[نايف بن زايد]

أسعد الله مساكم جميع

أشتكي من حر ما أونس ياسعيد=وأتحّرى منك يالقرم إنتباه
أشتكي من جورة الحظ العنيد=والزمان الي مطاولني عناه
كل مابيّنت لي راي(ن) سديد=عارضتني ميلة الوقت وشقاه
ماسليت بقرب خل وصبح عيد=شايل(ن) همي وهمي في عماه
كل صبح وكل ليل(ن) يستزيد=بالظروف الي تجدد محتواه
بري حالي والعمر ماهو يزيد=أنقضى مابين صكات الحياه
سبة الي دونها الباس الشديد=بنت شيخٍ ماتذبذب مستواه
جادل(ن) سبحان خالقها المجيد=كيف صور عنقها عنق المهاه
والعيون الي نظرها مايحيد=رمشها صفة عساكر فالمشاه
من دلعها لو تعّرض للجليد=ذاب قبل الصيف يعلن مبتداه
قبل أعرف رسومها والقلب حيد=مايهمه طاري العشق ونباه
لين صرت أسوق من جزل النشيد=مايخفف لوعة الحب ولضاه
كني الي صار لأفكاره طريد=تدهمه ويسج في دار(ن) فلاه
ليتها لي بنت عم(ن) مايريد=غير علم(ن) له تفاصيل وطراه
أخطبوها واجرحوا "قلب ووريد"=وأسهروا طرف تعذب في هواه
وأرسلت مرسالها عبر البريد:="وجد قلب ماتحقق مبتغاه"
والله إني من عذابي مستفيد=أربع(ن) لو مالها عندي حلاه
القصيد وجرة اللحن الفريد=والتوجد في مراقيب السراه
والتمني لي بدا فجر جديد:="عل وقتي مايطول في قساه"
واهني "الورع والقلب البليد"=ماتعنّى في كَراه وشرب ماه

سوالم

[عبدالرحمن ال مغني]

صح كلك

والله يعوضك وانا اخوك

تحياتي..

[نايف بن زايد]

الرسالة الأصلية كتبت بواسطة عبدالرحمن ال مغني

صح كلك

والله يعوضك وانا اخوك

تحياتي..

صح بدنك ياعبدالرحمن
لاهنت على المرور والتعليق

تحيتي

[محمد جفال]

بـــري حـالــي والـعـمــر مــاهــو يــزيــد
أنـقـضــى مـابـيــن صــكـــات الـحــيــاه

الله عليك أخوي.. فعلا العمر لايتسع لكثير
من احلامنا , فالامل طويل والاجل قصير

صح لسانك على هذه الرائعة وتقبل تحيات
أخوك محمد جفاال ..

[سعيد المري]

.
.

صح لسانك يانايف

[نايف بن زايد]

الرسالة الأصلية كتبت بواسطة محمد جفال

بـــري حـالــي والـعـمــر مــاهــو يــزيــد
أنـقـضــى مـابـيــن صــكـــات الـحــيــاه

الله عليك أخوي.. فعلا العمر لايتسع لكثير
من احلامنا , فالامل طويل والاجل قصير

صح لسانك على هذه الرائعة وتقبل تحيات
أخوك محمد جفاال ..

مرحبا ومسهلا يبو جفال, صح الله بدنك ولاهنت على المرور العظيم بعظمة مرورك
مودتي شاعرنا

[خلف ضحوي]

والله إنــــي مــــن عــذابــي مـسـتـفـيـد
أربــع(ن) لــو مـالـهـا عـنــدي حـــلاه
الـقـصـيــد وجــــــرة الــلــحــن الــفــريــد
والــتــوجــد فــــــي مــراقــيــب الـــســــراه
والـتـمـنـي لــــي بــــدا فــجـــر جــديـــد:
"عـــل وقـتــي مـايـطـول فـــي قــســاه"


صح لساااااااانك نايف

[نايف بن زايد]

الرسالة الأصلية كتبت بواسطة خلف ضحوي

والله إنــــي مــــن عــذابــي مـسـتـفـيـد
أربــع(ن) لــو مـالـهـا عـنــدي حـــلاه
الـقـصـيــد وجــــــرة الــلــحــن الــفــريــد
والــتــوجــد فــــــي مــراقــيــب الـــســــراه
والـتـمـنـي لــــي بــــدا فــجـــر جــديـــد:
"عـــل وقـتــي مـايـطـول فـــي قــســاه"


صح لساااااااانك نايف

صح بدنك ياخلف لاهنت

[بندر عبدالله]

صح لسسسسانكك أخوي