[نادر]

بسم الله الرحمن الرحيم
التعرّف والتوغل بتفاصيل حياة أشخاص بُسطاء دائماً متواجدين بالقرب منا يجلعنا نعرف الكثيييير والكثيييير عن ماهو غائب عنّا خلف اسوار هذه الحياه من قناعات وبساطة معيشه ، ويزيد من فهمنا للحياه ..!!

راح اعرض لكم لقاء اجريته مع شخص من العماله البنجلاديشيه ، وراح ندخل بحياته ونتلقف شوي ونشوف .
طبعاً تعبت عشان اقنعه بالتصوير ، يقول : (حكومه مشكله) ..!! ، رديت عليه : لا تخاف مافيها مشاكل.!!
يقول : هذا مشكله بئدين بلوتوس (بلوتوث) ..!! ، المهم انه اقتنع بعد ما قلت له ان الصور هذي راح يشوفونها بنات وخدامات وهنديات..!! ، بعدها ضحك وقال : مافيه مشكل سوي تصوير وقام يمسح على شعره ويرتبه..!!




^^
^^
الاسم / علي جاسم ( اخونا في الله وطبعا ديانته مسلم)
على طاري الاسم اذكر اول ما عرفته تقريبا قبل 4 سنوات ، كان وقتها يغسل سيارة الوالد وتوارثناه بعدها ، أول ما سألته عن اسمه قال :ألي زاسم ..!! (علي جاسم ) .. طبعا ما فهمت عليه إلا بعد ساعه عرفت الاسم ومآش ما اقتنعت لانها ماتجي .. من بنجلاديش الحبيبه واسمه علي جاسم ..!!
قلت له : أكيد هذا اسم وإلا منا منا..!! << يحرّك بيده يمين يسار
دخّل يده في جيب البنطلون اللي ورا وقال : سوف سوف اقامه ..!! وفعلا اسمه طلع علي جاسم


# علي جاسم كم لك سنه وانت تشتغل في السعوديه ؟؟
اهدئش (11 سنه) .


# ماشاء الله مهوب باين عليك انك كبير ، كم كان عمرك يوم جيت تشتغل بالسعوديه ؟؟
أول يجي هنا سعوديه عمر 18 سنه بس انا سوي ترتيب عمر عشان شغل هنا ، (يعني قصده لازم تكبر عمرك عشان تحصل على فرصة عمل)
وعمري الصحيح مافي معلوم نفر .. بس ماما معلوم ، وبابا موت . ( الله يرحمه برحمته )


# متزوج وعندك بتشا ؟؟
ايه انا فيه زواج وموجود واحد ولد واسمه شمس الحق .


# متى تروح للمدام والماما والبتشا او كم مره رحت لهم بنجلاديش ؟؟
كلّوا 11 سنه انا في روح 4 مره بنجلاديش.
أول مره يروح انا مافيه زواج ، ثاني مره انا في زواج وسوي ترتيب عرس ، واثنين مره انا يروح بس يجلس سيم سيم ماما ومدام ، يجلس ممكن 3 شهر .


# ليش ماتجيبهم هنا بالسعوديه ؟؟
هنا بيت زياااده فلووووس ، لو انا موزود راتب اثنين الف كل شهر انا يجيب هنا مافي مشكل.


# وش أكثر شي اعجبك في السعوديه ؟؟
العمره والحج .

# كم مره اعتمرت وكم مره حجيت ؟؟
عمره كل رمضان انا في روح مكه ، وحج واحد مره بس .


# وهو يكلمني لقطت له هذي صوره ..!!




وقلت له من باب المزح : انا برسلك الصوره بلوتوث وارسلها وسائط للمدام .
رد علي : لا .. هذا مشكله كتيييير ، قلت : ليش ؟ ، يقول : هو مافي معلوم انا شغل غسيل سياره وما في معلوم انا شغل 10 ساعه كل يوم .
(ما يدرون اني اشتغل كذا بالسعوديه ، لو تدري المدام او امي اني اشتغل كذا واكرف كل يوم 10 ساعات من الصباح الى الليل وفي غسيل السيارات ، على طول يقولون لي ارجع بنجلاديش ..!!)



# ليش وش قلت لهم انك تشتغل ..؟؟
أنا كلام شغل شركه اثنين ساعه كل يوم بس .

# عطنا روتينك اليومي بما انك جبت طاري ساعات شغلك؟؟
انا نوم خلاص الساعه 7 الصباح ، الساعه 8 فيه شغل غسيل سياره جامعه ، وبعدين العصر انا في شغل هنا الى الساعه 7 بالليل وبعدين روح بيت سوي ترتيب اكل ونوم .


# انت سكنك في الدمام وتجي تشتغل بالظهران ، ليش ماتشتغل بالدمام اقرب لك وتوفر مشاوير ؟؟
دماااام زياده نفر جنجال ( يعني مشاكل وهواش) ، وزيادة نفر شُغل (يقصد انهم كثير العمال هناك ) ، ظهران كويس ، سيم سيم خبر و ارامكوا كلّوا نفر كويس هو كلام يعطي فلوس 10 ريال انا غسيل سياره على طول يعطي فلوس ، مافيه قول : آخر كلام كم ..!! ومافيه كلام بعدين يعطي فلوس ، نفر كويس .


# حبيت اغير جو اللقاء ونزلت شعار الاتحاد من السياره وقلت له : معلوم هذا مين ..؟؟؟
قام يضحك ويقول : اتهاد

# تتفرج كوره ؟؟
انا بس شوف فاينل ( يقصد يشوف مباريات النهائي ) .

# مين تشجع ؟؟
يضحك بصوت عالي وانبسط على السؤال ، انا حب اتهاد وشباب ، وانا زياده صديق بنجلاديش حب اتحاد.


# قاطعته وقلت له وش رايك رايك بما انك تحب الاتحاد آخذ لك صوره مع الشعار ؟؟
مافيه مشكله شيل صوره .

وهذي الصوره اللي التقطتها له



برايفت * i b r a h e m
يمديك علي التصوير يالمحترف الفوتوغرافي ؟؟

# وش احسن موقف صادفك ؟؟
انا يجي يغسل سياره نفر شباب .. حساب 10 ريال ، هو موجود خمسين ريال ومافيه صرف ، بعدين هو يعطي 50 ريال وكلام هذا هديه .


# طيب وش اسوء موقف مر عليك ؟؟
قبل العيد يجي نفر سعودي هو كلام اتفاق يعطي 300 ريال وانا فيه غسيل سياره + غسيل درج + غسيل حوش + غسيل سطح + شيل زوليه من سطح يودي برا
انا خلاص شغل هو كلام بعدين يعطي فلووس وانا كل شهر يجي هو كلام بعدين بعدين


مع تسكيرة باب الراكب انتهى علي جاسم من غسيل السياره وقلب السطل وجلس عليه ينتظر الحساب ..!!



وعطيته حسابه وقلت له مع السلامه .
رد علي مع ابتسامه ، شكرا مع السلامه . << طبعاً الورده هذي من عندي ما عطاني ياها
انتهى

* ما يستفاد من اللقاء :/
لا يعرف قيمة الشيء إلا فاقده .

كل الشكر للأخت الدبدوبه (من شبكة الاقلاع) على التصميم .

مسابقة الديوانية
نادر - مهستر على خفيف

[!!هذّيان حلمْ!!]

ليش ماتجيبهم هنا بالسعوديه ؟؟
هنا بيت زياااده فلووووس ، لو انا موزود راتب اثنين الف كل شهر انا يجيب هنا مافي مشكل.

الله يغنيك

وقلت له من باب المزح : انا برسلك الصوره بلوتوث وارسلها وسائط للمدام رد علي : لا .. هذا مشكله كتيييير ، قلت : ليش ؟ ، يقول : هو مافي معلوم انا شغل غسيل سياره وما في معلوم انا شغل 10 ساعه كل يوم . (ما يدرون اني اشتغل كذا بالسعوديه ، لو تدري المدام او امي اني اشتغل كذا واكرف كل يوم 10 ساعات من الصباح الى الليل وفي غسيل السيارات ، على طول يقولون لي ارجع بنجلاديش ..!!)

يالله صدق رحمته هنا أجل هاك على اهله علشان لقمة العيش
آه بس وين اللي يتأففون من شغل 6 ساعات ومكتب ومكيف وحركات

انا يجي يغسل سياره نفر شباب .. حساب 10 ريال ، هو موجود خمسين ريال ومافيه صرف ، بعدين هو يعطي 50 ريال وكلام هذا هديه .
طيب وش اسوء موقف مر عليك ؟؟
قبل العيد يجي نفر سعودي هو كلام اتفاق يعطي 300 ريال وانا فيه غسيل سياره + غسيل درج + غسيل حوش + غسيل سطح + شيل زوليه من سطح يودي برا
انا خلاص شغل هو كلام بعدين يعطي فلووس وانا كل شهر يجي هو كلام بعدين بعدين

والله ياشبت التسبد هذا وين قلبه وضميره



والله موضوع في الصميم
تصدق بالله اني دايم اشوفهم واراقبهم واسال نفسي كيف وضعهم وحياتهم ؟
من جد صدق اتمنى لو مره اني ولد اقلها لو ابتسم بوجههم واعطيهم أمل باقي ناس طيبه بهالدنيا شرواك
من غير فلوس تكفي بس ابتسامه بوجيهم


موضوعك على بسطاته الى عُظم فائدته

وفعلاً

لا يعرف قيمة الشيء إلا فاقده

.

وضف عليها ان الواحد يحمد الله على ماهو عليه ويرضى بالمقسوم


الله يحفظك يا أخي ومنورنّا << شف من اللي يهرج اللحين

[سمـا خير]

^
^
هلا والله بهذيان حلم صديقتي الجديده منوره الديوانية
.
.
.
نجي للأستاز مهستر على خفيف مبروك الإستازيه أولاً وعقبال الدكتواره ..
.
.
ثاني شي أهلاً وسهلاً فيك في ديوانية شعبيات هاه وش أخبار عيالك الي يبي لهم تقويم شكلك ماتجيبهم شعبيات ترى عادي مو ممنوع أصطحاب الأطفال
.
.
نجي للإتحاد والبنقال
.
.

يقول : هذا مشكله بئدين بلوتوس (بلوتوث) ..!! ، المهم انه اقتنع بعد ما قلت له ان الصور هذي راح يشوفونها بنات وخدامات وهنديات..!! ، بعدها ضحك وقال : مافيه مشكل سوي تصوير وقام يمسح على شعره ويرتبه..!!

^
^
هههههههههه حتى البنغالييه مو سهلين

# متزوج وعندك بتشا ؟؟
ايه انا فيه زواج وموجود واحد ولد واسمه شمس الحق .

^
ايه أسمائهم لازم مركبه شمس الحق مزمل يعقوب محمدصديق
.
.

#

وش أكثر شي اعجبك في السعوديه ؟؟
العمره والحج .

^

# وهو يكلمني لقطت له هذي صوره ..!!

^^
هذا إذا قالك صحفي خطير وحوار حي على الهواء مباشرة ..

وقلت له من باب المزح : انا برسلك الصوره بلوتوث وارسلها وسائط للمدام .
رد علي : لا .. هذا مشكله كتيييير ، قلت : ليش ؟ ، يقول : هو مافي معلوم انا شغل غسيل سياره وما في معلوم انا شغل 10 ساعه كل يوم .
(ما يدرون اني اشتغل كذا بالسعوديه ، لو تدري المدام او امي اني اشتغل كذا واكرف كل يوم 10 ساعات من الصباح الى الليل وفي غسيل السيارات ، على طول يقولون لي ارجع بنجلاديش ..!!)

^
^
تذكرت فيلم محمد هنيدي وهو مسافر هولندا وشغلته يغسل حمامات في أوتيل ويكذب على أهله ..
تلاقي البنجلاديشي يعامل معاملة أمير في ديرته

# حبيت اغير جو اللقاء ونزلت شعار الاتحاد من السياره وقلت له : معلوم هذا مين ..؟؟؟
قام يضحك ويقول : اتهاد

^
قصده إتشاد الأهلاوية يسمونه كذا تيمناً بدولة تشاد الأفريقية ولإن معظم لاعبية من تشاد يقولون كذا

# تتفرج كوره ؟؟
انا بس شوف فاينل ( يقصد يشوف مباريات النهائي ) .

^
^
خل عنك طلع خطير من طرى لنا الفاينل

# وش احسن موقف صادفك ؟؟
انا يجي يغسل سياره نفر شباب .. حساب 10 ريال ، هو موجود خمسين ريال ومافيه صرف ، بعدين هو يعطي 50 ريال وكلام هذا هديه .

^
^
شكله هنا يلمح

* ما يستفاد من اللقاء :/
لا يعرف قيمة الشيء إلا فاقده .

^
^
صادق
الحمد لله كما ينبغي لعظيم فضله وجلال سلطانه
.
.
منور يامهستر الديوانية لقائك رائع أنا شخصياً أستمتعت فيه كل الشكر لك ولعلي جاسم
.
.
الله يعطيك العافية

[سعيد بن مقبل الأكلبي]

راااااااااااائع يانادر
لقاء يوسع الصدر واسلوب محبب للنفس
وتسليط الضوء على جانب من جوانب الحياه
وفوائد لمن القى السمع واتعض

[وطَن]

لقاء ممتع وخفيف
تصلح تكون محقق صحفي بس يحليله فاضي يتابع ويشجع الاتحاد : )

* ما يستفاد من اللقاء :/
لا يعرف قيمة الشيء إلا فاقده .

صدقت والله يعينهم على معيشتهم الصعبه
والحمد لله والشكر لله على كثير النعم

[i b r a h e m]

اهلين وسهلين بالأستاذ العظيم منور والله بهالزيـن
ونفهم من هالموضوع انه جا بالخبره

خل عنك شغلك بطل ولقائك معه بطل
خصوصاً لما قال ان لاعب عليهم واني بس اشتغل ساعتين
بزعمه انه الشخص الفدائي والي ما يبي يضيق صدر احد
ما يدري انه شغل وسرق << نظرتي بالبنقاليه مراح اغيرها



ههههههههههههههههههههه
لا ما يمديني ابد



اهم شي قلبة السطل خخخخخ حسيتها من القلب جايه

//

الشغل مو عيب وكثير شغلات مثل كذا تدخل عليك ذهب
وممكن مره تلقح معهم وياخذهم احد براتب شهري ويعيش احلى عيشة
بس سؤال مثل هذا على مين كفالته ؟ وكيف يسرح ويمرح على كيفه ؟

//

عافاك ربي وتسلم هاليدين وفالك البيرق

(ورده + بوسه )

[تي إتش]

موضوعك خطيير ويعافيك على هاللقاء ومثل ما قال ابراهيم

الشغل موعيب بس أنا أكره البنغالية وأحسهم وسخييين ومخرب البلد وعاث فيها فساد كثرهم

وترا اللي يشتغلون هالشغلات يحصلون من البخشيش أضعاف رواتبهم زي واحد يكيس في بنده

ويوصل الأغراض للسيارة وكل واحد يعطيه من 2 إلى خمس ريال وشف كم واحد يبخششه

وعليك الحساب تشوفه تحسبه ضعيف وهو طالع ماكل نازل ماكل ..

يعطيك العافية طقطقت على ذالبنقالي ووسعت صدورنا

[الجازي]

إقتباس
لا يعرف قيمة الشيء إلا فاقده ..

بصرف النظر عن الجنسية جانب مهم يوضح لنا ابواب الشكر النعمة مهما كانت ,..حتى البنجالية اللي عرفناها بالمشاكل والعدوانية , اكثر الشعوب العدوانية أمّا بسبب الفقر وسوء المعيشة , او بسبب ظروف قاسية خلتهم يحقدون على العالم وتنعكس على تصرفاتهم بشكل سلبي جدا مثل الفلسطنييين , من اهم الشعوب اللي نتعاطف معها , لكن من اكثرهم عنف في التعامل والتصرفات واكثرهم عدوانية وحقد وغلّ وحسد الناس وخاصة على الدول الخليجية , بسبب ظروف الاحتلال
بالتالي استخلاص هذي الفائدة من الموضوع كثير مهم
الله لا يغير علينا ولا الامن في اوطاننا ولا نحتاج لاحد
رسالة هذا الموضوع وصلت بكل ترتيب وتنظيم جميل

[فهد الراجح]

اما يشتغل ساعتين صاروخ قوي والله
ياخي والله لو اني اشتغل بشركة ابوي مايصير ساعتين
بصراحه لقاء رهيب ونادر وفعلا لايعرف قيمة الشيء إلا اللي فاقده ..

عوافي نادر

[قمر السلاطين]

اهلا مهستر أخيرا قريت لك موضوع.. مشكور عل اللفته وبصراحة قريت موضوعك بالإقلاع بس ماحصل فرصة اعللق عالعموم أنا ماراح أطول بالكلام بس اللي استفدته ان اللي يبي يتصدق لا يبخل عليهم والمعاملة قبل كل شي مو ذنبهم اذا الحياه لعبت بكرامتهم ببلد اجنبي واكبر دليل انه للحين ماصارح اهله بالشغل حقه! الله المستعان مشكور اخوي *

[نُورَه]

.
.




شُكراً لشر البلية يانادر
+




.
.

[نادر]

هذيان حلم

إقتباس



والله موضوع في الصميم
تصدق بالله اني دايم اشوفهم واراقبهم واسال نفسي كيف وضعهم وحياتهم ؟
من جد صدق اتمنى لو مره اني ولد اقلها لو ابتسم بوجههم واعطيهم أمل باقي ناس طيبه بهالدنيا شرواك
من غير فلوس تكفي بس ابتسامه بوجيهم

موضوعك على بسطاته الى عُظم فائدته

وفعلاً




لو تعاشرين أو تتعاملين باستمرار مع مثل هالناس تعرفين معاناتهم أكثر
ومثل ما قلتي اقل ما نسويه سواءً معهم او مع غيرهم أقل ما نسويه ابتسامه بوجيهم والرسول عليه الصلاة والسلام يقول(بمعنى الحديث) الابتسامه في وجه أخيك صدقه ، وهذا يدل على وزنها ومدى تأثيرها الايجابي



إقتباس

الله يحفظك يا أخي ومنورنّا << شف من اللي يهرج اللحين:s_45:

اللهم آمين والله يسترنا ويغنينا بحلاله عن حرامه
شرفتينا يا مشرفتنا الجديده

---------------------

سمـا خير


إقتباس




نجي للأستاز مهستر على خفيف مبروك الإستازيه أولاً وعقبال الدكتواره ..
.
ثاني شي أهلاً وسهلاً فيك في ديوانية شعبيات هاه وش أخبار عيالك الي يبي لهم تقويم شكلك ماتجيبهم شعبيات ترى عادي مو ممنوع أصطحاب الأطفال





الله يبارك فيك ، شلون عرفتي ..؟؟!!
والعيال اللي كانوا بتوقيعي طردتهم عشان ما يخربون اغراضكم هنا بشعبيات لانه مكان هادئ ورايق وراقي



إقتباس



.
.
منور يامهستر الديوانية لقائك رائع أنا شخصياً أستمتعت فيه كل الشكر لك ولعلي جاسم
.
.
الله يعطيك العافية




الله يعافيك ، وشرفتينا والله بتواجدك ومشاركتك

---------------------

سعيد بن مقبل الأكلبي

إقتباس

راااااااااااائع يانادر
لقاء يوسع الصدر واسلوب محبب للنفس
وتسليط الضوء على جانب من جوانب الحياه
وفوائد لمن القى السمع واتعض

حي الله شاعرنا سعيد
الله يوسع صدرك بالعافيه وطاعة الرحمن
شرفتنا والله بتواجدك ومشاركتك يا بطل

---------------------

وطَن


إقتباس





لقاء ممتع وخفيف
تصلح تكون محقق صحفي بس يحليله فاضي يتابع ويشجع الاتحاد : )




ههههههههههههههههههههههههههههه
الصحافه وين والتحقيق وين ونادر وين ..؟؟!!
والاتحاد يخلي حتى المشغول يشجعه ويتابعه

شرفتينا بتواجدك اختي وطّن وشاكرلك هالمشاركه