي ..
يقولون ماوجع الا وجع الضرس ولا هم الا هم العرس من اسوأ اسوأ الالآم اللي تمر منها وجع الاسنان سلامااات عبدالرحمن ماتشوف شر  اما الصور تحفه اتوقع من التدخين ابو الشباب طاحت سنونه ومن قل تفريش الاسنان اللهم لا تبلانا |
|
|
|
|
08-06-2009, 20:27
|
#5 |
|
شاعـرة
|
رد : العقل راح ادعوا لي ..
أخوي عبدالرحمن .. ألف سلامة وما تشوف شر وان شاءالله آخر الأوجاع .. أنا شايلة ضروس العقل منذو مبطي .. منشان هيك ضاع العقل من زمان .. |
|
|
|
|
27-06-2009, 23:42
|
#6 | |
|
رباط ود
|
رد : العقل راح ادعوا لي ..
إقتباس:
^ غريبه مع إني سمعتهم يقولون ماوجع إلا وجع العين ولاهم إلا هم الدين << إلا بتشتت مع العنود . . سلامات ..أخ عبد الرحمن على روحة العقل .. يالله كل شي يروح ويجي .. . . أنا مع إني ما شلت ضرس العقل بس عقلي راح عقب هذي الصوره . . . ^ ^ لاحظــو الفك السفلي مقززز |
|
|
|
|
|
02-07-2009, 23:24
|
#7 | |
|
رفيــق الحــزن
|
رد : العقل راح ادعوا لي ..
إقتباس:
معليش تاخرت بالرد وللظروف احكام .. والله يسلمك من كل شر .. لا تهزين به ترى الهزوا عدوى |
|
|
|
|
|
02-07-2009, 23:27
|
#8 | ||
|
رفيــق الحــزن
|
رد : العقل راح ادعوا لي ..
إقتباس:
إقتباس:
هلا بك ويالله ان تحييها .. الله يسلمك يا وخيتي والحين طاب وافكر اشيل اللي جنبه كنه ضايق صدره اشوى مهوب انا اللي ما عاد فيني عقل  تسلمين واتمنى تكونين بخير . |
||
|
|
|
|
02-07-2009, 23:37
|
#9 | |
|
رفيــق الحــزن
|
رد : العقل راح ادعوا لي ..
إقتباس:
هلا بك احلى سوسو ونورتي شعبيات بكبرها .. الله يسلمك من كل شر وعقل الانسان مثل عود الكبريت ما يولع الا مره وحده <<< وش تحس به مقزز والله من القورو لا عب فيه :d |
|
|
|
|
|
10-08-2009, 15:51
|
#10 |
|
الـحـــرّاب
|
رد : العقل راح ادعوا لي ..
ابو ربيع انا يوم قريت الموضوع العقل راح دخلت و انا جالس اغني اغنيه عبادي ... وش الجديد؟ يا حبني لك و لي بس الا ما ودك نشوفك ...<<<< وش ذا السؤال الذكي احوبك |
|
|
|
|
10-08-2009, 23:41
|
#11 |
|
رفيــق الحــزن
|
رد : العقل راح ادعوا لي ..
8 8 8 وين طلع هذا مضيّع الاخ هههههههههههههههه وينك يادب لا منت دب الا معصقل لا وسط الا انت وش حجمك نسينا الحجم من طول الغيبه .. اخبارك علومك وش مسوي كيف حالك انت طيب وش لونك <<< هذا الربيع والا خطر ههههههههه اجل تقول وش الجديد هههههههههههههههههههههههههه العقل من زمان منتهي من ايام الانتخابات اجل احد يرشح نفسه للانتخابات ويقول (( وعسى ان تكرهوا شيء وهو خيرا لكم )) هههههههههههههههههههههههههههه الله حيّه وتبي تشوفني ادفع خمسين الفرجه ماهي ببلاش كلش غلا هالايام لا والله انت تامر ونجيك نطامر وانا احسبك للحين بمريكا قلت يمكن ترك الدراسه وصار يمثل افلام كاوبوي ههههههههه يالله يابعد انت صديق واخو وتحمل تعرف ان ماهنا عقل هههههههههههه منور يابعدي وفرحت اوي اوي بشوفتك وجيتك الكويسه <<< صح التعبير |
|
|
|
|
11-08-2009, 03:45
|
#12 |
|
الـحـــرّاب
|
رد : العقل راح ادعوا لي ..
يووووه انت تذكر الانتخابات الين الحين ارهقتنا يا رجال الا طررراه الارهاق ياخي فيه سالفه مرهقتني اذكر مره كنت تسولف علينا بمغامراتك في الصومال و جازت لي السالفه و تحمست في نصف السالفه ... دخلوا علينا شباب و لهينا معهم و لا عاد كملت السالفه تدري اني من ذيك الحين و انا اهوجس بهالسالفه احتريك تخلصها على طاري التخليص تصدق اني احتري فيصل بن خالد يخلص عشاه من سنه و زود تتوقع خلص عشاه و الا ما بعد؟ ياخي والله اني اشتقت لكم بالنسبه لأمريكا جعلها السيل ...<<<< يحسبه يحكي عن الديره ابشرك خلصنا اللي رحنا على شانه ... و رجعنا و باشرنا لي اكثر من سنه بالرياض بس لاهي في هالدنيا و باقي الشهاده الكبيره يا باشا ... يبي اللي يروح يجيبها بس يبيلي واحد يعاوني عليها خبرك هي ميب اي شهاده ... هي شهاده كبيره وش رايك تخاويني ... منها تكمل سالفة الصومال و منها تشيل معي الشهاده احوبك |
|
|
|
|
12-08-2009, 00:00
|
#13 | ||||
|
رفيــق الحــزن
|
رد : العقل راح ادعوا لي ..
إقتباس:
على طاري السالفه وين وصلنا :d ايه ذكرتها من 3 سنين وزود يوم دخلت على ريسهم عيديد اللي اغتالوه قال وش جايبك عندنا بالصومال قلت ابد سياحه واستثمار :d قال ابد اقضب الجاده وان شفتك توطوط في مقديشوا لا احش رجولك حش وابد كلمه مني وكلمه منه وصلت لمدة اليد <<< وانت تعرفني في مدة اليد :d وطبعا مدة اليد ماهيب منه ابد <<< من اللي عنده الله لا يارك فيهم يديهم مراوح على النفوووخ :d بعدها تعشينا ورحت اصيد سمك :d إقتباس:
إقتباس:
إقتباس:
وشرايك طيب تشحنها في الشحن البحري وتستلمها من ميناء جده الاسلامي :d |
||||
|
|
|
|
25-08-2009, 22:53
|
#14 |
|
شــاعر
|
رد : العقل راح ادعوا لي ..
جعله والله يطع في خشمك قل امين قال بين ال 15 وال 25 انت يابو رياض طالع لك ضرس العقل من ايام الحمله الفرنسيه قل لا اله ا لاالله بس اخاف الي فيك هذه اعراض خاز باز اهم شي لا تخليهم يخدرونك يالذيب اخاف يسرقون منك شي وانت ما تدري تراهي موضه وانت خابرينك تحب الموضه من ايام بربر بربر زماني يا زماني بربر |
|
|
|
|
11-09-2009, 05:15
|
#15 |
|
خجل آنسآنه.."
|
رد : العقل راح ادعوا لي ..
هههههههههههههههْ.. ربي يعـِآفيك وزينْ آفتكيتْ من ضرس آلعقلْ .. شفتْ آلـِـموضوعْ قلت هوو آلعقل رآح ..! هههههه .. بس يالله آلدور جـِـآي لنآ وربي يعين بس مدري متى نعقل هع.. يسلمك ربي يـِـآآخويْ. حيلْ عجبني طرحك.. دمت بخير |
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
