29-01-2010, 22:32
|
#1 |
|
شــاعر
|
(الهنـــوف)
انا عايش ولا ني عايش ٍ في الحل والترحال=مدام اني غريب الدار في حلي وترحالي تمر سنين وتعاقب وانا صابر على ها الحال=هموم وغربله واشكي عنا همي لغربالي ولا لي صاحب ٍ صادق جميع اللي نشوف انذال=صديق المصلحه والا صديق الضحك والمالي يحلّ الضيق لا حل الظلام وهجّعت لزوال=هجم جيش الهموم وقمت ابارز جيش بلحالي على الموال هذا من سنين اقفت على الموال=اداري ضيقتي وابعد بها عن لوم عذالي اقول مع الصبر يمكن يجي بعد الفراق وصال=واسلي خاطري لاقلت بيعود الفرح تالي وتاخذني جنون الشوق للوقفه على الاطلال=بدون شعور ياخذني الحنين لحيها الخالي اجي واروح وعيوني على البيبـان والاقفـال=اناظر والخيال يعيـد ذكـرى شوفـة الغالـي واذا مني وعيت اركى علي من الهموم جبـال=ولا تنـزاح كـود انـه يعـاود لـي تخيالـي تراودني حلوم ومـا تحقـق حلمـي الامـال=صواديف القدر تقتل حلـوم العمـر وامالـي كذا حظي ولا عمره تفـرّع بالعـزوم وطـال=ولكن الرجاء فـي وقفتـه باقـي ولا زالـي الا يالله تبدل ميلـت الحـظ الـردي بعدال=تعدلها ونشرب بعد كـاس المـر مـن حالـي والا يا وجد حالي وجد من دمعه ذرف همـال=غرير ٍ فارق امه لا معـه صاحـب ولا والـي على فرقا وليف ٍ له في اقصى خافقي منـزال=وانا عقبـه لذيـذ النـوم راح ولا تهيالـي اذا طال السهر والفكر حلق بالهموم وجال=طرى لي زول غرو ٍ ما لقيته بين الازوالي تذكرت العيون الخرس والمبسم وحبة خال=على وجنه كما بدر اكتمل مايضوي الا لي و ثغر ٍ لا ابتسم فرق الثنايا تذهل العقّال=واذا شافه خفيف العقل طير عقله الخالي بمردوع الشفا بلسم وطب اللي عذابه طال=وفوق الصدر شي من الفواكه طعمها حالي اذا سلهم برمش العين قلبي باتجاهه مال=على ما طوح النظره خفوقي معه ميالي واذا حد النظر صوّب لقلبي رمشه القتال=انا المقتول واعشق يا عذولي سهم قتالي رمتني بالسهوم وصوبتني لين دمي سال=وانا من بعدها لاني صحيح ولاني بسالي هنوف ٍلا مشى وجل ٍ سريع الخطوه وبتال=شبيه الجازي اللي ما يصيده سهم بتالي صغيرة سن واهداب العيون الناعسات ظلال=وشرطان الذهب تسدل على المتنين شلالي اناظر جيدها واحسد عليه العقد والسلسال=اناظرها وتدرج رمشها الفتان لشغالي هي الفتنه ولا يقوى على طغيانها رجال=ولا انجب مثلها بين الاوادم صلب رجالي رفيعة مستوى بالعيب ماتحكي بها العذال=عفيفه ماتعرض للردى والقيل والقالي يحقلها على كل البنات بحسنها تختال=قلوب الغيد لا شافت حلاها تشعل اشعالي . اخر تعديل كان بواسطة » عبدالله الشغيبي في يوم » 29-01-2010 عند الساعة » 22:48. |
|
|
|
29-01-2010, 23:41
|
#2 |
|
شــاعر
|
رد : (الهنـــوف)
ياسلام ياسلام عزالله احتفيت بها وبالنص خير حفاوة ومتعت متذوقي الشعر لاعجمت ولاهفيت ياعبدالله |
|
|
|
|
30-01-2010, 08:21
|
#3 |
|
شـــاعرة
|
رد : (الهنـــوف)
تمر سنين وتعاقب وانا صابر على ها الحـال هموم وغربله واشكـي عنـا همـي لغربالـي والا يا وجد حالي صح قلبك ولسانك وفكرك ياعبدالله صباحك شعر شاعر رائع نفتخر بانضمامه لقوافي بوح شعبيات استمتعت بقراءتك لاعدمناك راجين دوام التواصل معنا كل الود والورد  |
|
|
|
|
01-02-2010, 04:55
|
#4 |
|
شــاعر
|
رد : (الهنـــوف)
الاخ الشاعر القدير سعيد الاكلبي صح بدنك يا لنشمي واسعدني وشرفني حضورك الراقي واطرائك الكريم شكرا وتحيتي لكـ . |
|
|
|
|
01-02-2010, 04:57
|
#5 |
|
شــاعر
|
رد : (الهنـــوف)
الاخت الشاعره القديره نوره العجمي صح قلبك وفكرك النير اسعدني وشرفني طيب تواجدك شكرا على حضورك الراقي واطرائك الكريم وتحيتي لكـ . |
|
|
|
|
01-02-2010, 05:05
|
#6 |
|
بقـايا حُلـم
|
رد : (الهنـــوف)
رفيعة مستوى بالعيب ماتحكـي بهـا العـذال عفيفه ماتعـرض للـردى والقيـل والقالـي قصيدة رائعة هذا الأسم لابد ان احفظه جيدا لاتابع جديده سجل اعجابي  |
|
|
|
|
01-02-2010, 05:41
|
#7 | |
|
شــاعر
|
رد : (الهنـــوف)
إقتباس:
الاخت الغاليه / عنود يسعدني ويشرفني ان ترتقي كلماتي المتواضعه الي مستوى ذاقتك الرفيعه شكرا على تعطير متصفحي بعبير حرفك الراقي تحيتي واحترامي . |
|
|
|
|
 |
| عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|
|
