من خير الكلام


آخر 10 مشاركات
هلا بالجميع (الكاتـب : دغيفل - - الوقت: 20:59 - التاريخ: 14-11-2023)           »          اصعب سؤال (الكاتـب : علي التركي - - الوقت: 14:50 - التاريخ: 26-06-2020)           »          وريثة الغيم (الكاتـب : علي التركي - - الوقت: 10:37 - التاريخ: 21-03-2020)           »          الظِل.......! (الكاتـب : كريم العفيدلي - - الوقت: 23:00 - التاريخ: 26-01-2020)           »          آفـآ وآلله يـآمـجـرآك (الكاتـب : ناعم العنزي - - الوقت: 10:12 - التاريخ: 23-01-2020)           »          ثـقـوب (الكاتـب : عائشة الثبيتي - - الوقت: 10:25 - التاريخ: 17-12-2019)           »          ~{عجباً لك تدللني}~ (الكاتـب : شيخه المرضي - - الوقت: 23:39 - التاريخ: 26-11-2019)           »          تاهت خطاويه (الكاتـب : حمود الصهيبي - - الوقت: 08:55 - التاريخ: 14-11-2019)           »          خزامك وشيحك (الكاتـب : حمود الصهيبي - - الوقت: 22:43 - التاريخ: 08-11-2019)           »          موسم الصمان (الكاتـب : حمود الصهيبي - - الوقت: 14:58 - التاريخ: 08-11-2019)


 
العودة   شعبيات > > قوافي البوح
تحديث هذه الصفحة الـمـديـنـه والـغــريـب
 
إضافة رد
 
أدوات الموضوع
قديم 08-09-2001, 04:20   #1
فهد المساعد
شــــــــاعر
 

الـمـديـنـه والـغــريـب

جا يشوف الحال كيفه .. بعد ماهزّه حنينه

...................... وقبل يسألني سألته : كيف حالك يالحبيب ؟


قال انا كني غريب ٍ ضيّع دروب المدينه

...................... قلت انا كني مدينه تنتظر رجعة غريب

قال اجل وشفيك تلعن سيرة الحب وسنينه

...................... قلت اجل وشلون ماالعن سيرته دامك تغيب

انت لامن غبت حتى مرايتك صارت حزينه

...................... كيف ماتبغاني احزن وانت لي مثل النصيب

الهدايا والرسايل والمكاتيب الثمينه

...................... والليالي والقمر والريح والكون الرحيب

كل ماتبعد .. تجيب الشعر ليّه من يدينه

...................... وتقعد جروحي تودي فـ الطواريق وتجيب

يابعد كل القصيد ونزوة احْداه وانينه

..................... لاذكرتك .. لاح بيت , وطاح ورد , وفاح طيب

وان نسيتك مانساني صوتك المبحوح لينه ..

...................... ياخذ لجرحي بـ ثاره من خطاياك ويطيب

وبعد هذا جاي ترمي ذنبك بوجه المدينه ؟!

...................... مادريت ان المدينه كلها ( شمعة غريب ) ؟!!

التوقيع: حتى رفيقي ضماد القلب وعلاجه * على كثر مااتمسك فيه .. صدّقني ..
لو ادري انه مرافقني على حاجه * لأمسكه حاجته واقول فارقني
فهد المساعد غير متواجد حالياً   اضافة رد مع اقتباس
قديم 08-09-2001, 22:54   #2
محمد الغيث
عضو شعبيات
 

:P

انت لامن غبت حتى مرايتك صارت حزينه

...................... كيف ماتبغاني احزن وانت لي مثل النصيب

الهدايا والرسايل والمكاتيب الثمينه

...................... والليالي والقمر والريح والكون الرحيب

كل ماتبعد .. تجيب الشعر ليّه من يدينه

...................... وتقعد جروحي تودي فـ الطواريق وتجيب

يابعد كل القصيد ونزوة احْداه وانينه

..................... لاذكرتك .. لاح بيت , وطاح ورد , وفاح طيب


الله .. الله .. الله ..

ياسلالالالالالالالالالالام ..

صح لسانك ابو مساعد ..

صح غربتك ..

وحنينك ..

وحزنك ..

والمدينه ..

والغريب ..

صح كل ماينتمي لفهد المساعد ..

اشهد انه لاح بيت .. وطاح ورد .. وفاح طيب ..

اثرت ان تكون اول مشاركه لي في شعبيات تحت مشاركة شاعري / فهد المساعد .. تحت عذوبته .. وبعد حزن من احزانه ..

ااااااااااااه يافهد ..

كم اااااااااااه تستحق المدينه والغريب .. ؟!

هل لازلت مصرا على ماذكرته لي قبل ذلك ..؟؟!!

وهل تعتقد ان امثالي لن يبحثوا عنك وعن قصيدك ..؟!

ابدا يافهد مااوافقك ..

تحياتي لك لاعدمتك يابعدي ..

محمد الغيث غير متواجد حالياً   اضافة رد مع اقتباس
قديم 26-10-2001, 18:14   #3
هاوي قصيد
موقوف
 

رائع ايها الفهد

قامه شعريه دخلت للساحه الشعريه منذ فتره واصبحت

تتبوا مكانا مرموقا بها

البيت الثاني بالذات بيت عن قصايد ولو لم يكن لك

الا هذا البيت لكفاك

شكرا على اتحافنا بهذه الرائعه والتي ابحث عنها منذ زمن

ولم اجدها لظروف الغربه

ليتك رايت مقدار سعادتي وانا اقراها

الف الف شكر وننتظر من ابداعاتك ايها المبدع

هاوي قصيد او سلطان القحطاني

[ أكتوبر 26, 2001: تم تعديل الموضوع بواسطة : هاوي قصيد ]

هاوي قصيد غير متواجد حالياً   اضافة رد مع اقتباس
قديم 26-10-2001, 20:48   #4
لووووول999
عضو شعبيات
 

الشاعر العزيز فهد المساعد

يعطيك العافية

قصيدة روعة

يمكن كلها فيها روعة لكن الاروع من وجهة نظري المتواضعة :


وبعد هذا جاي ترمي ذنبك بوجه المدينه ؟!

...................... مادريت ان المدينه كلها ( شمعة غريب ) ؟!!

روعته تكمن في أنه كان رد على الشخص بعد ان فنّد كل اسباب تعذره

يمكن فيه ابيات اذا أخذناها لوحدها اروع من هذا خذ عندك

قال انا كني غريب ضيع دروب المدينه
000000000000000 قلت انا كني مدينه تنتظر رجعة غريب


لكن معنى اجمالي للقصيدة هذا البيت يمكن هو أهم مافي القصيدة

وهالبيت هو يمكن الغرض اللي كتبت عشانه القصيدة

وجهة نظر والمعنى ببطن الشاعر

ومانقدر نقول غير سلم الله يدين من كتبها
ويعطيك العافية

ولاتحرمنا مشاركاتك دوم

التوقيع: ليه احس اني وانا اشوفك حزين


وقلبي الليلة بهمه مبتلي


كانها الفرقى طلبتك حاجتين


ميرندا فراولة ونص مندي
لووووول999 غير متواجد حالياً   اضافة رد مع اقتباس
قديم 27-10-2001, 01:08   #5
مظلومه
عضو شعبيات
 

:P

جا يشوف الحال كيفه .. بعد ماهزّه حنينه
...................... وقبل يسألني سألته : كيف حالك يالحبيب ؟
قال انا كني غريب ٍ ضيّع دروب المدينه

...................... قلت انا كني مدينه تنتظر رجعة غريب

انا اقول هذي احلا بيتين خصوصا البيت الثاني رووووعه مره صح لسانك فهد

[ أكتوبر 26, 2001: تم تعديل الموضوع بواسطة : مظلومه ]

التوقيع: قلت :انا مظلومه
قال : So What
قلت : الله يخلف على ام جابتك
مظلومه غير متواجد حالياً   اضافة رد مع اقتباس
قديم 27-10-2001, 01:33   #6
نادره
العضوية الماسية للموقع
 

فهد المساعد

ما شاء الله عليك القصيده رائعه بروعة حضورك
صــح لسانك 0

نادره غير متواجد حالياً   اضافة رد مع اقتباس
قديم 27-10-2001, 03:38   #7
نوف الراشد
موقوف
 

الشاعر الكبير .. فهد المساعد
دائما وابدا قصائدك لها نكهه واحساس خاص
يعطيك ألف عافيه .. وشكرا على هالقصيده الغارقه في الجمال
فعلا من أروع ما قرأت ..
تسلم الانامل اللي خطتها..

ولك فائق التحيه والاعجاب
من أختك .. عطر الخزامى

نوف الراشد غير متواجد حالياً   اضافة رد مع اقتباس
قديم 27-10-2001, 03:57   #8
حرباز
عضو شعبيات
 

:P

ماشاء الله تبارك الله
صح لسانك خالي
ويعطيك العافيه

التوقيع: حرباز
حرباز غير متواجد حالياً   اضافة رد مع اقتباس
قديم 27-10-2001, 06:15   #9
بك بك بي بي
عضو شعبيات
 

الله اكبر ياغريب


فهد قصيدتك صافحناها كثيرا


ولكننا الان نعبر عن شعورنا نحوها

ف صح الله لساانك ملياااار


ولاهنت

التوقيع: حدر القمر صوّت لخله وناداه *** ثلاث مراتٍ وبالرابعة ون
بك بك بي بي غير متواجد حالياً   اضافة رد مع اقتباس
قديم 27-10-2001, 15:52   #10
بدوي في امريكا
شــاعر
 

:P

اخي فهد المساعد:

اولا ما اسعد شعبيات بان تنال تلبيتك لدعوه ومشاركتك اخوانك واخةاتك مبدعي الشعر..بدوي اقول اهلا وسهلا نايبه عن الاداره والاعضاء وشرفتنا ايه المبدع...


وثانيا: اقول صح لسانك على الرائعه التي لا يستطيع اخوك ان يوفيها حقها من الاطراء بل هي اكبر من كلماتي البسيطه...

تقبل تحيات
اخوك البدوي

التوقيع: صرنا ما بين منازع الشر والخير....يالله عبدك للهدايه تدله
بدوي في امريكا غير متواجد حالياً   اضافة رد مع اقتباس
قديم 27-10-2001, 17:06   #11
البندري 2000
عضو شعبيات
 

...جا يشوف الحال كيفه .. بعد ماهزّه حنينه
................. وقبل يسألني سألته : كيف حالك يالحبيب ؟


قال انا كني غريب ٍ ضيّع دروب المدينه

................. قلت انا كني مدينه تنتظر رجعة غريب

قال اجل وشفيك تلعن سيرة الحب وسنينه

............. قلت اجل وشلون ماالعن سيرته دامك تغيب

انت لامن غبت حتى مرايتك صارت حزينه

............. كيف ماتبغاني احزن وانت لي مثل النصيب

الهدايا والرسايل والمكاتيب الثمينه

............ والليالي والقمر والريح والكون الرحيب

كل ماتبعد .. تجيب الشعر ليّه من يدينه

.............. وتقعد جروحي تودي فـ الطواريق وتجيب

يابعد كل القصيد ونزوة احْداه وانينه

............. لاذكرتك .. لاح بيت , وطاح ورد , وفاح طيب

وان نسيتك مانساني صوتك المبحوح لينه ..

............. ياخذ لجرحي بـ ثاره من خطاياك ويطيب

وبعد هذا جاي ترمي ذنبك بوجه المدينه ؟!

............ مادريت ان المدينه كلها ( شمعة غريب ) ؟!!

.الشاعر المبدع الأستاذ فهد المساعد..قصيده في غاية العذوبه وهذا الأمر ليس بالغريب لأن كاتب هذا النص استاذ بحجم المساعد ,, شكراً لمن جعنا بالمبدعين ,,تحياتي لك..

البندري 2000 غير متواجد حالياً   اضافة رد مع اقتباس
قديم 28-10-2001, 08:30   #12
المــجــد
عضو شعبيات
 

العزيز فهد المساعد..

قصيدة رائعة

صدقت ..

لأنه لا غاب حبيبي صابني جنون ...
ومين يفضل عاقل لا غاب حبيبه ...

أنتظر رجعته بالشهور والسنون ...
وتمر علي الأيام مرة .. صعيبة ...

حبيبتي ليت القلوب كانت سجون ...
كان حبستك وكانت ليلتي رهيبة ...

لك كل التحية يابو مساعدة ...

المــجــد غير متواجد حالياً   اضافة رد مع اقتباس
قديم 28-10-2001, 23:47   #13
ازرق وابيض
عضو شعبيات
 

بكل هذي العذوبه تجينا يافهد المساعد وتوفر علينا قروش فواصل

هذي القصيده من قريتها وانا ارددها دوم لانها سكنت قلبي بقووووه..

صح لسانك ايها الرائع ولاهنت..

انا قريت ان هناك مطرب بيغنيها بس ناسي والله منهو...فمدري هذا صحيح؟؟


وياليت تعجل علينا بقصيدة" المطار "

التوقيع: <center><font color="White"><table style="filter:glow(color=blue, strength=2,400)">

لا صـرت فيما تطلب النفس بلشان
...............اترك طمان القاع وارقى برفاعه
وباكر تصاريفه على عالي الشان
...............من يضمن الـدنيا ولو ربع ساعه؟

</table></font>
</center>
ازرق وابيض غير متواجد حالياً   اضافة رد مع اقتباس
قديم 29-10-2001, 16:53   #14
انا المملوح
عضو شعبيات
 

صح لسانك اخوي فهد المساعد ..

لاهنت يالذيب..

عساك على القوه..

تقبل تحياتي اخوك المملوح,,


انا المملوح غير متواجد حالياً   اضافة رد مع اقتباس
قديم 29-10-2001, 17:23   #15
فهد المساعد
شــــــــاعر
 

... بسم الله الرحمن الرحيم
(( اعذروني بتكلم بأريحيه لأني بين ربعي واخواني واخواتي ))
الساعه عندي الحين .. ثمان واثنعشر دقيقه

عشان كذا بقول صبحكم الله بالخير .

انايالربع متابع لموقع الاقلاع من فتره وفيه شعراء وشاعرات محتفظ بقصايدهم في جهازي ومااقول الا الله يبيض وجيههم على الابداعات اللي قاعدين يقدمونها .

زبدة الكلام ( انا مازلت في بداية المشوار وفيه شعراء وشاعرات من المفترض ان هالصفحه تفرد لهم بدال ماهيب لي لكن يمكن هم مايبغون يطلعون بأساميهم الحقيقيه لأسباب تخصهم .. عموما اذا حرموني من قراءة قصائدهم مذيله بأساميهم لايحرموني من التوجيه فأنا بحاجه لكل كلمه صادقه منهم )

قبل ماانسى .. اشكر كل من اتاح لي فرصة التعرف عليكم وترى ان الله كتب لي نجاح فهو نجاح لنا جميعا وان الله كتب لي فشل فهو مني ولي انا الحالي ..

التوقيع: حتى رفيقي ضماد القلب وعلاجه * على كثر مااتمسك فيه .. صدّقني ..
لو ادري انه مرافقني على حاجه * لأمسكه حاجته واقول فارقني
فهد المساعد غير متواجد حالياً   اضافة رد مع اقتباس
إضافة رد


عدد المتواجدون في هذا الموضوع » 1 , عدد الأعضاء » 0 , عدد الزوار » 1
 
أدوات الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح

الإنتقال السريع