09-03-2007, 02:54
|
#1 |
|
عطر الروح
|
الظاطور وحريمه
قصة من قصص أجدادي  بسم الله الرحمن الرحيم كانوا منول يطلقون على كل حيوان ولا حشرة لقب من باب الدعابة والمرح لان ما كان فيه وسائل ترفيه زي الحين يحاولون يوسعون صدورهم بأي طريقة نبدأ بالقصة : أبطال القصة :البرصي (الظاطور ) الاب  زوجات الظاطور : 1/الفارة والملقبة (أم محمد ) 2/السحبلة (اللي هي السحلية ) (والملقبة أم سليمان ) 3الخنفسانة (أم حسن ) في يوم من الايام طرت على الظاطور سفرة وقبل ما يسافر جمع حريمة وخيطهم عشان ما يلعبن بذيلهن في غيابه وحط تمرة عند كل وحده وقال هذي مؤنتكم لين أجي المهم ولم الظاطور قشيشة ***** واللي جهزته له ام سليمان حبيبة وراعية واجب وسافر من يوم سافر كلت ام محمد التمرة وفككت خيوطها وقامت تدور من بيت في بيت ( في اعتقادي عشان كذا يطلق عليها بالفويسقة ) المهم انها الله يكفينا الشر دشرت مرررره وام سليمان تلحس في تميرتها ما كلتها يعني (مهيب حارة بطن ) وجالسة في بيتها تنظف وتطبخ وتمسح وتصلي وتعبد ربها وام حسن عرمت من تمرتها شوي وتطلع شوي لسوق وللخباز والجيران بس مهيب عاقلتن مره مثل ام سليمان وبعد كم اسبوع جاء ابوهم ( الظاطور ) ودخل على الفارة ولقاها مفككة الخيوط وماكلتن التمرة قالها افاااااااااااا وش هذا يا م محمد ؟ قالت ابد والله من الفرحة تبقبقنا وتقطعت الخويطات وبعدين راح لام حسن ولقاها كافة عافة ولا خانته ولا شي وخويطاتها ما تغيرت وفي اخر الليل مر على أم سليمان ولاها مولمتن له القرصان وفارشتن الفراش بس ما بعد طبخت قرصانها جت تبي تطبخ القرصان او تشربها له ولا لقتهم وجت تصيح لابوهم الظاطور قال خير ان شاء الله وش فيك قالت ما لقيت قرصاني مدري من سرقها ؟ قال ايييييييه من اخر من جاتس من الحريم قالت :ابد ام محمد جتني شوي وراحت وتسني شايفتها تلفز شين في ابطها . قال زين المهم جمع حريمة كلهم وصفهم وقالهم :اللي تحبني منكم ترفع يدها بقوة وتقول كذا كذا وحبي لك وهو يقول :رفع باليدين كل وجهده كلهم رفعوا ايديهم بقوة الا ام محمد قال : ام محمد يالله ارفعي يدنتس قالت هاه ماودي يدياتي توجعني قال اقولتس ارفعيهن يوم رفعتهم وتطيح قريصات ام سليمان ( يعني ظهر الحق وعرفوا من هو الحرامي ) وقال لام حسن اركضي جيبي الخيزرانه وهو اللي يجلدها لين تفلت العافية وكل وحدة راحت لبيتها ام محمد وام حسن اما ام سليمان فعندها السهرة خذت ام سليمان القرصان وشربتها وقدمتها للابو وكلها كلها ما خلى فيها الا لحاس وناااااااااااااااام عقب ما ملا بطنه من القرصان بالسمن يوم جاء من بكرة جت تقومه ولاه ما يتحرك قامت تصيييييييييح جو حريمه وقاموا يصيحون ويلطمون وجيهم (مات مات مات ستر المحصنات مات مات ) أكيد انه انتي يا السحبله اللي موتيه قالت (لا لا كل قرص بسمنه وانتفخ بطنه ومااااااااااااااات )********* ( وهي تشهق من قوة الصياح ) والخنفسانه قامت تنعي وتقول من حسده وقرده مات وليلتي عنده اما الفارة قالت كش كش عليكم ما قتلته الا يمينه ما ققتلته المحصنات هذي القصة تدل على براءة الخنفسانة والسحبلة وفسق االفارة ودشارتها |
|
|
|
11-03-2007, 13:25
|
#2 |
|
مدري
|
رد : الظاطور وحريمه
والله الظاطور الفحل بعد ... منوره ياسولافه ولا تقاطعينا من هالسوالف الخاثره |
|
|
|
|
15-03-2007, 17:41
|
#3 | |
|
عضو شعبيات
|
رد : الظاطور وحريمه
إقتباس:
سلميلي على أجدادك العظماء  |
|
|
|
|
|
21-03-2007, 17:18
|
#4 | |
|
عطر الروح
|
رد : الظاطور وحريمه
إقتباس:
شكرا سعد على تعليقك ولاتنسى سلم لي على حصة  |
|
|
|
|
|
21-03-2007, 17:20
|
#5 |
|
عطر الروح
|
رد : الظاطور وحريمه
ابو بطين الله يسلمك ما بقى لي الا جده وحدة وابقولها يسلم عليك ابو بطين خخخخخخخخ |
|
|
|
|
21-03-2007, 23:50
|
#6 | |
|
شعلة نشاط
|
رد : الظاطور وحريمه
إقتباس:
شكرا على القصة الواقعية ويخلي لك جدتك |
|
|
|
|
|
22-03-2007, 16:18
|
#7 | |
|
عطر الروح
|
رد : الظاطور وحريمه
هلا فيك حمد إقتباس:
هههههههههههههه تخيل لو انها واقعية والبرصي يجلد زوجته بالخيزرانة وان شاء الله ابوافيكم بسواليف جديدة من عالم الخيال اللي عاشوه الاولين |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
