30-08-2006, 10:39 | #1 |
شاعر
|
الياباني الفسقان وسعود :) / ( سعد عينه في ذمتي )
صباح الخير ياغالين هذي بويتات من موقف مضحك ومحزن بنفس الوقت صادفني يوم كنت في سويسرا قبل شهر صادفت سايح ياباني في يخت ودردشت وياه عنقليزي طبعا عاد انا بلبل بالانجليزي اللي يتكلم هناك انجليزي كنه يتكلم عربي ... ادوره دواره . مافيه الا فرنسي والماني المهم ماودي اطلع من سياق او لب الموضوع سألته شرايك في اوروبا والمناظر الحلوه هذي ! قالي اوروبا رائعه وسويسرا جنتها واحلى بقعه فيها وزياراتي دائم تكون ل سويسرا اكثر لانها متنفس عذب قلت انا اول مره بحياتي ( اطبها ) .. هههههههه بس الديره اكسبنسف غاليه ناااااااااااار قال بالعكس انا اشوف انا رخيصه وبلاش ! صـــدمــــني قلتله شلون ؟ قال باليابان دخلنا عالي ومعيشتنا اغلى ف حنا نستفيد من السفر حاجتين ؟ الاولى / نستمتع سياحيا الثانيه / نوفر فلوسنا ونجمعها لأن الصرف ارخص بأضعاف من اليابان قلت ( ســعـــد عــيـنــك فـي ذمــتـــي ) قال : وااااات ؟ قلت نايس تو ميت يو ) وخليته ورحت اغني من الحسره وقلت : _______________ ياجاي من ( طوكيـو ) .. مبعـوص بفلوسـه ! مانـي بمستغـرب ؟ .. ( اليابانـي ) يسـافـر دراهمـك واااجــد .. ورحلـتـك مـدروسـه متـى ؟ ماطقـت براسـك .. رحـت يالكافـر تقعد في (( اوروبا )) .. أمير (( بقاع معسوسه )) واي ديـره بخاطـرك !! .. طريقهـا وافــر كـل شـي عنـدك رخيـص وتقـدر تحوسـه وبلادك اعلى دخـل .. ( بالشاهـق / الزافـر ) كنت احسب النـاس ؟ .. بالمرغـوب مهووسـه واثـر اغلـب النـاس ! .. بالممنـوع تتعافـر مانـي بلومـك عـلـى بـذخـك وقامـوسـه مــدام بـالـك مـاهـو بالـهـم متـنـافـر انـا القـط الخـرده اللـي عنـدي ملموسـه ولا انت ! في ( فيزتـك ) كـل شـي متوافـر منحوس .. واللـي معـي ! هطفـه ومنحوسـه ولا انت ! .. معك اللـي معهـا الواحـد يسافـر بالمزح !! .. فالح وظافـر يـا بـو فٌنوسـه وإلا الكرم ؟ مـا انـت فيـه ب فالـح وظافـر منك تعلمت .. (( حكمـه )) .. شبـه مدروسـه لكن ؟ وش اقـول : !! .. غيـر ان الله الغافـر احـد ٍ يسافـر ! .. عشـان يوفـر فلـوسـه !! واحد ٍ يجمٌع ؟ ... عشـان ,, يفكـر ! يسافـر ؟ وسلامتكم ياغالين اخر تعديل كان بواسطة » ثامر الشعيفان في يوم » 30-08-2006 عند الساعة » 18:57. |
30-08-2006, 19:05 | #2 |
شـــاعر
|
رد : الياباني الفسقان وسعود :) / ( سعد عينه في ذمتي )
جمال الإسلوب ولطافة العبارة لم تتركنا إلا وقد رسمت الإبتسامة على الوجوه احـد ٍ يسافـر ! .. عشـان يوفـر فلـوسـه !! ......................واحد ٍ يجمٌع ؟ ... عشـان ,, يفكـر ! يسافـر ؟ الله يوسع صدرك بالعافية منحوس .. واللـي معـي ! هطفـه ومنحوسـه ......................ولا انت ! .. معك اللـي معهـا الواحـد يسافـر هههههههههههههههههههههههههههه الله يسامحك بس بالنسبة للتعديل على الموضوع ... كان لمجرد التنسيق لأنك كنت ماغط الصفحة 2 كيلو متر تحياتي لك |
09-09-2006, 08:49 | #3 |
شاعر
|
رد : الياباني الفسقان وسعود :) / ( سعد عينه في ذمتي )
مرحبا ياثامر ويشهد الله انك افرحتني يوم قلتلي ان الموضوع وسع صدرك صح بدنك وسوري ادري خليتك تطق درب طويـــــــــــل لك كل الشكر |
09-09-2006, 10:59 | #4 |
شـــاعر
|
رد : الياباني الفسقان وسعود :) / ( سعد عينه في ذمتي )
صح لسااااانك أخوي سعود بالفعل اليابان معروفة بارتفاع الأسعار وما قصر هالياباني اللي خلاك تتحفنا بالقصيدة هذي استمتعت كثيرا بقراءتها ومروري عليها دمت يالغالي بكل الود |
12-09-2006, 00:57 | #5 |
المشرف العام
|
رد : الياباني الفسقان وسعود :) / ( سعد عينه في ذمتي )
احـد ٍ يسافـر ! .. عشـان يوفـر فلـوسـه !! واحد ٍ يجمٌع ؟ ... عشـان ,, يفكـر ! يسافـر ؟ ههههههههههههههه اجل هالأفنس اثار قريحتك الشعريه اجل هذي الحسنه الوحيده اللي استفدناها منه صح لسانك على القصيده الطريفة واسعد الله اوقاتك كلها ولا تقاطع شعبيات ياسعود بالمشاركات والتفاعل لاعدمناك نحرص عليك دايم تحياتي |
12-09-2006, 10:01 | #6 |
شـــاعــرة
|
رد : الياباني الفسقان وسعود :) / ( سعد عينه في ذمتي )
احـد ٍ يسافـر ! .. عشـان يوفـر فلـوسـه !! واحد ٍ يجمٌع ؟ ... عشـان ,, يفكـر ! يسافـر ؟ اضحك الله سنك واسعد محياك موقف وقصيده اجمل صح لساااااانك ملااايين عجبتني "هطفه ومنحوسه""..مافهمتها مزبوط ولكن واضح انها تخص ذوات فصيلتنا |
18-09-2006, 05:26 | #7 |
شـــاعرة
|
رد : الياباني الفسقان وسعود :) / ( سعد عينه في ذمتي )
احـد ٍ يسافـر ! .. عشـان يوفـر فلـوسـه !! ......................واحد ٍ يجمٌع ؟ ... عشـان ,, يفكـر ! يسافـر ؟ الله يوسع صدرك ياسعود كأننا نشوفه وهو ماسك كاميرا كعادتهم صح لسانك نأمل دوام التواصل مع شعبيات كل الود والأحترام |
عدد المتواجدون في هذا الموضوع » 1 , عدد الأعضاء » 0 , عدد الزوار » 1 | |
|
|
|