12-11-2003, 11:29 | #1 |
عضو شعبيات
|
سـنــا بـرق الـسـحـاب
اتمنى ان تنال بعض رضاكم [poet font="Simplified Arabic,4,black,normal,normal" bkcolor="orange" bkimage="" border="none,4,sienna" type=2 line=200% align=center use=ex length=0 char="" num="0,black" filter=""] ياشموخ العز يوم العز باقى له بقايا=ياسنا برق السحاب اللى لمع فى كل وادى ياذعاذيع الشعر واعذب من انفاس الصبايا=يابلادٍ فيك امارى كل دارٍ يابلادى مايشابهّا شبيه ولايحاليها حلايا=درةٍ بين اصدر الحضران وعضود البوادى ومايهزّك ريح يادار الفهد جزل العطايا=شيخنا قرمٍ تعلا فوق مثل الغيم بادى دام عزه دام مجده وانحنت روس الدنايا=ودام عبدالله يمينه طير ياطير الهدادى يافهد حنّا لجل عيناك من دون المنايا=شمّخ الروس اعتلت فوق الشواهق لك تنادى وكلنا لك ياوطن حرّاس وجنود وفدايا=شوكه بحلق الخبيث ورمحٍ بقلب المعادى الخلا يا شلّة الارهاب ياسود النصايا=السباعه للسباعه والجرادى للجرادى ماسمعنا عن شريعه تامر بذبح البرايا=كيف تغتال البرى وابن المهد وتقول عادى ؟ والله انّا شعب وافى ماتزعزعنا الوشايا=للعلى ثم للوطن ثم للملك والشر غادى الضعيف اليا نخانا نقلب العالى وطايا=والعنيد اليا وطا عالنار يبشر بالعنادى نعرف انسوق الهدايا والهدايا بالهدايا=ولابذرنا ماجنينا غير وقتك يالحصادى نتبع كْتاب الولى والسنه وحسن النوايا=ونرفع الايد الضعيفه من قبل جب الايادى وياوزير الداخليه ياسليل العود يايا=مو غريبه يوم تنتف ريش ملعون النهادى والمٍ امن البلاد ورافعٍ سور الزوايا=اجودىٍ من اجاويدٍ تقود ولاتقادى ديرةٍ تنقض جدايلها وتلفح بالحنايا=ونت لاهى فى غزلها بين طيب وبين كادى عانك الله واحفظك يانايفٍ كل المزايا=ووالله انا لك نوايف للسمايم والبرادى والحصى لولا الحصى ماصارت جبال وشظايا=وكلنا صرنا جبالٍ مايحاديها محادى ويا سنا برق السحاب اللى روى بيض الثنايا=لا لمحت النوض بارق قلت هذا من بلادى عادل كزمان [/poet] |
12-11-2003, 11:43 | #2 |
شــاعـر
|
الشاعر عادل كزمان هلا والله وغلا وصح لسانك على هالشامخه ولله درك من وطن يستاهل اكثر وطن الامن والامان بأذن الله وبألتفافت شعبه وحكامه متخذين شريعت الله منهج ينهجونه اخوي عادل والله قلت قول يبيض الوجه ولا غرابه فأنت شاعر رايع لله درك والله يجعلك على القوه ولك من اخوك نمر العتيبي صادق الود والاحترام |
12-11-2003, 14:06 | #3 |
شــاعــر
|
عادل كتبت مايخالجنا نعم كلنا هذه القصيده..!! ومايهزّك ريح يـادار الفهـد جـزل العطايـا .................شيخنا قرمٍ تعـلا فـوق مثـل الغيـم بـادى دام عزه دام مجـده وانحنـت روس الدنايـا ................ودام عبـدالله يمينـه طيـر ياطيـر الهـدادى ادوات شاعر متمكن صح لساااااانك ياعادل واللهم احفضنا من كل شر بس وين الغيبات؟؟ اتمنى تواصلك تحياتي اخوك |
12-11-2003, 14:06 | #4 |
شــاعـر
|
ايو الله الخلا يقول خلف هذال ياكلاب المجزرة يامسحبت الجلود ............. الخلا عن دارنا الخلا ثم الخلا عادل لله درك من شاعر صح لسانك شعور لايستغرب عليك يابن الحموله دمت للابداع تحياتى |
13-11-2003, 10:40 | #5 |
Guest
|
الغالي عادل كزمان صح لسانك .. على هالقصيده بيض الله وجهك يا ذيبان دمت مبدعاً عساني معدمك .. يا عادل تحياتي |
16-11-2003, 13:49 | #6 |
عضو شعبيات
|
مرحبا والله ومسهلا يانمر صح بدنك الله لايهيينك وجودك شرفنى يالنشمى لك كل الود والاحترام عادل كزمان |
16-11-2003, 13:52 | #7 |
عضو شعبيات
|
هلا وغلاا يالشايع صح بدنك لاهنت اسعدتنى بمرورك العذب وانا موجود طال عمرك بس مافيه اللى يريح البال هنا طال عمرك ولابد من وجود الشخص المناسب فى المكان المناسب وانا كتبت القصيده للحضور فقط ومن حضر ماغاب طال عمرك لك اصدق ودى واحترامى يالسنافى اخوك عادل كزمان |
16-11-2003, 17:43 | #8 |
عضو
|
عادل كزمان ياكلاب المجزرة يامسحبت الجلود ............. الخلا عن دارنا الخلا ثم الخلا ياكلاب المجزرة يامسحبت الجلود ............. الخلا عن دارنا الخلا ثم الخلا لاهنت على هذه الرووعه جزاله غير مستغربه عليك صح السانك .. ولك كل الود اخوك // محمد المليحي |
16-11-2003, 17:49 | #9 |
فـعـل مــاضي!
|
الغالي / عادل كزمان صح قلبك ..!! الشعر / العقد الجميل على عنق الوطن ..!! سنا برق السحاب / حبات الؤلؤ ..!! : مايشابـهّـا شبـيـه ولايحاليـهـا حـلايـا .................درةٍ بين اصدر الحضران وعضـود البـوادى ومايهزّك ريح يـادار الفهـد جـزل العطايـا ...............شيخنا قرمٍ تعـلا فـوق مثـل الغيـم بـادى : لله درك... ولنا دررك... 1حتر11111111111ما111111111111111تي |
17-11-2003, 10:45 | #10 |
الـحـــرّاب
|
اخوي عادل كزمان و حضور رائع بعد غيبه من طول الغيبات جاب الغنايم الخلا يـا شلّـة الارهـاب ياسـود النصايـا السباعـه للسباعـه والجـرادى للـجـرادى ماسمعنا عن شريعـه تامـر بذبـح البرايـا كيف تغتال البرى وابن المهد وتقول عـادى ؟ صدقت و صح لسانك و بانتظارك دوما اخوك الحراب |
17-11-2003, 17:54 | #11 |
شاعر
|
. يابعدي هالغيبة اللي جابت هالزين كله .. أشتقنالك يابعد حيي ياعادل ..! وأنا أشهد رجعت رجعة غير طبيعية .. ومايهزّك ريح يـادار الفهـد جـزل العطايـا ...............شيخنا قرمٍ تعـلا فـوق مثـل الغيـم بـادى ومايهزّك ريح يـادار الفهـد جـزل العطايـا ...............شيخنا قرمٍ تعـلا فـوق مثـل الغيـم بـادى مايهزك ريح أبد .. مايهزك ريح .! لبى والله هالقصيد وراعية ياعادل .. صح لسانك .. وعساها آخر الغيبات .. تحياتي .. |
19-11-2003, 10:42 | #12 |
عضو شعبيات
|
هلا وغلا يابو حميد صح بدنك الله لايهينك لاخلا ولاعدم اشكر مرورك العذب لك ودى واحترامى اخوك عادل كزمان |
19-11-2003, 10:43 | #13 |
عضو شعبيات
|
مرحبا ومسهلا يالعنقرى صح بدنك لاهنت اشكر مرورك واطرائك العذبين لك ودى واحترامى اخوك عادل كزمان |
21-11-2003, 21:36 | #14 |
عضو شعبيات
|
اخوى محمد المليحى مساك سعيد وصح بدنك لاهنت مشكوور على مرورك العذب ولك ودى واحترامى |
21-11-2003, 21:38 | #15 |
عضو شعبيات
|
هلا وغلا يافووزى صح بدنك لاهنت اسعدنى تواجدك العذب لك ودى واحترامى |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|