14-03-2004, 13:55 | #1 |
شــاعــر
|
السالفة طوّلت ..
. . إليكم هذه المتواضعه .. آملاً أن تجد مكاناً في قلوبكم الكبيرة والمزدحمة بالأنقياء .. [poet font="MS Sans Serif,5,black,normal,normal" bkcolor="transparent" bkimage="backgrounds/8.gif" border="ridge,10,limegreen" type=2 line=200% align=center use=sp length=0 char="" num="0,black" filter=""] ياللي تقولون عيني ويش مسهرها = سرّ السهر كاتمه .. والعين تفضح به والسالفة طوّلت .. واليوم بـ أقصرها = لا صرت فـ أول شبابي وأرضنا رحبه ملّيت من ديرةٍ ما ملّ زايرها = ضايق .. وغيري همومه ما تسّرح به ما راح راح .. ودليل الناس حاضرها = واللي مضى ما يخيب من تسلّح به وش هي مكاسيبنا .. وش هي خسايرها = وقتٍ عسى ما صدفنا فيه ننجح به والغرسة اللي رديّ الحظ باذرها = يوم إستوى طلعها قامت تلوّح به ما قمت اساير هوى نفسي واسايرها = اقول خذ مقسمي يا طير وافلح به ما نيب من قوم (حلّلها وفسرّها) = أحب انا الزين والا الشين ما اسمح به خلّو شغوف الهوى للّي يقدّرها = بيتٍ يضلّل عدوّي ما آتريّح به وش لون تسلم طعوني من خناجرها = وإن لمتها .. قالت : صدور العرب رحبه وإن طوّلت تعتذر.. ما نيب عاذرها = أقوم واقعد وادوّر شيٍ انصح به قدّامها كني ضعيفٍ يشاورها = مسكين .. بعض الحكي ما ودّي اجرح به خلّوه راع الطبايع ما يغيّرها = بـ ادوّر اللي يغيض إعداي وافرح به بـ ادوّر اللي يسرّ البال ناظرها = ولا سلهم الرمش تحيي به وتذبح به وجيش الحلا مجتمع كنّه محاصرها = يا صبرها كيف تمسي به وتصبح به تطرح ذهين العرب لا مال خاصرها = وانا ما الوم ( البنيّة ) يوم تطرح به سبحان من صور عباده وصورها = تستاهل المدح يوم الشوف صرّح به ما قالو الزين في صفّة بناجرها = قيل الحلا في الذراع اللي تصافح به وإن قضّت الراس دون إلباس يسترها = العقل يحتار به .. والعين تشبح به ما ردّها الا حياها اللي مكبّرها = ما دوّرت هرج للعشاق تمزح به وإليا ذكرت ربّها هلّت عبايرها = والقرن لا طاح في يدها تسبّح به بنت إبدوي(ن) علومه ما يكثّرها = يوم الردي يِطّبخ .. والهرج يقدح به للمدح والطيب وأهل الطيب ذاخرها = وبعض البشر ما ذخر رجال يمدح به! ومن عيشة البادية ما ضاق خاطرها = ولا هزّها الشوق يوم الضين تسرح به مير الله اللي عطاها وانعش إديرها = والغيم من وين ما راحت تروّح به يا ناس .. كن الربيع اللي يدوّرها = لا لوّحت لاح برقه .. واردمت سحبه! سبحان من قسّم ارزاقه ودبّرها = لو الولي شارنا محدٍ مسامح به من شافها قال يالله لا تواجرها = البنت من جنة الفردوس منسحبه! هذي هي اللي على بالي وخابرها = لا اعطيتها القلب تسرح به وتمرح به ليه أحترق لجلها .. واعيش هاجرها = واصاحب اشكال ما تستاهل الصحبه ------------- عبد الله الجزلاني ------------- [/poet] |
14-03-2004, 14:05 | #2 |
سيـــف الســـيــف
|
الشاعر العذب/عبد الله الجزلا ني اسرفت بالعذوووبه في هذا النص الراقي صح لساااانك وجاد بيانك ايها الرائع وعطر الله جميع اوقاتك بالمسرات مثل ماعطرت هذه اللحظات بهذه الفاتنه دمت بخير ودام ابداعك وتألقك تحياتي لك يا عبدالله |
14-03-2004, 14:40 | #3 |
شـــاعر
|
الشــــاعر الرائع ... الغالي / عبدالله الجزلاني عبدالله أرى أنك أخذت الكثير من إسمك ... في هذه الجزلة عبدالله تعلم رأي مسبقا ... فيك كشاعر ... أما عن هذه الرائعه فقد أروتنا عذوبتاً حتى ثملنا صح لسانك ... وبدنك ... وكلك ... على هالابداع ... لن أنساها حتى ولو طوّلت السالفه تحياتي واعجابي وتقديري لكل ما تقدمه أخوك ثامر الله يصلحك ويصلحه |
14-03-2004, 14:42 | #4 |
شــاعر
|
يازينها زينااااااااه ياعبدالله كل بيت يقول الحق عندي ماشاء الله تبارك الله ليه أحترق لجلها .. واعيش هاجرها واصاحب اشكال ما تستاهل الصحبه فعلا والله انك صدقت في هذا السؤال والجواب صح لسانك ايها الشاعر الفذ وسلمت يمناك ولا عدمناك |
14-03-2004, 16:17 | #5 |
شــاعرة
|
منتهى الروعه والعذوبه والابداع صح قلبك عبدالله ودام ابداعك تحياتي |
14-03-2004, 18:07 | #6 |
مشرف
|
عبدالله الجزلاني وموعد جديد مع الجزاله ... والغرسة اللي رديّ الحظ باذرها ***** يوم إستوى طلعها قامت تلوّح به ما قمت اساير هوى نفسي واسايرها ***** اقول خذ مقسمي يا طير وافلح به الله عليك يابعدي والله انك ابدعت حقاً ........ لله درك ولنا دررك ياغناتي ...... لك كل الحب ..... اخوك حسن آل مسفر |
14-03-2004, 18:37 | #7 |
شــاعر
|
عبدالله الجزلاني صح لسانك وسلم بنانك قمة الروعة والجمال والابداع قصيده حملت في طياتها معاني قويه وجميله لله درك من شاعر وجيش الحلا مجتمع كنّه محاصرها يا صبرها كيف تمسي به وتصبح به تطرح ذهين العرب لا مال خاصرها وانا ما الوم ( البنيّة ) يوم تطرح به صح لسانك مليون ولا يكفون تحياتي واعجابي |
14-03-2004, 19:38 | #8 |
شـــاعــر / صــحفـي
|
والغرسة اللي رديّ الحظ باذرها يوم إستوى طلعها قامت تلوّح به يالهذا الألم وهذا الجحود الذي ولّد هذا العقد الجميل لله درك يا عبدالله |
14-03-2004, 20:12 | #9 |
شـــاعــر
|
يمين بالله بطل بطل كلامك رهييييييييييييييييييييييييييييب حلووووووووووووو مره لاهنت والله يالجزلاني ولا هان راسك مع التحيه دم الغددددددددددددددددددددر |
14-03-2004, 20:50 | #10 |
شـــاعــر
|
عبدالله الجزلاني شاعر يكتب الشعر للشعر فقط .... عبدالله انت احد اللذين وضعوا لهم مكاناً في ذائقتي ..... الف صح لسانك على هالعزف المتفرد .... تقبل تحياتي اخوك محمد بن حزام |
14-03-2004, 21:21 | #11 |
الـحـــرّاب
|
ما راح راح .. ودليل الناس حاضرها واللي مضى ما يخيب من تسلّح به انا اشهد... خلّو شغوف الهوى للّي يقدّرها بيتٍ يضلّل عدوّي ما آتريّح به الغالي عبدالله الجزلاني.. هنا شعر.. و هنا عبدالله.. صح لسانك.. و دمت بخير.. |
15-03-2004, 11:02 | #12 |
شـاعـر
|
* ليه أحترق لجلها .. واعيش هاجرها ............... واصاحب اشكال ما تستاهل الصحبه ياطيب قصيدك .. ياعبدالله صح لسانك .. ياراااااااااااائع تحياتي |
15-03-2004, 11:34 | #13 |
شـــاعــر
|
عبد الله الجزلاني الله واكبر علييييك في كل قصيدة اراك معتليا للقمممممة بكل جدارة صح لسااااااانك ملايين يالغالي فائق التقدير لك اخوك |
16-03-2004, 00:13 | #14 | |
شــاعــر
|
إقتباس:
شهادة من شاعر بحجمك لهي محل إعتزاز وفخر بالنسبة لي فشكراً لك من القلب ودام تواجدك |
|
16-03-2004, 15:31 | #15 |
عضو شعبيات
|
ياسلأم ياسلأم ياسلأم عليك يـــ عبدالله الجزلاني والله جزل صح الله لسانك وولاهنت مليون على الجزاله الشعريه وتقبل تحياتي الخويطري |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|